NITRITI 31:42 - ALLAH NIHYET MEM TUNGWATU NYA

⁴² Gino dignyon Abraham kin dicig Ishak ide Allah nyohou da bi lene dikan bipia ma ajji da bidiba dinda ngwak bingkwei hanyen ug ei ditimieisi. Noro Allah ngat igbit mun di buhun tak da bou niyai him ba, Noni kan tut ditde midyai nya. Apino Noni pai igbit nikos tutti mem himmun di ammani.”

NITRITI 31:42 ပူးပေါင်းရင်းမြစ်များ

NITRITI 11:5

Lene tuhan juk kwei leu gwamti bingat tungwatu nya ide minu ndig di nijep bitut ig di ibon ninggre di jo-jo yam dip anai di timiei dihyeisi dini ingot bou inda him.

NITRITI 16:11

Jei bi lene ayai apmot lene ma ajem ninyeng Ismael lewo tuhan miap ahyet tirigi po aba ayai nggwei bahara pima.

NITRITI 16:13

Lene Hagar hig ningon eisi bikan “Singat Allah bou siyai him tu lo, simai bigyo!” Gima rino noni jem tuhan di mbrap bit noni pima ninyeng Allah Di Ngig Niyai Kep Da.

NITRITI 27:33

Lene Ishak ninghuisi mpig sut nindig bibor bihig ser noni “Tou ribui mikwau bibam kwei bida aponi pini i? Diyem nide mikwau hammi tirigi atausi dini bidinjei mun di kei nya hagom bak noni bihigom tu lene bit bon ditug gima hanyen kwei leu noni kan bi.”

NITRITI 29:32

Gima rino Lea tta buhun bigwam tut nipmot lene kan “tuhan ngat igbit singon di buhun tu apino hon kep ammani kui sijjep miningon ngakei sa.” Gima rino jem nipmot ninyeng Ruben.

NITRITI 31:12

Lene noni binut bu ‘Dani ridibindei dino kambir nikre di niba nimmun bikos nya kin gi nillikti nya ipri gau niwek nya. Dipai bina nok lewo dingat mun di Laban bon tunggwei sut na bou diyai him tu.

NITRITI 31:24

Mmun mau rino Allah tau kep Laban tirigi noni bong bimumpriem lene sok kep noni ngkiem ser bipai “Anyohou yai! Ma aba ahyet biyai Yakub au.”

NITRITI 31:29

Dibon nisindemti mem gima dimbuk tut je noro acig nide Allah tau kep da mem himmun di ammani bisok kep da ngkiem ser bipia ma diba dihyet biyai nani au.

NITRITI 31:5

Lene noni pai biyok “Dingat bou diyai him bipia jicig ningon kwes kin da nok habiei pima bu bi. Noro dicig nide Allah nyohou da tu.

NITRITI 31:53

Abraham kin Nahor ide Allah miya hacan nok nikei mem sa. Lene Yakub heng bitug hon nicig Ishak de Allah ninyeng bipai bipia noni miyok ngon kep mun di Laban yoni ipreu kep yam tut dima.

NITRITI 32:9

Lene noni ngat nadi bipai “Dignyon Abraham kin dicig Ishak ide Allah e, amiap dihyet! Na di tuhan acuk da bipia dingkwei hanyen ug ei ditimieisi bidibong bit dide bat nya hanyen bu leu api ma anyohou dimig mun di hagom nok gi kei bibor mem da.

NITRITI 35:3

Lewo nyeni imbut rin bingkwei hanyen ug ei minu ndig Betel ba, ei sirima mididingug tig binok nimbar hum dok mem Allah di nyohou da mpe di po mun di buhun cut igkep da pima. Noni ningat rin bit da kikau bidem dimbutti nya hagom.”

NITRITI 46:1

Lene Yakub nyohou dimig nide ndigban hagom buug sut ug ei Bersyeba leu api bui mindhe-ndhe nya bindig kep hum ei nimbar hum dokti bak Allah di nicig Ishak kuk no bak.

NIBOHON MBEN ISRAEL GI NIGOM 12:17

Daud kiju buug ngat yok lene pai biyok “Gino jikwei nok disut mem gima jitti kin da lene ma jikwei bicom yam bit nye hak ug. Niba ningon di kei bicigit je! Noro mbro nok gino dibon mun di kinei tut je bi lo, gi jingon kanti mijitri dinghapti bak siceu nya lene Allah di idigup bat-idigai bat nya ikuk yok bak kan tut gima leu api mikes hukum ei jeni dip.”

MAZMUR 31:7

Angon mpo tut yo di ikuk yok bak kwar nya. Noro tut dani ne diba dingon com Na di tuhan.

NEHEI LEUSI 3:7

Lene tuhan pai binoni “Dingat bou diyai him bipia mben Mesir iba isibut co kep Ditde limwa nya. Lene dimiap Ditde limwa nya ighyet tirigi yahara Da leu binhyepo diteu yok bingwes ngun leu yo di ico kep yok dima. Dikan mungkun tut mun di buhun tak yok nya.

YESAYA 8:13

Ma ayok ngon kep bipia Da di tuhan Di Sindem Bibor dingon kwes-kwau. Ma attin tut Dangkom he.

DANIEL 2:23

Didigup bat-didigai bat nya ide Allah e, dinggei sut Na bidikon anyeng. Abindei ba, dingon ki ba, disindem cem. Abuhup dihyet tirigi dingat nadi lene apingok nyeni ningonti tut mun di nibuhup bak nibou ndig tu.”

NINDAT KEP TUHAN NICUKTI NYA 15:13

Noro ma asindui sut ba, awak di akes dima biba ninda ngwak bimbut hak au.

YUDAS 1:9

Noro Mikhael di nok nibou ndig mem malaikati nindigsi nya bon nok gima bibrim ningkek kep Bilis hak bi. Tirigi noni kin Bilis isrep yam tut Musa nimai lene Mikhael pai kep Bilis bisriman noni bi. Noro pai hak a Nnaba! Tuhan mikes hukum ei na dip hak ug!