NITRITI 35:2 - ALLAH NIHYET MEM TUNGWATU NYA

² Lene Yakub sok kep nide bat nya kin nide limwa nya yahagom bipai biyok “Ma jicom ngkiai ide kwar di ikuk yok bak di jipwoi-pwoi nyen leu ba, jibon midut di bindo bipia jingon kwes hanyen leu api ma jijuk sinsun di pwoi kei.

NITRITI 35:2 ပူးပေါင်းရင်းမြစ်များ

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

NITRITI 31:19

Mpe dima lene Laban ug kos nide domba nya inta leu ba, ningat rin bi. Nijam dima bon nituti kei bibor mem Rahel ba, noni ug yai kwar di Laban ba ningon com nya leu ig bei buug sut.

NITRITI 31:30

Dikan tut bipia ambut leu da ba, angon bisau sut gima angkwei hanyen ug ei atimieisi. Noro nggon rino anggimang nyende kwar di nikuk nye bak nya ba, anang tut i?”

NITRITI 31:34

Noro Rahel ku kwar nya dima nyahan ei bangdop di noni cug leu unta nya dip bigwam kep. Laban nggok-nggok nyen ei Rahel de prak meng nsi hagom noro ngat mun nyeng hi bi.

NITRITI 34:2

Tirigi Sikhem ngat Dina nuubbuti bou niyai him lene noni kat bicut tut noni. Sikhem nicig ninyeng Hemor ba, Hemor ninyeng tak kep mben Hewi ei minu ndig dima.

NITRITI 35:22

Tirigi ibong ei sirima lene Ruben cut tut nicig nitnem ndrim Bilha. Tirigi nicig miap ninghapti tut lene ningon sibui sut Ruben nindig bibor. Lene Yakub yai nipmot bat nya ibou simnaibrimigcan.

SAMUEL GI NICAN 7:23

Ngkiai nya ei dihyeisi dini noyam kin Israel bi. Lewo ateu mben Israel leu awak leu binhyepo abibon yok ba, inok Ade limwa nya. Mun di sindem bibor kin mun di mindur di abibon mem yok bindei ba, tungwatu nya itri tut bidem dihyei nisurti-nipekti tu. Ajji ngkiai nya bitut ide kwar nya bingwig sindam tirigi Ade limwa nya icoi ug ei ide minu bikon pran bit yok tu.

NIBOU NDIG NYA GI NICAN 17:29

Noro yo di ikwei bong ei Samaria dima ibon ide kwar nya mem yonti bijo kikau. Lene ikes bijo ei ig kwar po mben Israel di nipou ibong ei minu mien dima ingot ei ninsi. Bikwop nimpung nya ibon kwar biyonti ei minu mien di ibong ser nya.

NIBOU NDIG NYA GI NICAN 5:10

Leu api Elisa sok nihyet ei nide awak dip bak Naaman bipai “Andigpoi e, ma aug kek Minyei Yordanti mbimuhwindacan leu api ayai angkek ngun eisi hanyen ug ri.”

NIBOHON MBEN ISRAEL GI NIGOM 16:26

Mben hiter nya ide kwar nya di ikuk yok bak ne kwar nya he ri. Noro tuhan ne No di pai tes mpia-bbed him titut yam ri.

AYUB 1:5

Mpe di igyem pesta ba, ngwig binjap kep lene Ayub kiju mem ha yausi leu api bon midut nibiyai ningon kwesti mem nimunggwom bat nya bibindei ba, ingon kwes kin tuhan. Lewo noni kan bipia hi rima simunggwom gom bon sisar ba, nihyet wer mpiahi tut Allah e? Sikan tut bi.

MAZMUR 51:2

tirigi Natan pai kep noni drek dip gi cut tut Batsyeba.

MAZMUR 51:7

Diyai mun tunggwei ba, dingon mui habiei disrekti he bi. Sisar kui da hammi tirigi dipmem sindi nghop tut da.

NEHEI LEUSI 19:10

Nogindini ma aug ngat yo dima ba, acuk yok bipia njap di ammani kin njap di hyep cem suar itin ei mem gima ikuk yok biDa. Suar yahagom itot ide sinsun bipwoi,

NEHEI LEUSI 19:14

Lene Musa juk kwei leu nungug dip bicuk tungwatu nya bipia itin ei mem ikuk yok bak tuhan. Gima rino yahagom itot ide sinsun bipwoi.

NEHEI LEUSI 23:13

Ma jiyok ngon kep Ditde nicuk jeti nya hagom. Ma jikuk je bijahara bak ngkiai ide nung di ikuk yok bak nya au. Harin dima jindat kep nung dima ninyenga.”

NIBA NINGON SRIP HUKTI 5:1

Ma akan-kan nyen tut ambrapti nipou ug e leu api ambrap. Ma aba angon priti bipreu ei mem Allah au. Allah Ningat rima ei gwamti lo, nani angat rin ei dihyeisi dini. Gima rino ma akan-kan nyen tut ade nipreu ei mem Noti nipou ug e.

YESAYA 1:16

Ma jibon midut di bindei ba, jingon tiei kei. Ma jikes hon ba, jibon sisar bu au. Igbit ri! Ma jibon sisar bu au!

YESAYA 52:11

Je di jittei tuhan De Ig nimbumbati nya bijikwei sut e, ma jikes minu Babel ei ba, jikwei leu! Ma jingget mun di map kuisi au. Lene ma jitin ei jingon di kwes kei nipou tirigi jikwei krau bigyo.

YEREMIA 13:27

Dingat igbit je tirigi jibon kep mun nyeng di dingon mpo tut nya tu. Dingat gino juhuk bram nung nya ug ei nungug tou nya kin ngoi dumti nya tu. Jidem kep pinai gom di nibou buwei kep hi nitnem ba, jidem kep kuda nikre di bit niwek igkei. Je di timiei minu ndig Yerusalem e, buhun bibor mem je o! Apig bu leu api mijingon kwes ba, mun di kinei rap je bu bi i?”

YEREMIA 16:20

Bon tungwatu hi heu kwar di nonti kuk no bak e? Nok gima bi sren! Ningat ne mun di bon dima ne Allah nijit rin bi.”

YEREMIA 5:7

tuhan pai “Nggon rima dikos ser Ditde limwa nya ide sisar nya i? Iba inghim biDa bikuk yok bak kwar nya tu. Dikwas njita tut yok ba, igyem bindei yok noro ibon sisar nicut tut yamti ba, icem kep sop di ikrar jut nya.

YEHEZKIEL 18:31

Ma jimbres jenti leu jiyai munti di mbuk bibor di jita jibou eisi nya leu api jisindui sut ba, jingonti kin jikan-kan nyenti nok nijep bu. Nggon rino jingon llei sut gi jiyai nimai i?

YEHEZKIEL 20:7

Dicuk yok ba, suar icom kwar di suwok bibor di ijoi sut kei di icem kep di ikuk yok bak dima. Diggai ser yok leu binhyepo ibindei ba, map kui yokti tug hon gi ikuk yok bak mben Mesir ide kwar nya bu au. Lewo Dani ne ide tuhan Allah ri.

YEHEZKIEL 36:25

Gima ngwig lene midiba minyei di pimbai kei biprok je leu binhyepo jingon pwoi leu jide kwar nya kin mun nindigsi di bindei ba, map kui je tu nya.

DANIEL 5:4

Yahagom inggei sut ide kwar di iba mas kin perak kin ngkimom-tembaga kin ngkimom nitu kin biei kin tig bibon.

IMAM NYA IDE MIDYAI 15:5

Tungwa tou rino ngget mpia di no dima bongti ba,

IMAM NYA IDE MIDYAI 17:16

Gino noni bit nicukti dima bi lene suar biang niyai munti dima nibuhunti.

MBEN ISRAEL IMBUT-MBUT NYEN 31:24

Lene suar itot ide sinsun ei njap gi nimuhwindacan leu api map kui yokti bu bi ba, ingkwei hanyen kwei ei prak meng yati.”

KISAH 19:26

Nogindia jingat bou jiyai him bijimiap ei jitingou nsi cem tut no di Paulus bitut ningginau tungwatuti. Noni tri tut bipia kwar di ikuk yo bak di tungwatu ibon bou inda him dima ne nitrowai he. Ba, noni pingok timiei minu ndig Efesus dini he ingonti bi noro pingok timiei hanjop Asia nisurti-nipekti ingonti cem ba, imang bibor itti kin noni.

KORINTUS GI NIGOM 10:7

Ma ikuk nye bak kwar cem noyam kin yoni au. Bit leu nok gi ipas ei Allah nihyetti “Ikuk yok bigyem njita bidut mun di pu yok leu api ikiju bigya ba, iba ingon di llei bikuk yok bak kwar nya.”

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

GALATIA 4:8

Nipou lene jikan tut Allah bi. Noro jinok awak mem ninnei nya di tungwatu nya ikuk yok bak lo, ninnei dima yok hagom ninnei nitrowai he.

NINDAT KEP TUHAN NICUKTI NYA 11:28

Noro mijitug ndei nisigionti gino jibit jide tuhan Allah nicuk jeti nya bi leu api jikiek joho ba, jikuk je bak nung di jikuk je bak nipou bigyo bi sren bu.

NINDAT KEP TUHAN NICUKTI NYA 32:16

Gi ikuk yok bak kwar nya bindei ba, tuhan ibou dut ser yok. Gi icut ei sisarti bindei ba, ningon sibui sut yok.

NINDAT KEP TUHAN NICUKTI NYA 5:7

Harin dima jikuk je bak nung di mipror yon a. Noro ma jikuk je biDangkom he.

NINDAT KEP TUHAN NICUKTI NYA 6:14

Ma jikuk je bak nung di ngkiai nya di ibong ttai je ikuk yok bak nya au.

NINDAT KEP TUHAN NICUKTI NYA 7:25

Ma jindig ide kwar di ikuk yok bak nya kep huma. Ma jingon pri kep perak kin mas di jo kin ide kwar nya bijiyai mem jenti au. Gino jiyai mun dima yok mem jenti lene mijitug ndei nimai drek dip lewo tuhan di nok jide Allah ningon mpo tut yo di ikuk yok bak kwar nya.

IBRANI 10:22

Gima rino jikwei ba, iba ingon di gom kin ingon di nddong kin ingon di kwes-kwau di mui bu bi kin nikek minyei di pimbai keiti bison dideu Allah.

YAKOBUS 4:8

Ma jidideu Allah leu api Noni dideu je. Je di jingon rom e, suar jipiap jinda leu ba, je di jingon mang e, suar jipindi jingon bikwes.

YOSUA 23:7

Gino jiyai igbit ditde nipingok jeti dima lene mijiket ei mben nya di igya ngkiem ei jikieti pimati bijingat nadi tug hon ide kwar nya inyeng bijeheng bitug hon kwar dima inyeng mijikuk je bak bijinggei sut ide kwar dima yok cem bi.

YOSUA 24:14

Lene Yosua binut nihyet bu bipai biyok “Gima rino ma jikon tuhan ninyeng nogindini. Ma jibindei ba, jingon sren ba, jingon gom cem. Ma jicom nung di jikuk je bak nya po jidigup bat-jidigai bat nya ikuk yok bak ei minu Mesopotamia kin Mesir pima hagom. Leu binhyepo jikuk je bak tuhan Nongkom.

YOSUA 24:15

Gino jikou sut gi jikuk je bak Noni lene ma njap di ammani jikos tut no di jikuk je bak. Mijikuk je bak nung nya di jidigup bat-jidigai bat nya ikuk yok bak ei Mesopotamia pima e, he jikuk je bak nung di timiei mben Amori ei minu di jibong eisi dini ikuk yok bak nya e? Noro tut dani kin dide bat nya nahagom minikuk nye bak tuhan Nongkom.”

YOSUA 24:2

Lene noni pai biyok “tuhan di nok mben Israel ide Allah sok nihyet ei da dip bak jeni bipai bije ‘Habiei ei nimbie him lene jide pung nya ibong kei igwam kei ei itimieisi di jo ei Minyei Efrat nite dima ug ba, ikuk yok bak ide kwar nya ei sirima. Terah di jide pung yai nipmot bat cin di inyeng Abraham kin Nahor.

YOSUA 24:20

jikes Noni leu ba, jikuk je bak nung nya dima kan bi. Mbro nok gino Noni yai gi kei bije nipou su lo, Noni mikou sut je bikes hukum ei je dip kikau bibou jahagom jimai bijingwig ug e.”

YOSUA 24:23

Lene Yosua sok kep yok bipai “Gi nok lene ma jicom nung di jikuk je bak nya di jo srig jide ndigbanti po jipos leu ngkiai nya pima leu api ma jipreu ei mem tuhan di nok jide Allah bipia mijingon gom tut Noni.”

YUDAS 1:23

Ma jiteu yo di ingon jo kep bi di isrig jikieti ba, ingwes ngun leu hum njengti di yem yok. Ma jingondut yo di igyai igbit ingut kanti di kinei di srou yok nya. Ma jiba jingon di sok kep jenti bimbres jenti leu ide ningut kanti di kinei dima leu binhyepo sisar rap je bi.

NIJAM NIKEI NYA 10:16

Leu api icom kwar nya hagom. Leu lene ikuk yok bak Allah hanyen bu. Apino Allah ngig niyai kep yok bingat mun di buhun tak yoni lene ngondut yok.

SRAT RUT 1:15

Leu api Naomi pai binoni “Rut e, asut ngkwei hanyen ndam nide bat nya kin nide kwar hanyen tu. Suar nani cem angkwei hanyen bit noni.”

SAMUEL GI NIGOM 16:5

Lene noni buhup “I, dingon kwes kin je lo, dikwei mem dibon midut nindig mindhe kep hum bak tuhan. Ma jibon midut nipiap jenti bipwoi leu api jikwei bit da.” Lene noni cuk Isai kin nipmot bat nya cem bipia ibon midut nipiap yonti bipwoi leu api hig yoni cem ikwei bit nibon midut nindig mindhe kep hum bak tuhan dima.

SAMUEL GI NIGOM 7:3

Lene Samuel pingok mben Israel ingonti bipai biyok “Gino jikos tut bipia jiba jingon titut yam bikuk je bak Allah lene ma jicom kwar Asytoret kin kwar nindigsi nya di jikuk je bak hagom leu je ug e. Lene ma jikes jenti titut yam bak Allah ba, jikuk je bak Nongkom cem leu api Noni miteu je leu mben Filistin indati.”