NITRITI 37:9 - ALLAH NIHYET MEM TUNGWATU NYA

⁹ Mpe di gom kin bu lene noni bong bimumpriem mbigom kin bu bimbot kep tut bak nikindig bat nya bipai “Dimumpriem mbigom kin bu bidingat lo, mpia njap kin bed mmun kin ham mpia-bbed him nya ningat simnaibrimiggom hagom ikuk yok bida.”

NITRITI 37:9 ပူးပေါင်းရင်းမြစ်များ

NITRITI 20:3

Njap poi ser lene Allah ndo Nonti bak Abimelekh. Tirigi Abimelekh bong bimumpriem mem mmun lene Allah sok kep noni ngkiem ser “Mbigom amai drek dip gi abuwak sop dima lewo noni bon nijjep tu.”

NITRITI 37:10

Lene noni mbot kep tut bak nicig cem leu api nicig sinsam noni tut bipai “Amumpriem notou rigima i? Akan bipia apmem nyeni kin akindig bat nya minikuk nye ei amig him e?”

NITRITI 37:7

Nyeni yahagom igyai midyai ei miaisi ba, ike gandum nintam kin yam leu api ditde gandum ningot ndig kiju biya pijum lo, jide nya hagom igya ttai ditde biyom yo bak.”

NITRITI 37:8

Lene nikindig bat nya ibuhup “Akan bipia anok nibou ndig ba, anyeng tak kep nye e?” Gima rino ingon mpo tut noni nindig bibor bu drek dip nide mun di mumpriem kin nipai mingat tutti cem.

NITRITI 41:25

Lene Yusuf buhup “Andigpoi e, mun di amumpriem tut dima hacem nimbot kepti gom ngat he. Lewo Allah mbot kep tut ningon kanti bina di Andigpoi.

NITRITI 41:32

Na di Andigpoi amumpriem mbican tut mun di bon nimbot kepti gom ngat he lene gini bindo tut bipia Allah kos tut ningon kanti tu leu api noni mibindei ba, jei bi lene hagom cut igkep nye.

NITRITI 42:6

Yusuf tri gandum ngan bak tungwatu nya leu dihyei nisurti-nipekti hagom lewo noni ne nibou di ninyeng tak kep timiei minu Mesir nya yahagom ri. Gima rino nikindig bat nya ikwei kuk yok ei nimig him ba, iba ingwak bikik mpia.

NITRITI 43:26

Tirigi Yusuf kwei krau ig bei nsi tu lene nikindig bat nya ikon ndigban di kei bibor kei dima binjei bak leu api ikuk yok binoni ba, iba ingwak bikik mpia.

NITRITI 43:28

Lene ibuhup “I, ade awak andigpoi di nyeni nicig no niyaisi jo yo ba, noni nok gi kei cem.” Lene ikuk yok binoni ba, iba ingwak bikik mpia.

NITRITI 44:14

Tirigi Yehuda kin nikindig bat-nikinjoi bat nya icoi hanyen ug ei Yusuf de ig bei nsi lene ingat lo, Yusuf no gwam bimbut bigyo. Lene yahagom ikuk yok ei noho bei ba, iba ingwak bikik mpia.

NITRITI 44:19

Andigpoi e, nipou pima lene ahig ser nye tut nyeni nicig kin nikinjoi ndrim cem.

NITRITI 45:9

Nogindini ma jibrim jimig bijingkwei hanyen ndam dicig bijipai igbit mun di disok ei je dip dini bipia Allah kon dinyeng bidinyeng tak kep minu Mesir nisurti-nipekti hagom tu. Ma noni kwei ngat da haninyai lene ma binyen au.

NITRITI 46:29

Yusuf bri nide kroba pran buug ei Gosyen lene um nicig ei sirima. Lene noni nggriou nicig bipim ba, niyai nggwei kibor bijo ninno.

NITRITI 47:12

Leu api noni tin ei njita di igyem nok gi dem mem yok kin ide bat nya yahagom bibikwop ide munggwom ngwoi nya cem.

DANIEL 8:10

Nibou nggai dima nide nisindemti kum eisi binindig ba, wer dem mem gima hwen ham mpia-bbed him nya binjei ham ningat poi ug ei dihyeisi bico kep nyen-nyen.

MBEN ISRAEL IMBUT-MBUT NYEN 12:6

Lene tuhan pai biyok “Suar jingig jitingou mem dihyet! Tirigi jide nabi nya ikiju bitri tut dihyet bije lene dindo dingon kanti biyok tug hon ningat-hi-ngat nya ba, dimbrap bit yok tug hon ide mun di imumpriem nya cem.

FILIPI 2:15

Tug hon nisinati dima lene jibindo brei bipia jinok Allah nimunggwom bat di ibon sisar bi di ingon sren ba, ingon gom cem mem nijam di ingat rin ei yo di isuwok kin yo di ibon sisar nya ikieti. Ma jinok ninjeng di piga ei yo dima ikieti noyam kin ham di piga digai mpia-bbed him,