NITRITI 34:2 - ALLAH NIHYET MEM TUNGWATU NYA

² Tirigi Sikhem ngat Dina nuubbuti bou niyai him lene noni kat bicut tut noni. Sikhem nicig ninyeng Hemor ba, Hemor ninyeng tak kep mben Hewi ei minu ndig dima.

NITRITI 34:2 ပူးပေါင်းရင်းမြစ်များ

NITRITI 10:17

kin mben Hewi kin mben Arki kin mben Sini,

NITRITI 20:2

Ei sirima lene Abraham pai sut nitnem Sara bipia noni ne nikwohop ri. Gima rino Abimelekh di nibou ndig Gerar cuk nide awak nya leu binhyepo yuug buwak Sara kwei binoni.

NITRITI 33:19

Lene noni ba mitiei perak ningat sratus gom bipek dihyei hanjop nsi dima leu yo di intun Hemor him leu binhyepo yohok prak meng yati eisi. Hemor dima ne Sikhem nicig ri.

NITRITI 34:27

Niabiati yo cin dima ibui yok nok ibui mindhe leu lene Yakub nipmot bat nindigsi nya ikwei kon pran bit minu ndig dima bipos mun di hagom bingwig drek dip ikwohop di yai mun di binim kep noni tu.

NITRITI 34:3

Sikhem ningon pri kep Dina nindig bibor lewo noni sop ubbu ngat. Gima rino Sikhem pai-hi-paisi leu binhyepo bindei ba, Dina joi sut noni.

NITRITI 34:30

Lene Yakub nso tut bipai bak Simeon kin Lewi “Jibindei ba, mbigom mun di buhun micut igkep da. Nogindini mben Kanaan kin mben Feris kin timiei minu dini yahagom mingon mpo tut da. Dibon ditde limwa nya imang bi. Gino yo dima ibicom yam nok gom bikon pran bit da lene jei bi nyeni ide keret mimai bingwig hak ug.”

NITRITI 6:2

Lene timiei gwamti nya ibou poi ingat sop dima yok lo, sop di ubbu ningkom leu api iwak sop di ingon ngakei nya.

SAMUEL GI NICAN 11:2

Njap gom ne Daud kiju leu nibong kep ninghuisiti leu api hei bikui ug ei ig ninjek dip mem mpia caisi. Tirigi noni ya-ya nyen ei sirima lene ngat sop gom di kek minyeiti. Sop dima ne sop di ubbu ngat ri.

SAMUEL GI NICAN 11:4

Lene Daud cuk tungwatu nya leu binhyepo yuug brim sop dima ninda bibuwak noni kwei ei nibou ndig de ig. Apino Daud kin Batsyeba igyem njita tut yam. (Batsyeba sindi bon midut ninghuisi kwes leu ningwak ntuisi.) Lene Batsyeba ngkwei hanyen ug ei nide ig.

SAMUEL GI NICAN 13:14

Noro Amnon kou sut miap kep Tamar nahara ser noti. Noni nisindemti njiriek Tamar apino kat noni biyem njita tut noni kindi-kindok ug a.

AYUB 31:1

Diba neheng bipreu ei bipia miditou kep sop gwam nitta pilei nya nggilun bidingon pri kep yok bi sren.

AYUB 31:9

Gino dingut kanti pri kep disut nitnem ba, diku da kui dimbou bidisuskui noni lene,

NIPINGOK NINGONTI 13:20

Gino ahig asut bit yo di ingon ki nya lene jei bi nani cem angon ki. Gino ahig asut bit yo di ingkek ndok nya ne abindei ba, mun di buhun micut igkep na.

MATIUS 5:28

Noro tini bu ne dipai bije bipia no di ningon pri kep sop hi ba, ningon bisau sut gima cut tut noni lene no dima bon sisar nicut tut sopti ei ningonti ba, ningon mui su.

NINDAT KEP TUHAN NICUKTI NYA 21:14

Gino no dima joi sut noni ei nidipti bu bi lene kes noni bimbut bit leu nijoi sutti hak ug. Ma no dima ubon noni nok awak ba, tri noni nok awak cem au. Lewo bidip huk noni ba, igyem njita tut yam tu.”

NINDAT KEP TUHAN NICUKTI NYA 22:24

lene suar jikri yok ug ei minu ndig dima nisai lene jiba tig bihwen yahacem bimai. Suar sop gwam nitta pilei dima tug ndei nimai lewo mbro nok gino bong ei minu ndig dideu tungwatu nya di itingou dile tut nihyet lo, hara tut bi. Lene suar pinai dima tug ndei nimai lewo yem njita tut sop di hiter yok wa kep tu. Mijicok tut sisar di kinei dima tug hon gi jiyai nimai bak yo cin dima.

NINDAT KEP TUHAN NICUKTI NYA 22:29

lene suar pinai dima njei mimbron di dem mitiei perak ningot muhwi bigo bak sop gwam nitta pilei dima nicig leu api buwak sop dima nok nitnem lewo nggek noni bit leu ningon kanti. Nok gima cem suar sop dima ya kui nok nitnem kikau. Harin dima nijjep kou sut nitnem dima kikau bimai kep a.

YOSUA 9:7

Noro nibou mben Israel ibuhup “Nibon gi preu bit jeni mem mindei i? Mpaba jide minu dideu dini kou e?”

NIJAM NIKEI NYA 14:1

Mpe di gom bu ne Simson ug ei Timna lene ngat sop gwam nitta pilei mben Filistin gom ei sirima.

NIJAM NIKEI NYA 9:28

Lene Gaal pai sut “Apo nyeni ne tou i? Leu dima ikuk nye bak Abimelekh i? Apo Abimelekh ne tou i? Noni ne Gideon nipmot rin ba, Zebul ya kui noni. Nggon rino ibit noni nihyet i? Ma ingon gom tut Hemor di nok pung di nyeni intun him!”