NITRITI 32:6 - ALLAH NIHYET MEM TUNGWATU NYA

⁶ Tirigi yuug ngat Esau leu ba, ingkwei hanyen tu lene ipai bak Yakub “Nuug ngat akindig Esau tu ba, noni sindi hei sut nide limwa nya ibou sratus bitai bikwei um na.”

NITRITI 32:6 ပူးပေါင်းရင်းမြစ်များ

NITRITI 31:18

Noni jem nide mindhe-ndhe nya hagom bikes nide ndigban nindig bibor di nyeng tut ei Mesopotamia hagom ei dip bigya bibie leu api yahagom ingkwei hanyen ug ei minu Kanaan leu binhyepo ug ngat nicig Ishak hanyen.

NITRITI 32:11

Ma ateu da bidingwes ngun leu dikindig Esau ninda nsi lewo dittin tut noni. Leu ma noni mikwei ya kep bihwen nahagom bitut sop nya kin munggwom nya cem ug rin e?

NITRITI 32:7

Lene Yakub ttin tut nindig bibor biningon mbut-mbut nyen. Gima rino noni kwas nide bat nya kin nide limwa nya kin nide mindhe-ndhe nya hagom ei nimpung canti.

NITRITI 32:8

Lewo noni kan “Gino Esau kwei tau kep nimpung gi nigom biya kep bihwen yok lene mibon nituti mem nimpung gi nican inang bingwes ngun.”

NITRITI 33:1

Lene Yakub ngat Esau di ya tut nide limwa nya ibou sratus bitai tirigi itau ndam noni. Gima rino noni kwas nimunggwom bat nya bikes bihi bak Lea bihi bak Rahel lene bihi bak nitnem ndrim sop di awak cin.

NITRITI 33:15

Lene Esau pai “Api midikuk ditde limwa nya ibou poi mem na leu binhyepo inyohou cen jeni.” Noro Yakub buhup “Nok ug e. Angon mbut-mbut nyen tut da au. Gino dibindei ba, ajoi sut da lene dem.”

NITRITI 33:8

Lene Esau hig ser Yakub “Angon kanti notou sut nimpung po duum yok ei puig sinon aponi pima i?” Lene Yakub buhup “Diba nimpung dima yok bibiyai angon kwes kin da hanyen.”

NITRITI 34:11

Lene Sikhem nonti brim ningkek kep Dina nicig kin nikijam bat nya bipai “Gino jice tut mun di dibidip huk je tut dini lene midinjei mimbron bije bit leu jingon kanti hak ug.

NITRITI 47:25

Lene ibuhup “Andigpoi e, anyohou nye biningwes ngun tu ba, nijem sigyo nindig bibor bina. Ninok awak mem Firaun hak ug.”

AMOS 5:19

Njap dima noyam kin no di nang leu singa di huk no leu api ug um beruang bu! He noyam kin no di ngkwei hanyen ei nide ig bei bingget dring leu api wou piet ham ninda e!

SRAT RUT 2:13

Lene Rut pai binoni “Andigpoi e, mbro nok gino dibon dinyeng nok ade awak hi rin bi lo, asingat tut da nindig bibor ba, ade nisingat tut dati dima biwin kep dingonti tu.”

SRAT RUT 2:2

Njap gom lene Rut pai bak Naomi “Gino ace tut lene duug ei beisi bidimbus gandum di awak nya di igyai kikep midyai dima iba igyai ngat ei di iba inda mbres ei nya. Dingon ngkiem tut bipia awak gom misindui sut gima dimbus gandum nikenti bram noni.” Lene Naomi buhup “Kei! Ambut ug.”

SAMUEL GI NIGOM 1:18

Lene Hana pai binoni “Andigpoi e, nna ba didem mem mun di kei di sindi anjei bak dani.” Lene noni kes Eli ei bimbut. Tirigi noni yem njita bindei no tu lene ningon kwes hanyen.