NITRITI 32:10 - ALLAH NIHYET MEM TUNGWATU NYA

¹⁰ Dani ne dem mem gima angondut da ba, angon gom tut da rin bi. Dinok awak mem Nani he. Tirigi po disigon Yordan pima lene dittei ditde tom he. Noro njap di ammani lene dikwei hanyen tut ditde limwa nya nimpung can.

NITRITI 32:10 ပူးပေါင်းရင်းမြစ်များ

NITRITI 18:27

Lene Abraham pai bu “Tuhan e, mbro nok gino dibrim dingkek kep Na mbigom kin bu lo, ma aom angon tut da. Dani ne tungwatu dihyeisi dini ba, dem mem gima dahap diji bi.

NITRITI 24:12

Lene noni ngat nadi bipai “tuhan e, Na di Allah di andigpoi Abraham kuk no bak e, ma ampu da mem njap di ammani ba, ayai hagom bit leu nok apreu ei mem andigpoi tu.

NITRITI 24:27

bipai “Dinggei sut tuhan di ditde andigpoi Abraham kuk no bak lewo jo nibreisi bipia tuhan ningon gom ba, yai hagom bit leu nok gi po preu ei mem andigpoi Abraham pima tu. Noni bie tut da hammi ndam andigpoi nide bat nya tu.”

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NITRITI 28:15

Amiap e, midingat rin bit na kikau bidem ambutti nya hagom ba, dinyohou na. Lene mporo midibuwak na hanyen kwei ei atimieisi dini. Midimbres Da leu na bi sren. Midibindei ba, mun di dipreu kep na tut nya hagom mipek kep mem na.”

NITRITI 30:43

Gima rino Yakub nyeng bibor binyeng tut mindhe-ndhe nya kin unta nya kin keledai nya kin awak nya imang bibor.

NITRITI 31:3

Lene tuhan pai binoni “Yakub e, ma angkwei hanyen ug ei atimieisi ba, abong bit ade bat nya hanyen bu leu api midinyohou na.”

NITRITI 32:5

Ba, da di Yakub dinyeng tut sapi nya kin keledai nya kin kambir nya kin domba nya kin awak nya hagom imang bibor bidisok dihyet nok gima hwou ndam noni di nok ditde andigpoi leu binhyepo noni joi sut da.”

NITRITI 32:7

Lene Yakub ttin tut nindig bibor biningon mbut-mbut nyen. Gima rino noni kwas nide bat nya kin nide limwa nya kin nide mindhe-ndhe nya hagom ei nimpung canti.

SAMUEL GI NICAN 17:24

Tirigi Daud nang ba, ug krau Mahanaim lene Absalom kin mben Israel isigon Minyei Yordan. (

SAMUEL GI NICAN 7:18

Lene Nibou Ndig Daud coi ug ei tuhan De Prak Meng nsi bikuk no lene ngat nadi bipai “tuhan Di Anyeng Jei Bibor e, dani kin dide bat nya nahagom nidem mem niyai mun di kei di anjei bak nyeni nipou kwei bipek ammani kep hagom bi.

AYUB 17:9

Yo di ipai sut yonti bipia isingat kei ba, ibon mun di igbit nya ingon hukti bipia igyai munti bipwoi Allah ningon bikum eisi kikau ba, iji ngkiem tut.

AYUB 8:7

Mun di anyeng tut di sar tu pima bon ninyeng bi gino ibinai kin mun di mporo Allah miyai bina ei nidipti bu.

MAZMUR 16:2

Dipai “Ditde tuhan e, anok nibousi mem mun di kei bibor kei hagom lewo hi ninyeng jei dor njiriek Na bi!”

MAZMUR 18:35

Noni ngginau da leu binhyepo dikon pran kan apino diba ditde tibor di sindem bibor bicom bisinei.

MAZMUR 61:7

Dijoi sut gima nibou ndig de njap jei ba, niyaijo bingat nintun him noni nya bou niyai him.

MAZMUR 8:5

lene dihig dingon “Tungwatu dima lene mindei rin i? Nggon rino akan kep yoni i? Ahig angon ei yokti ba, anyohou yok tut nggon i?”

MAZMUR 84:7

Tirigi yoni imbut ug ei Mbang Biei Balsem lene mpia dima luei nitta binok minyei bousi mien mang bibor tug hon mpia di but bibie tut mun di kei.

MAZMUR 85:10

Ningat ne Noni tindei ser nituti tirigi Noni teu yo di ittin tut Noni bingwes ngun. Allah Di Ninyeng Jei miningat rin bit nye ei ide minu.

NIPINGOK NINGONTI 4:18

Puig di yo di ikei nya imbut kak dem kep nok mpia njap di sindi pri ba, nipigati piga kikau binindig kep.

YESAYA 6:5

Lene dikan “Buhun bibor! Bit bon singwes ngun kan bi! Lewo side sisar ribindei dino map kui sihyet di tibim ei suhui him hagom ba, sibong bit yo di ighyet wer mpiahi tut tuhan. Mbro nok gima lo, singat Nibou Ndig bou siyai him tu ba, Noni ne tuhan Di Sindem Bibor ri.”

YESAYA 63:7

Miditri tut tuhan ningon ngakei nyeti bidinggei sut Noni tut niyai munti nya. Noni njei mun di kei nindig bibor bak Nide limwa nya lewo ningondut yokti kin ningon ngakei yokti ug hon nohonti bi sren.

MIKHA 7:20

Mporo ma ando Ade ningon gomti kin Ade ningon ngakeisi di ug hon nohonti bi bak Ade limwa nya di intun Abraham kin Yakub him bit leu nok apreu ei mem nyeni nidigup bat-nidigai bat nya nipou su.

LUKAS 17:10

Nok gima tut jeni cem. Tirigi jiyai midyai hagom bit leu nok jiceu nicuk jeti bingwig lene ma jipai biyam ‘Inok awak di ibon inyeng bi. Igyai midyai hagom bit leu nok iceu nicuk nyeti he.’ ”

LUKAS 5:8

Tirigi Simon ngat mindur dini bou niyai him rino kuk no ei Yesus nimig him bipai biNoni “Andigpoi e, ma akes da hak ei lewo dani ne no di bon sisar ri!”

KORINTUS GI NICAN 12:11

Diyai mun tereu nok no di nintin kiek noro ningat ne jeni rino jibindei da nok a. Ningat ne ma jeni rino jikon dinyenga. Mbro nok gino dibon dinyeng bi lo, dani ei bijehei leu jide nibou di mipbor ngat dima yok bi!

NINDAT KEP TUHAN NICUKTI NYA 8:18

Ma jiyok ngon kep bipia tuhan di nok jide Allah yai nisindemti bije leu binhyepo jinyeng tut ndigban. Noni yai nok lewo ningon gom tut mun po Noni preu ei mem jidigup bat-jidigai bat nya pima.

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”