NITRITI 35:19 - ALLAH NIHYET MEM TUNGWATU NYA

¹⁹ Niabiati tirigi Rahel mai leu su lene nide bat nya itig ei simpak di bie ug ei Efrata ninghas him bijem mpia dima ninyeng Betlehem.

NITRITI 35:19 ပူးပေါင်းရင်းမြစ်များ

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

NITRITI 48:7

Dipai dingon kanti dini bina drek dip apmem Rahel di mai kep da kak puig sinon ei minu Kanaan tirigi nyeni ikwei leu Mesopotamia bimbut ug ei dideu Efrata. Dingon ngguk tut noni nindig bibor biditig ei simpak di ug ei Efrata ninghas him.” (Nogindini ijem Efrata ninyeng Betlehem bu.)

MATIUS 2:6

‘He minu mien Betlehem ei hanjop Yudea e, anyeng mitibim nok minu mien he ei minu Yehuda bu bi. Lewo nibou di ninyeng jei mijem nitimieisi leu ade minu mien leu api Noni mibie tut Ditde mben Israel.’ ”

SRAT RUT 4:11

Lene yo dima yahagom isimbot dat bipai “Igbit ri. Ningat hagom bou niyai him tu. Handei kon ba, tuhan bindei ba, atnem noyam kin Rakhel kin Lea po igyai imunggwom bat nya imang bibor bak Yakub mimbrek ngan tu pima. Nnaba ma anyeng bibor ei ade bat di itig mbier tut Efrata ikieti ba, anyeng jei bibor ei Betlehem.

SRAT RUT 1:2

No dima ninyeng Elimelekh lene nitnem ninyeng Naomi ba, nipmot bat cin inyeng rino Mahlon kin Kilyon. Yoni itig mbier tut mben Efrata. Ibong ei minu Moab wer mimbrek tu lene,

MATIUS 2:1

Maria srek tut Yesus ei minu mien Betlehem ei hanjop Yudea mem nijam di Herodes ninyeng tak kep mben Yahudi. Mpe dima cem andigpoi di ingon ki tut ham mpia-bbed him nya ibou poi ijo leu mpia nipriti bikwei krau minu ndig Yerusalem.

MIKHA 6:2

Mbigdip nya kin dihyeisi dini nikiou nya e, ma jingig jitingou mem tuhan nihyet di pai kep mben Israelti! Lewo Noni mipai kep mben Israel ei nikei noho bei biwit huk yok drek dip.

YOSUA 19:15

Keret Zebulon nide bat nya itug ndei minu ndig simnaibrimigcan bitut minu mien di jo ttai nya ba, inyeng tak kep. Minu ndig simnaibrimigcan dima ne Katat kin Nahalal kin Simron kin Yidala kin Betlehem kin nindigsi nya ri.

NITRITI 35:16

Lene Yakub kin nide bat nya yahagom ijo leu minu ndig Betel biyuug ei Efrata. Tirigi yoni yuug krau Efrata bigyo rino Rahel di tta buhun ninghim dut ei puig sinon lo, nimunggwom kinai ei ninghopti.

NITRITI 35:18

Noro Rahel de njap ngwig hon ug rin ba, tirigi ningon tai-tai bou lene jem nipmot ninyeng Ben-Oni. Noro nicig jem ninyeng Benyamin.

SAMUEL GI NIGOM 17:12

Daud nicig ninyeng Isai lene Isai tig mbier tut keret Efrata bibong ei Betlehem ei hanjop keret Yehuda ide. Noni yai nipmot bat nya ibou muhwindaningai. Tirigi Saul ninyeng tak kep mben Israel lene Isai nok andig-ndau leu su.

EZRA 2:21

Andigpoi nya di idigup bat-idigai bat nya ibong ei minu ndig Betlehem ibou sratus gom ningot can ba, ningai kin andigpoi nya di idigup bat-idigai bat nya ibong ei minu ndig Netofa ibou ningot muhwi ba, muhwindagom kin andigpoi nya di idigup bat-idigai bat nya ibong ei minu ndig Anatot ibou sratus gom ningot can ba, muhwindaningai kin andigpoi nya di idigup bat-idigai bat nya ibong ei minu ndig Asmawet ibou ningot bitai ba, can kin andigpoi nya di idigup bat-idigai bat nya ibong ei minu ndig Kiryat-Ayim kin Kefira kin Beerot ibou sratus muhwindacan ningot bitai ba, can kin andigpoi nya di idigup bat-idigai bat nya ibong ei minu ndig Rama kin Gaba ibou sratus muhwindagom ningot can ba, gom kin andigpoi nya di idigup bat-idigai bat nya ibong ei minu ndig Mikhmas ibou sratus gom ningot can ba, can kin andigpoi nya di idigup bat-idigai bat nya ibong ei minu ndig Betel kin Ai ibou sratus gom ningot can ba, ningai kin andigpoi nya di idigup bat-idigai bat nya ibong ei minu ndig Nebo ibou ningot muhwi ba, can kin andigpoi nya di idigup bat-idigai bat nya ibong ei minu ndig Magbis ibou sratus gom ningot muhwi ba, muhwindagom kin andigpoi nya di idigup bat-idigai bat nya ibong ei minu ndig Elam gi ter ibou sribu gom sratus can ningot muhwi ba, bitai kin andigpoi nya di idigup bat-idigai bat nya ibong ei minu ndig Harim ibou sratus ningai ningot can kin andigpoi nya di idigup bat-idigai bat nya ibong ei minu ndig Lod kin Hadid kin Ono ibou sratus muhwindacan ningot can ba, muhwi kin andigpoi nya di idigup bat-idigai bat nya ibong ei minu ndig Yerikho ibou sratus ningai ningot bitai ba, muhwi kin andigpoi nya di idigup bat-idigai bat nya ibong ei minu ndig Senaa ibou sribu ningai sratus muhwindagom ningot ningai ba, yahagom ingkwei hanyen.

MAZMUR 132:6

Nyeni nimiap tut Brua Gi Preu ei Betlehem leu api nittau kep brua dima ei susti dideu Yaar.

NIJAM NIKEI NYA 17:7

Mpe dima lene pinai pilei gom di ntun keret Lewi him cem no rinaha. Nipou yo lene noni bong ei Betlehem ei keret Yehuda de dihyei hanjop nsi.

SAMUEL GI NIGOM 10:2

Tirigi akes da ei ba, ambut lene aum pinai nya ibou can dideu Rahel nijui dip ei Zelzah ei keret Benyamin de hanjop nsi. Yoni mipai bina bipia tungwatu nya ingat keledai po jinggok ser pima tu. Apino acig mikrau ningon tut keledai nya bu bi noro mikrau ningon tut nani bu binggok puig mem gima ngat angat hanyen bu.”

SAMUEL GI NIGOM 16:4

Lene Samuel yai hagom bit leu nok tuhan nicuk noti leu api mbut ug ei Betlehem. Noni kwei krau lene nibou minu dima nya iba inghuisi di mpig sut kwei um noni bihig ser “Andigpoi di akan huk mindur kan e, aba angon di kwes kin nye bikwei cem kep nyeni e?”

SAMUEL GI NICAN 23:15

Lene Daud ningon ngguk tut nitimieisi dima bipai “Ayoo! Handei krai minyei di biam leu minyei bousi di jo dideu dimbou pmem nuhui ei Betlehem kwei bididut kep dinggobiausi ug o!”

NIBOHON MBEN ISRAEL GI NIGOM 2:51

Hur nipmot gi nican di Salma win minu ndig Betlehem lene nipmot gi niningai di Haref win minu ndig Bet-Gader.

NIBOHON MBEN ISRAEL GI NICAN 11:6

Minu ndig ngot dima yok rino Betlehem kin Etam kin Tekoa kin Bet-Zur kin Sokho kin Adulam kin Gat kin Mares kin Zif kin Adoraim kin Lakhis kin Azeka kin Zora kin Ayalon kin Hebron.

MIKHA 5:1

tuhan pai “He minu ndig Betlehem Efrata e, anyeng mitibim nok minu mien he ei minu Yehuda bu bi! Noro midita ade timiei gom nok nibou di ninyeng jei mem mben Israel ba, pung di noni ntun him jo habiei nipou su.”