NITRITI 34:30 - ALLAH NIHYET MEM TUNGWATU NYA

³⁰ Lene Yakub nso tut bipai bak Simeon kin Lewi “Jibindei ba, mbigom mun di buhun micut igkep da. Nogindini mben Kanaan kin mben Feris kin timiei minu dini yahagom mingon mpo tut da. Dibon ditde limwa nya imang bi. Gino yo dima ibicom yam nok gom bikon pran bit da lene jei bi nyeni ide keret mimai bingwig hak ug.”

NITRITI 34:30 ပူးပေါင်းရင်းမြစ်များ

NITRITI 12:12

Tirigi mben Mesir ingat ade nuubbuti lene mikan tut bipia ditnem rinani. Lene yoni migyai nimai bida lo, misindui sut nani ba, ayaijo.

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NITRITI 12:6

Abram ya bidem minu dima ba, ngig niyai kep minu dima buug krau biei pigig triti di ninyeng More di timiei minu Sikhem nya ipigig ser mem ide kwar di ikuk yok bak nya. (Mpe dima lene mben Kanaan igya bidem minu dima hagom.)

NITRITI 13:7

Apino yo di ighyen kep Abram de mindhe-ndhe nya kin yo di ighyen kep Lot de mindhe-ndhe nya igbroi yam. (Mpe dima lene mben Kanaan kin mben Feris igya bidem minu dima hagom.)

NITRITI 34:2

Tirigi Sikhem ngat Dina nuubbuti bou niyai him lene noni kat bicut tut noni. Sikhem nicig ninyeng Hemor ba, Hemor ninyeng tak kep mben Hewi ei minu ndig dima.

NITRITI 34:29

Igyai mun di nibok kak hagom bikat sop nya kin munggwom nya yahagom bitut ndigban ei ide ig bei nya cem hagom bimbut tut.

NITRITI 34:31

Noro nipmot bat nya ibuhup “Bit bon nisindui sut no dima bimangkrei nikwohop dem kep sop sundal kan bi.”

NITRITI 46:26

Yakub de nintun him yamti di bram yam nya di imbut ug ei minu Mesir yahagom imangti ibou ningot muhwindagom ba, muhwindagom. Noro ikwop Yakub nignyot bat nya imangti bi.

NITRITI 46:27

Yusuf nipmot bat cin di nitnem yai binoni ei minu Mesir bikum Yakub nipmot bat nya di imbut ug ei minu Mesir ba, yahagom imangti ibou ningot muhwindacan.

SAMUEL GI NICAN 10:6

Apino mben Amon ingon huk niti bipia igyai munti dima bindei ba, Daud ningon sibui sut yok. Gima rino ingot kep tentara Siria nya di ibong ei Bet-Rehob kin Zoba ibou sribu nyatungwagom kin tentara nya di ibong ei Tob ibou sribu simnaibrimigcan kin nibou ndig minu Maakha bitut nide tentara nya ibou sribu gom cem.

SAMUEL GI NICAN 16:21

Gima rino Ahitofel buhup “Nogindini abipbur ba, ayem njita tut acig nitnem mien nya po noni kes yok ei mem gima inyohou nide ig nibou ndig pima. Tug hon nisinati dima lene mijo nibreisi mem mben Israel yahagom bipia abindei ba, acig jeni jiba nitok biyam. Apino yo di ibit na yahagom migyai nisindemti mem gima ibrim ingkek.”

NIBOU NDIG NYA GI NIGOM 11:25

Nibou Ndig Rezon cem ba nitok bak mben Israel mem nijam di Salomo niyaijo yo dima noyam kin Hadad cem ba, yok nisinsiou ei hanjop dimati.

NIBOU NDIG NYA GI NIGOM 18:18

Noro Elia buhup “Dani rino dibindei di minu Israel hagom kinei bibor bi! Na di Andigpoi kin acig jeni rijibindei di minu Israel hagom kinei tirigi jikuk je bak kwar Baal bijibit tuhan nicuk jeti nya bi.

NIBOHON MBEN ISRAEL GI NIGOM 16:12

Je di jintun Yakub him di jinok Allah de awak kin je di jintun mben Israel him di jinok Nide limwa di mbus je ei su nya e, jiyok ngon kep mindur di Noni bon nya hagom. Ma jibbwe ser nikos tutti nya au.

NIBOHON MBEN ISRAEL GI NIGOM 16:19

Nipou yo lene tuhan De limwa nya ibong ngkiai ei minu Kanaan lo, imangti poi mien he.

NIBOHON MBEN ISRAEL GI NIGOM 19:6

Lene Nibou Ndig Hanun kin mben Amon ingon huk niti bipia ibon munti dima bindei ba, Daud ningon sibui sut yok. Gima rino ipinak perak kilo sribu ningot ningai bitai ug ei minu ndig Mesopotamia Bei Nai cem ug ei minu ndig can di Maakha kin Zoba ei minu Siria cem. Iba perak dima bingot kep nibou nya leu kroba pran ningat sribu ningot ningai can kin tentara di iba kuda bikon pran kan nya cem. Leu api nibou ndig Maakha de tentara ikwei sut kroba pran di mben Amon iba perak bingot kep nibou leu pima hagom ba, yohok ide prak meng yati dideu ig kumti Medeba. Mben Amon cem yahagom injei kwei leu ide minu ndig nya hagom binjei siceu mem gima ikon pran bit Daud.

NIBOHON MBEN ISRAEL GI NIGOM 2:7

Karmi nipmot Akhan di ntun Zerah him bindei ba, mun di buhun cut igkep mben Israel mem mpe di po ikon pran lo, noni pos biku ndigban di ikes pijum hak ei mem Allah.

MAZMUR 105:12

Nipou ne Allah de limwa nya ibong ingkiaisi ei minu Kanaan ba, imangti ibou poi he.

NEHEI LEUSI 5:21

Lene ilua bak Musa kin Harun bipai “Mun di jibon dima jo nibreisi ei tuhan niyai him tu. Apino Noni mikes hukum ei je dip drek dip gima! Jibindei ba, nibou ndig kin yo di igya kui noni ingon mpo tut nye. Jei bi lene yoni migyai nimai binye drek dip.”

NIPINGOK NINGONTI 11:17

Ade ningondut tungwatu nyati bindei ba, angon kei bibor. Ade nimbuk tut yokti miyai niwei bak nanti anghuisi.

NIPINGOK NINGONTI 11:29

No di yok nisinsiou ei nide ig bei nsi nyati ne mun di nyeng tut nya mipror leu noni. No di ningon mbum miyai midyai kigkep mem no di ningon ki.

NIPINGOK NINGONTI 15:27

Gino aris mun ei tungwatu nyati leu binhyepo abipek mitiei ne gima mibindei ba, mun di buhun micut igkep ade ig bei nsi nya yahagom. Ma asindui sut ba, hi ngot kep na au. Leu api ade njap jei ei dihyeisi dini.

NINDAT KEP TUHAN NICUKTI NYA 4:17

kin mindhe-ndhe nya kin ha nya,

NINDAT KEP TUHAN NICUKTI NYA 4:27

Noni mibindei ntek je srig ngkiai nya ikieti leu api jibou poi he mijingwes ngun.

NINDAT KEP TUHAN NICUKTI NYA 7:7

Noni ningon ngakei je ba, dimig je ei drek dip gi jide mben nindig bibor dor njiriek mben nindigsi nya ei dihyeisi dini bi. Lewo jide mben mien bibor dor njiriek mben nindigsi nya hagom.

YOSUA 7:25

Leu api Yosua pai bak Akhan “Nggon rino abindei di mun di buhun cut igkep nye i? Nogindini tuhan mibindei ba, mun di buhun micut igkep nani!” Pai nok leu api mben Israel iba tig bibihwen Akhan kin nide ig bei nsi nya ba, imai bingwig. Lene indig ndigban di nyeng tut nya hagom kin ndigban di nggimang pima yok cem hagom kep hum ningwig a.

SAMUEL GI NIGOM 13:4

Yo di imiep pun pima itri tut bak tungwatu nya tut Saul po yai nimai bak tentara Filistin ide nibou pran pima ba, ibitri tut mben Filistin di ingon sibui sut yok bibor cem. Gima rino tungwatu nya ibrim ingkek bidem yam bit Saul ei Gilgal.

SAMUEL GI NIGOM 16:2

Noro Samuel hig ser “Ui! Notou diyai nok gima i? Gino Saul miap tut lene noni mikes nimai ei da dip ug ri!” Lene tuhan buhup “Ma ajem sapi nipmot bo gom leu api apai ba, abitot hagau bipia abon midut nindig mindhe gom bak Dani ei sirima.

SAMUEL GI NIGOM 27:1

Mpe dima lene Daud kan “Jei bi lene Saul miyai nimai bisa ri. Gima rino nna ba sinang ba, suug bong bit mben Filistin hak ug lewo puig hiter mem sa bu bi. Gi nok lene Saul mikes hon binggok-nggok nyen sa ei mben Israel ikieti bu bi. Apino misingwes ngun lewo sibong nyahan ei Filistin.”

SAMUEL GI NIGOM 27:12

Noro Akhis ba ningon com Daud lene kan “Daud de mben migga noni bibor apino bitig dino noni minok awak mem da kikau ug bipek niyaijo ningwig honti.”