NITRITI 37:4 - ALLAH NIHYET MEM TUNGWATU NYA

⁴ Tirigi jo nibreisi mem nikindig bat nya bipia icig ngondut Yusuf nindig bibor dor njiriek yoni lene ingon sibui sut Yusuf ba, ighyet wer mpiahi tut noni.

NITRITI 37:4 ပူးပေါင်းရင်းမြစ်များ

NITRITI 27:41

Gima rino Esau ningon dindi bibor tut Yakub drek dip gi nicig njei mun di kei nya hagom bak noni leu su. Apino noni kan-kan nyen “Son dideu sicig niyaijo ningwig honti tu ba, mpe dino nijam mem singon ngguk bram noni ngwig leu su lene misiyai nimai bak Yakub.”

NITRITI 37:11

Gima rino nikindig bat nya ingon kinei sut noni noro nicig bisrip tut Yusuf de mun di mumpriem nya ei ningonti.

NITRITI 37:5

Mpe di gom lene Yusuf bong bimumpriem leu api mbot kep tut mun di mumpriem dima bak nikindig bat nya apino ingon mpo tut noni nindig bibor bu.

NITRITI 4:5

Noro Noni rok Kain tut nide mun di kwas. Apino Kain ningon sibui nindig bibor binghek.

NITRITI 49:23

Mbro nok gino nide siceu di ingon mbuk bibor nya ihwen noni ba, iba ide tibor biprindei noni lo,

MAZMUR 38:19

Dipai jit ditde sisar bidingon bos-bos nyen tirigi dikan-kan nyen tut ditunggweisi nya.

MAZMUR 69:4

Dahara ninno apino dinghuisi jet bibor ba, dikimam bok cem. Diyai njep dut drek dip gi dicem kep puig ser akwei mpu dati.

YEREMIA 12:6

Yo dima ibakilak na tu lo, yoni he bi noro bitut ade adig-ajoi nya cem. Yahagom ibicom yam mem gima ihwen na. Mbro nok gino ikes igkep ighyet di mmau kei lo, ma aba angon com yok au.”

MARKUS 3:25

Ba, gino yo di ibong ig nittou hi iba nitok biyam leu api jei bi ne itot yam bingwig hak ri.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

YOHANES GI NIGOM 2:11

Noro no di ba nitok bak nisut no di Kresten ningat rin ei nidinditi. Noni mbut mem nidinditi leu api srawir lewo nidinditi bindei ba, niyai tu.

YOHANES GI NIGOM 3:10

Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.

YOHANES GI NIGOM 3:12

Ma igyai bram Kain niyaisi au. Noni jem niceu bit Bilis bikimukep nikinjoi. Nggon rino Kain kimukep noni i? Lewo Kain yai mun tunggwei noro nikinjoi yai mun igbit.

YOHANES GI NIGOM 4:20

Gino hi pai bipia ningon ngakei Allah noro ba nitok bak nisut no di Kresten hi lene no dima nok no di ris ri. Gino ningon ngakei nisut no di Kresten di noni ngat bou niyai him bi lene bit bon ningon ngakei Allah di noni ngat bou niyai him bigyo cem bi.

SAMUEL GI NIGOM 17:28

Daud nikindig di Eliab miap Daud nihyet tirigi mbrap bit tentara pima yok leu api ningon sibui sut bipai binoni “Akwei nggon i? Tou rinyohou ade domba nya ei iggum ndigsi dima i? Dikan tut bipia aba angon di jei bibrim angkek kwei mem gima atou kep nye di nikon pran dini he!”