NITRITI 32:13 - ALLAH NIHYET MEM TUNGWATU NYA

¹³ Lene noni bong ei mpia dima mem mmun gom leu api njap dihyep bu rino tin ei kwas ndigban nide tut nikindig Esau.

NITRITI 32:13 ပူးပေါင်းရင်းမြစ်များ

NITRITI 13:16

Midibindei ba, ade nintun him yamti di bram yam nya mporo midigek kep mpia. Ningat ne bit bon tungwatu nya ikwop dihyei ndung nimangti kan bi. Bit bon ikwop yo di intun nani him imangti kan bi.

NITRITI 15:5

Lene tuhan buwak Abram ug ei nisai leu api pai binoni “Ma acap ser mpia-bbed him bibou akwop bidem ham mpia-bbed him nya nimangti hagom ug e. Lewo ade nintun him yamti di bram yam nya imangti midem kep ham dima yok hagom nimangti.”

NITRITI 18:2

Tirigi noni kon nibou lene ngat lo, ibou ningai itau kwei ei nide biyati. Hammi tirigi noni ngat yok rino dor um yok ba, kuk no biba ningwak bikik dihyei.

NITRITI 22:17

Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

NITRITI 32:14

Noni dimig kambir niwek ningut sratus can kin nikre ningut ningot can kin domba nya niwek ningut sratus can kin nikre ningut ningot can,

NITRITI 33:10

Noro Yakub srep “E bi! Gino ajoi sut da lene ama mun di diyai binani hak ug. Lewo tirigi dingat aimaisi bou diyai him lene gima dem kep nok dingat Allah niimaisi bou diyai him lewo ajoi sut da.

NITRITI 33:8

Lene Esau hig ser Yakub “Angon kanti notou sut nimpung po duum yok ei puig sinon aponi pima i?” Lene Yakub buhup “Diba nimpung dima yok bibiyai angon kwes kin da hanyen.”

NITRITI 42:6

Yusuf tri gandum ngan bak tungwatu nya leu dihyei nisurti-nipekti hagom lewo noni ne nibou di ninyeng tak kep timiei minu Mesir nya yahagom ri. Gima rino nikindig bat nya ikwei kuk yok ei nimig him ba, iba ingwak bikik mpia.

NITRITI 43:11

Lene Yakub ce bipai “Nna ba gino puig hiter hi bi lene ma jipwoi ndigban di kei bibor kei leu minu dini nok biei ngat kismis kin ahwei lon kin biei ngat di ninghap ui-gwang kei kin biei ngat kemiri kin badam cem ba, juug sut bijinjei bak nibou mben Mesir.

NITRITI 43:26

Tirigi Yusuf kwei krau ig bei nsi tu lene nikindig bat nya ikon ndigban di kei bibor kei dima binjei bak leu api ikuk yok binoni ba, iba ingwak bikik mpia.

NEHEMIA 4:13

Gima rino dikwas simeda kin micim kin hampiap tut yo di inda jo kep midyai dima leu api dita yok bit leu nok ide pung nikim yamti ei ngug tig nikineisi hammi mpia di ngug tig put bigyo.

NIPINGOK NINGONTI 17:8

Bihi ikan bipia mitiei nibingot kep hiterti bindei ba, mindur pek kep ba, ikan bipia mitiei nibingot kep tungwatu nyati dima sindem mem biyai mun nyeng hagom.

NIPINGOK NINGONTI 18:16

Munkwas di kei di anjei bak no di ninyeng jei mibikau dimbou leu na bibuwak na ug ei no dima noho bei.

NIPINGOK NINGONTI 19:6

Tungwatu nya yahagom ibrim ingkek kep no di ninyeng jei bibingon mem gima ngondut yok. Yahagom ibingon mem gima ihig isut bit no di ningon mba.

NIPINGOK NINGONTI 21:14

Munkwas di anjei bak no di ningon sibui sut na mibindei ba, ningon mikwes kin na hanyen.

SAMUEL GI NIGOM 25:27

Gino ace tut lene ma ayai njita dini di dittei kwei mem na di Andigpoi kin ade tentara nya.

SAMUEL GI NIGOM 25:8

Nanti ahig ser yok leu api yoni mipai igbit bina. Gima rino Daud ba ningon com na ba, ma acigit nye di ninok nide limwa nya kui ig lewo nikwei ngat na mem njap ndig di ammani di jikwen yengti ri. Nahara nani ba, akwas mun nyeng hi tut nye di ninok ade awak dini lene hi tut Daud di nok angon kieti cem bit leu ajoi sutti.”