NITRITI 32:30 - ALLAH NIHYET MEM TUNGWATU NYA

³⁰ Lene Yakub simbot dat “Mei! Dingat Allah niimaisi bou diyai him tu lo, diyaisi jo yo!” Gima rino noni jem gumihyep dima ninyeng “Pniel”.

NITRITI 32:30 ပူးပေါင်းရင်းမြစ်များ

NITRITI 16:13

Lene Hagar hig ningon eisi bikan “Singat Allah bou siyai him tu lo, simai bigyo!” Gima rino noni jem tuhan di mbrap bit noni pima ninyeng Allah Di Ngig Niyai Kep Da.

NITRITI 28:19

Lene noni jem gumihyep dima ninyeng Betel. (Ninyeng timiei rino Lus.)

NITRITI 35:9

Niabiati Yakub kwei hanyen leu Mesopotamia lene Allah ndo Nonti bak noni mbigom kin bu binjei mun di kei bak.

NIBOU NDIG NYA GI NIGOM 12:25

Niabiati ita Yerobeam nok nibou ndig mem mben Israel lene noni bindei ba, minu ndig Sikhem di jo ei nungug him hanjop Efraim bon tentara nibousi di igya coi nya apino noni bong ei minu ndig dima mem nituti poi. Lene noni ug bu bibong ei minu ndig Pnuel lene bindei ba, minu ndig dima cem bon tentara nibousi di igya coi.

NEHEI LEUSI 33:14

Lene tuhan buhup “Midinyohou nani leu binhyepo anyeng mitak kep minu po dipreu sut ei su pima.”

YESAYA 6:5

Lene dikan “Buhun bibor! Bit bon singwes ngun kan bi! Lewo side sisar ribindei dino map kui sihyet di tibim ei suhui him hagom ba, sibong bit yo di ighyet wer mpiahi tut tuhan. Mbro nok gima lo, singat Nibou Ndig bou siyai him tu ba, Noni ne tuhan Di Sindem Bibor ri.”

YESAYA 9:5

Munggwom gom srek mem nye tu! Igyai mot gom mem nye tu! Mot dima ninyeng mitak kep nye. Tungwatu nya mijem ninyeng ‘Nikei Di Ningon Ki’ kin ‘Allah Di Sindem Bibor’ kin ‘Icig Di Niyaijo Kikau’ kin ‘Nibou Ndig Nibong Kei Nigwam Kei’ cem.

MBEN ISRAEL IMBUT-MBUT NYEN 12:8

Gima rino dimbrap ei noho bei bidindo dingon kanti brei binoni lene tug hon nihyet nibiti ninda bi. Noni ngat dingat bou niyai him tu. Nggon rino jingon sir bijisrep tut Ditde awak di Musa i?”

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

KORINTUS GI NIGOM 13:12

Mun di ingat ei igyai him mem nijam dini noyam kin ingwes di ingat ei kisinati di pimber. Noro ei nidipti bu lene ingat ningat brei bisieng-siau kei. Ei nijam dini lene dingon dorti tut mun nyeng hagom bi. Noro ei nidipti bu lene midingon dorti tut mun nyeng hagom bit leu nok Allah ningon dorti tut dingon bei triti.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

GALATIA 1:6

Dinga leu tut je! Allah hig je tug hon Kristus di singat tut je noro nogindini haninyai jiba jinghim bak Noni leu api jibit nihyet di kei hiter leu Nihyet Di Kei di kwei leu Allah.

EFESUS 1:17

leu binhyepo Allah di ide Tuhan Yesus Kristus kuk No bak dinok Icig di kei-kau-kei mikes Ninnei ei je dip. Leu api Ninnei dima miyai jingon di ki bimbot kep tut Allah ningonti bije leu binhyepo jiya um Noni ei jingonti.

NINDAT KEP TUHAN NICUKTI NYA 34:10

Nabi di noyam kin Musa hi srig mben Israel ikieti bi sren. Lewo tuhan ndo Nonti bak bimbrap hammi Musa niimaisi.

NINDAT KEP TUHAN NICUKTI NYA 5:24

Ba, ipai ‘Ide tuhan Allah ndo tut Nide nisindemti di nindig bibor kin Nide nikei-kau-keisi tirigi nimiap nihyet di tibim kwei leu hum njengti. Njap di ammani nyeni ningat bou niyai him bipia mbro nok gino Allah mbrap bit tungwatu nya lo, igyaijo yo lene imai drek dip bi.

KOLOSE 1:15

Allah ningat jo nding leu tungwatu nya igyai him noro Noni ndo Nonti ningwes brei biyok tug hon Kristus. Kristus ne Nipmot mighumbou di ninyeng jei bidor njiriek Allah nipai testi nya hagom ri.

2 TIMOTIUS GI NICAN 1:10

Noro tini bu ne Allah ndo nisingat tut nyeti tug hon Kristus Yesus di teu nye leu sisar biyai niyaijo nijep binye nikweisi. Noni bindei cut nimai nisindemti leu api kau leu niyaijo nijep di jo kikau tug hon Nihyet Di Kei.

IBRANI 11:27

Nide niba ningon comti bindei ba, Musa kes minu Mesir bimbut leu. Noni digit tut nibou ndig di ningon sibui sut noni bi. Gima tereu nok noni ngat Allah di bit bon tungwatu nya ingat bou igyai him kan bi. Gini bindei ba, noni kou sut gima ngkwei hanyen.

YOSUA 5:13

Mpe dima lene Yosua ya nyen dideu minu ndig Yerikho bingat lo, tungwagom tt au kros biya ei Yosua noho bei ba, krau simeda gom. Lene Yosua dideu noni bihig ser “Atti kin nyeni e, he atti kin nyende siceu nya e?”

NIJAM NIKEI NYA 13:17

Gima rino Manoah hig pus noni “Ma andat kep anyeng brei binye leu binhyepo tirigi mun dini yok dem igbit apaisi lene mininggei sut na.”

NIJAM NIKEI NYA 13:18

Lene tuhan de malaikati buhup “Nggon rino jihig ser da tut dinyeng i? Lewo dinyeng mindur.”

NIJAM NIKEI NYA 8:17

Leu api noni ngkwei ug ei Pnuel binggek ide ig di iba tig binut-nut yam bijo-jo yam dip bijo anai biyai nimai bak pinai minu dima yahagom bingwig.

NIJAM NIKEI NYA 8:8

Lene Gideon nya imbut imig kikau ug ei Pnuel bahara yo dima cem noro yoni ibuhup nihyet noyam kin mben Sukot pima.