NITRITI 37:11 - ALLAH NIHYET MEM TUNGWATU NYA

¹¹ Gima rino nikindig bat nya ingon kinei sut noni noro nicig bisrip tut Yusuf de mun di mumpriem nya ei ningonti.

NITRITI 37:11 ပူးပေါင်းရင်းမြစ်များ

NITRITI 24:31

Lene Laban pigo noni bipai “Ningat ne tuhan njei mun di kei bak na di Arig tu! Aya hak ei nisai dini tut nggon i? Akwei bit da ba, suug ei ig bei nsi. Ditin ei nghim nsi gom mem na biditin ei mpia di dem mem unta nya cem tu.”

NITRITI 37:12

Mpe di gom bu ne Yusuf nikindig bat nya imbut biyuug ei Sikhem bijem Yakub de domba nya kin kambir nya kep abris meng ei sirima.

NITRITI 42:9

Lene noni yok ngon kep gi po noni mumpriem tut yok pima leu api cug yok bipai “Jingon mang bijikwei yok jitta kep nyende minu dini tirigi niya ser bi.”

MAZMUR 106:16

Lene ingon kinei sut Nide awak di Musa kin Harun di ingon kwes nya ei iggum ndigsi.

NIBA NINGON SRIP HUKTI 4:4

Lene dikan tut bipia tungwatu nya igyai midyai sindem drek dip gi ingat yo di inttig-tta nya ide ndigban di itug ndei leu midyai di ibrim ingkek tut nya. Gima yok hagom ne mun di bit bon dingon dorti tut kan bi rin ba, dem kep nok niyon igkep hou nimig.

YESAYA 11:13

Minu Israel ningon mikinei sut minu Yehuda bi, Minu Yehuda miba nitok bak minu Israel bu bi.

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

DANIEL 7:28

Nimbot kepti nohonti ndia ri. Lene dittin tut nindig bibor ba, diimaisi hai. Dimbot kep tut ningat-hi-ngat dima bak hiter bi noro diku hagom nyahan ei dingon bei.

MATIUS 27:18

Pilatus hig singgre yok nok gima lewo kan tut bipia nibou mben Yahudi nya ikes Yesus ei nindati kin ingon di kinei sut Noni.

MARKUS 15:10

Pilatus pai nok lewo kan bipia imam nindig nya ikes Yesus ei nindati drek dip ingon di kinei sut Noni.

LUKAS 2:19

Noro Maria pwoi mun dima yok hagom ei ningonti lene ba ningon bisrip huk.

LUKAS 2:51

Leu api Yesus bit yok bingkwei hanyen ug ei minu ndig Nazaret lene kuk No mem ighyet. Maria pwoi mun di pek kep mem yok dima hagom ei ningonti.

KISAH 13:45

Tirigi mben Yahudi ingat lo, tungwatu ningot ndig dima idem yam ei su lene ingon kinei sut Paulus kin Barnabas bipai Paulus kinei bitte tut nihyet di noni tri tut hagom.

KISAH 7:9

Ide pung di nyeni intun him dima yok ingon kinei sut ikinjoi kieti di Yusuf bitri noni nok awak ug ei minu Mesir. Noro Allah nyohou noni kikau,

GALATIA 5:21

ingon kinei sut yam drek dip mun di imbun nya cem pes pu yok cem ibon pesta tut ide kwar di ikuk yok bak nya cem hagom. Disok kep je hanyen bu noyam kin gi disok kep je nipou su bipia tungwa tou rino bon mun di kinei dini yok micoi bit Allah Ninyeng Tak Kepti bi sren.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

YAKOBUS 4:5

Jikan tut bipia Allah nihyet di nijit pai “Allah Ninnei di Noni hi bikes ei nyeni ingonti ne joi sut biboudut tut.”

SAMUEL GI NIGOM 18:8

Saul joi sut ighyet dima bi ba, ningon sibui sut yok nindig bibor lene pai “Yoni ikan bipia Daud yai nimai bak nide siceu nya ibou sribu-ribu simnai noro dani diyai nimai bak ditde siceu nya ibou sribu-ribu gom he e? Mbigom lene yoni mita noni nok nibou ndig di ya luei dohoti!”