NITRITI 37:34 - ALLAH NIHYET MEM TUNGWATU NYA

³⁴ Apino Yakub ningon ngguk bibor birik nide sinsun rok him bijuk sinsun kron drek dip nipmot ba, ningon di ngguk dima jo kikau ei njap mang.

NITRITI 37:34 ပူးပေါင်းရင်းမြစ်များ

NITRITI 37:29

Tirigi Ruben tau kwei leu nimbutti bingat ser jui nsi hanyen lo, ngat Yusuf ningat rin eisi bi lene ba ningon di ngguk bibor birik nide sinsun rok him drek dip nikinjoi.

NITRITI 42:38

Noro Yakub srep bipai “Midice tut Benyamin bit je bi sren. Nikindig mai leu noni tu ba, nimig gom he. Mpaba mun di buhun micut igkep noni kak puig sinon e? Dikoi bibor tu. Gino jibindei ba, dingon ngguk bibor bu lene midimai hak drek dip.”

NITRITI 44:13

Apino nikindig bat nya irik ide sinsun rok him drek dip ingon di ngguk bibor. Lene ikon ide kron nya hagom hanyen bikes ei ide keledai nya dip bingkwei hanyen ug ei minu ndig dima.

SAMUEL GI NICAN 1:11

Lene Daud kin yo di igya kui noni irik ide sinsun lewo yahagom ingon ngguk nindig bibor.

SAMUEL GI NICAN 3:31

Leu api Daud cuk Yoab kin nide tentara nya leu binhyepo irik ide sinsun bitun-ta lene ijuk sinsun kron di bindo tut ingon di ngguk bipim nggruet tut Abner. Mpe dino iba brua bittei Abner ningut mem gima itig lene Nibou Ndig Daud nonti ya abia kep yok.

NIBOU NDIG NYA GI NIGOM 20:31

Nide nibou tentara nya ikwei ngat bipai bak “Tungwatu itri tut bipia nibou ndig mben Israel ingon nggriu. Gino ace tut lene mijuk sinsun kron di bindo tut ninso nyenti tut niyai mun tunggweisi dini lene ikri kuk ei ikimam di bindo tut ibou di cut binoni ba, yuug ngat nibou ndig mben Israel. Mpaba noni miyai nimai biNa di Anyeng Jei bi e?”

NIBOU NDIG NYA GI NIGOM 21:27

Tirigi Elia kes nihyet hon lene Ahab rik nide sinsun nibou ndig bijuk leu no leu api juk sinsun kron biluei bu nok bindo bipia noni ttin ser nide sisar. Noni kou sut gi yem njita ba, ttin sinsun kron nok ban tirigi bong nibongti lene niimaisi nghek kikau cem.

NIBOU NDIG NYA GI NICAN 19:1

Tirigi ibou ningai pima ighyet tibim ei Hizkia nitingou nsi rino noni rik sinsun ei nonti him leu api juk sinsun kron lewo ningon buhun bibor. Lene noni bipbur ba, ug ei tuhan De Ig.

NIBOU NDIG NYA GI NICAN 2:12

Elisa ngat gima yok hagom bou niyai him. Gima rino noni hara Elia bipai “Arig e, Arig e, na di anyohou nye di mben Israel sindem bibor e, apror leu da tu!” Hon kep njap dima kui lene Elisa ngat noni bou niyai him bu bi sren. Gima rino ningon ngguk bram Elia ba, rik nide sinsun ninda jei hacan.

NIBOU NDIG NYA GI NICAN 22:11

Tirigi nibou ndig miap nihyet dima rino noni rik nide sinsun ei nonti him lewo ningon buhun bibor.

NIBOHON MBEN ISRAEL GI NIGOM 21:16

Daud ngat malaikati dima di dwop-dwop nyen ei mpia-bbed him kin dihyeisi dini nikieti bikrau simeda ei nindati lene bitin ei mem gima bindei timek Yerusalem lene noni ya tut limwa nya ide nibou nya yahagom di ijuk sinsun kron noyam bibindo tut gi inso yonti tut itunggweisi pima. Lene yahagom ikuk yok biba ingwak bikik dihyei.

NIBOHON MBEN ISRAEL GI NIGOM 7:22

Icig Efraim ningon ngguk bram yok bidem njap ngwa hagom apino nikindig bat nya kin nikinjoi bat nya ikwei gwam ser ningon a.

NEHEMIA 9:1

Ug ei njap gi ningot can ba, bitai ei bed dima lene mben Israel yahagom induk yam kwei bisindui njita mem nituti poi ba, ijuk sinsun kron cem yahap dihyei ndung ei ibou nggram him cem di bindo bipia ittin ser ide sisar.

AYUB 1:20

Lene Ayub kiju birik nide sinsun ei no him gi bindo bipia ningon ngguk bibor. Noni kak nibou nta leu api tti ug ei dihyeisi biba ningwak bikik dihyei,

AYUB 16:15

Dijuk sinsun kron di bindo tut dingon nggukti bidigwam tut ei atriemti lewo Noni bindei timek da tu.

AYUB 2:12

Tirigi igya ei minu ting bingat Ayub lene ingat igbit noni bi. Noro tirigi ingat igbit noni tu rino ipim kep ba, igyai nggwei kibor birik ide sinsun ei yo him cem lene ikam dihyei ndung ba, igimahap hi kui lene ikes hi ei ibou nggram him cem. Igyaisi dima bindo bipia ingon ngguk bibor.

MAZMUR 69:11

Ighyet tigut da drek dip gi diba dibou coi mem tungwatu nya tug hon gi diyem njita bi mem nituti poi.

YESAYA 32:11

Hon kep ammani nimo jug ne jibong kei jigwam kei noro tini bu ne jinghuisi mimpig sut bijittin bibor. Ma jijuk jide sinsun leu je leu api jikri sinsun kron kep jintig boua.

YESAYA 36:22

Apino Elyakim kin Sebna kin Yoah irik ide sinsun rok him drek dip ingon di buhun bibor leu api ingkwei hanyen bitri tut nibou Asyur nisrep huk yokti hagom bak Nibou Ndig Hizkia.

YEREMIA 36:24

Mbro nok gino Elnatan kin Delaya kin Gamarya ibrim ingkek kep nibou ndig ser nhyema noni ndig srat dima kep hum au lo, noni kou sut gima miap kep ighyet. Ningat ne nibou ndig kin nibou di igya ttai noni yahagom ittin tut srat nibokti dima ba, ingon ngguk tut nihyet dima bi.

YEREMIA 48:37

Yahagom ikak ibou nta kin yuhui nta ba, idat inda pang nya bijuk sinsun kron di bindo tut ide ningon nggukti tu.

YOEL 2:13

Ma jiba jingon di nggriu-nggrop bindo tut gi jittin ser jide sisar leu gino jirik jide sinsun ei je him he ne dem mem bi.” Ma jingkwei hanyen ndam tuhan di nok jide Allah. Ningon jo nyahan ba, ngondut je biningon nggriu sut je cem. Noni tin ei mem gima kos ser tungwatu nya ide sisar bikou sut gi kes hukum ei yok dip.

MATIUS 11:21

“Ayo! Notou mem je di timiei minu ndig Korazim i? Ayo! Notou mem je di timiei minu ndig Betsaida i? Mindur di dibibon mem je tu pima gino dibibon bak timiei minu ndig Tirus kin Sidon lene mmo yo gi ijuk sinsun kron di bindo bipia ittin ser ide sisar bikiek ndam Allah leu api igwam tut ei atriemti mimbrek tu.

MATIUS 26:65

Pai nok rino Imam Nibou Ndig bisinggre birik nide sinsun bipai “Mei! No dini nihyet wer mpiahi tut Allah! Isuar yo di ikkin kep ninghapti bu bi. Nihyet di wer mpiahi tut Allah tibim ei jahagom jitingou nsi tu.

KISAH 14:14

Noro tirigi ingon kanti dima jo nibreisi mem Paulus Barnabas nya lene irik ide sinsun rok him leu lene idor bisrig yo dima ikieti ba, imbrua kep yok bipai,

YOSUA 7:6

Lene Yosua kin nibou Israel nindigsi nya ingon ngguk bibor apino irik ide sinsun rok yo him drek dip leu api ikuk yok biba ingwak bikik dihyei ei bei tuhan De Brua Gi Preu nuhui him mem njap jei dima kikau bimmun kep ba, ikam atriem bigimahap ei ibousi nok bindo tut ingon di ngguk cem.

NINGAT-HI-NGAT NYA 11:3

Midicuk nabi nya ibou can di ijuk sinsun kron leu binhyepo itri tut Allah ningon kanti kikau mem njap sribu gom sratus can ningot muhwindagom.”

NIJAM NIKEI NYA 11:35

Tirigi Yefta niyai ttem nipmisop dip lene ba ningon di ngguk bibor bibindei rik nide sinsun rok him bipai “Ayo, dipmisop ndia ug o! Abindei bidingon ngguk bibor. Nggon rima abindei bidingon ngguk bibor i? Dipreu ei bak tuhan tug hon neheng ba, bit bon dinggek dingon tut gi preu dima kan bi.”