NITRITI 37:14 - ALLAH NIHYET MEM TUNGWATU NYA

¹⁴ Lene nicig pai bu “Ma aug bisis ser yok gino ingat rin kin gi kei ba, domba nya kin kambir nya cem hagom nok gi kei e? Leu api akwei hanyen ba, apai igbit bida.” Lene nicig cuk noni buug leu api noni jo leu mbang briep Hebron dima. Jei bi lene noni kwei krau Sikhem,

NITRITI 37:14 ပူးပေါင်းရင်းမြစ်များ

NITRITI 13:18

Gima rino Abram llet nide prak meng yati bimbut tut bohok hanyen ei biei pigig nghousi di ninyeng Mamre di tungwatu nya ipigig ser mem ide kwar di ikuk yok bak nya dideu Hebron. Lene noni dingug tig nindig bijo-jo yam dip nok nimbar hum dok mem binggei sut tuhan.

NITRITI 23:19

Gima ngwig lene Abraham tig nitnem Sara ningut ei hak mihyeti Makhpela ei minu Kanaan.

NITRITI 23:2

Leu api nide njap ngwig hon ei Hebron ei minu Kanaan apino Abraham ningon ngguk tut bipim kep.

NITRITI 29:6

Lene noni hig ser yok bu “Notou mem noni i? Hagom kei e?” Lene ice bipai “I, hagom kei lo, angat i! Nipmisop Rahel rino sindi jem Laban de domba nya di tau sut mo kwei.”

NITRITI 35:27

Lene Yakub ug ngat nicig Ishak ei nibongti ei Mamre gi dideu Hebron. (Yakub nignyon Abraham cem bong ei sirima nipou su.)

NITRITI 37:15

biya-ya nyen ei susti leu api um tungwagom di hig ser noni “Anggok ser tou i?”

NITRITI 41:16

Lene Yusuf buhup “Andigpoi e, dani ne bi noro Allah mimbot kep tut nok igbit bina di Andigpoi.”

NITRITI 43:27

Lene noni hig ser yok “Jahagom nok gi kei e? Nipou lene jipui sut jicig dikoi bibor tu. Noni cem nok gi kei e? No niyaisi jo yo e?”

SAMUEL GI NICAN 11:7

Tirigi Uria kwei tau kep Nibou Ndig Daud lene nibou ndig hig ser noni “Notou mem Yoab kin tentara nya i? Hagom kei e? Ikon pran kikep bit leu igyai kepti e?”

SAMUEL GI NICAN 18:32

Lene nibou ndig hig ser noni “Notou mem dipmot Absalom i? Noni nok gi kei e?” Lene awak dima buhup “Andigpoi e, bit leu dingon kanti ne dingon kei sut gima ade siceu nya kin yo di ikiek imig jou tut na di Andigpoi yahagom ide mun di cut igkep yok noyam kin mun di cut igkep pinai pilei dima tu.”

NIBOU NDIG NYA GI NIGOM 2:33

Yoab kin nide nintun him di bram yam nya mibiang nibuhunti drek dip nibou pran cin dima imaisi bijo ninno bijo kikau. Noro tuhan minjei mun di kei bak dicig Daud de nintun him yamti di bram yam nya di igya luei nohoti bigwam nok nibou ndig ba, yahagom mibong kei migwam kei.”

ESTER 2:11

Mordekhai mbut-mbut nyen ei nibousi mem nibou ndig de sop nya pima nikiou biya bei mpia di jo bas hak di iba ngug tig bikrop ttai bikwop njap-njap bihig ser Ester ningat kin mun di mipek kep mem noni.

MAZMUR 125:5

Noro ma akes hukum ei yo di ingon can nya dip ei mpe di akes hukum ei yo di isibut nya dip. Asindui sut ba, Ade limwa nya ibong kei igwam kei!

YEREMIA 29:7

Ma jiyai kep midyai di bindei ba, jeni kin timiei minu ndig ngot di dicom je ug eisi nya cem ibong kei igwam kei. Ma jingat nadi tindei minu ndig ngot dima leu binhyepo dinjei mun di kei bak yoni. Leu gino yo dima ibong kei igwam kei lene jeni cem mijibong kei jigwam kei bit yok ba, mun di jisuar nya midem mem je.

MBEN ISRAEL IMBUT-MBUT NYEN 13:22

Nimbie him lene yuug ei minu dima nibiho ba, yuug krau minu ndig Hebron. Hebron ne keret Ahiman Sesai Talmai di intun Enak him itimieisi ri. Yo dima iwin Hebron ei ari bingwam muhwindacan nipou tirigi mben Mesir iwin minu ndig Zoan bigyo.

LUKAS 19:42

bipai “Ndina! Gi kei rino njap di ammani jingon hukti tut mun di biyai jingon di kwes kin Allah! Noro nogindini mun dima jo nding leu jiyai him!

YOSUA 14:13

Lene Yosua ngat nadi tindei mun di kei leu tuhan Allah mem Kaleb di Yefune nipmot leu api kwas minu ndig Hebron tut noni kin yo di intun noni him.

YOSUA 14:14

Minu ndig Hebron dima ne yo di intun Yefune di nimbier kim Kenas ninsi de dima nipmot Kaleb ide minu ndig di itug ndei di bijo kikau kwei bipek ammani kep ri. Lewo noni ba ningon di gom bibit tuhan Allah Israel nicuk noti.

YOSUA 14:15

Nipou yo lene ijem minu ndig Hebron ninyeng Arba. (Arba ne no di anjan ba, ninyeng jei bibor dor njiriek mben Enak nindigsi nya ri.) Mpe dima lene mpia mbum-bra ei minu dima nisurti-nipekti apino mben Israel ibong kei igwam kei lewo nikon-kon nyen pranti bindin yok bu bi.

NIJAM NIKEI NYA 1:10

Lene ihwen timiei minu Kanaan di ibong ser minu ndig Hebron cem. Minu ndig Hebron di nipou yo lene ijem ninyeng Kiryat-Arba. Tentara keret Yehuda injei siceu bihwen Sesai kin Ahiman kin Talmai yahagom ide bat nya cem ba, ibindei timek yok ei mpia dima.

SAMUEL GI NIGOM 17:22

Lene Daud kes njita dima bak nibou pran leu api brim nimig bidor buug ngat nikindig bat nya ei idis yamti bihig ser yok tut mun di pek kep mem yok.