NITRITI 33:17 - ALLAH NIHYET MEM TUNGWATU NYA

¹⁷ Noro Yakub ug ei Sukot bingot ig mem nonti lene hok ig jibei nya mem nide mindhe-ndhe nya cem. Gima rino ijem mpia dima ninyeng Sukot.

NITRITI 33:17 ပူးပေါင်းရင်းမြစ်များ

NITRITI 33:16

Gima rino Esau nya ingkwei hanyen ug ei minu Edom mem njap gom ndia.

NIBOU NDIG NYA GI NIGOM 7:46

Nibou ndig cuk Huram bipia bibon nimbumbati dima yok hagom ei pabrik di iba ngkimom-tembaga di dem kep jep oi bibon nya eisi di jo Sukot kin Sartan ikieti ei Mbang Briep Yordan.

MAZMUR 60:6

Asok kep yo di ikuk yok biNa leu binhyepo ingwes ngun leu hukum di micut igkep tungwatu nya.

NEHEI LEUSI 12:37

Lene mben Israel ijo leu Raamses bimbut imig ug ei Sukot. Pinai nya imangti ibou sribu sratus muhwindagom noro ikwop sop nya kin munggwom nya imangti bi.

NEHEI LEUSI 13:20

Lene mben Israel ijo leu Sukot ba, yohok ide prak meng yati bu ei Etam ei iggum ndigsi ninghas him.

YOSUA 13:27

kin Bet-Haram kin Bet-Nimra kin Sukot kin Zafon di Nibou Ndig Sihon ei Hesybon de minu di ninyeng tak kepti nikenti ei Mbang Briep Yordan hagom. Minyei Yordan nyai bikkin keret Gad de dihyei hanjop nsi nite bei mpia nicutti kikau bipek kin Igpong Galilea nite bei mpia nijjai.

NIJAM NIKEI NYA 8:14

lene noni kat pinai pilei mben Sukot gom bihig simber noni. Lene noni pas kep mben Sukot di inyeng jei nya ibou ningot muhwindacan ba, muhwindacan inyeng biyai bak Gideon.

NIJAM NIKEI NYA 8:16

Lene Gideon ug yai cibou nggwen kin tigau nggwen leu iggum ndigsi leu api bimbas pinai Sukot di inyeng jei nya bimos kei.

NIJAM NIKEI NYA 8:5

Tirigi yahagom ikwei krau minu ndig Sukot lene Gideon hara timiei minu dima bipai “Ma jimpu nye ba, jikwas njita poi mien tut ditde tentara lewo yahagom inghuisi wei nindig bibor lo, nuhuk Zebah kin Salmuna di nibou ndig mben Midian ibou can bu.”

NIJAM NIKEI NYA 8:8

Lene Gideon nya imbut imig kikau ug ei Pnuel bahara yo dima cem noro yoni ibuhup nihyet noyam kin mben Sukot pima.