NITRITI 31:38 - ALLAH NIHYET MEM TUNGWATU NYA

³⁸ Diyai midyai mem na di Andigpoi kikau mem ari bingwam nitindur ningot can gi pini jug su. Ade domba nya kin kambir nya idigek bibor tu noro dibui kambir nikre hi bidibam bidiyem bigyo.

NITRITI 31:38 ပူးပေါင်းရင်းမြစ်များ

NITRITI 30:27

Lene Laban buhup “Dipai bina bipia diko bidinggok tut ba, tuhan njei mun di kei bak dani tug hon nani.

NITRITI 30:29

Lene Yakub pai “Na di Andigpoi akan tut bipia diba dijoi bibor biyai midyai mem na apino ade mindhe-ndhe nya ibep bisider-wap cem tu.

NITRITI 30:30

Nipou tirigi dikwei ngat na bigyo lene na di Andigpoi anyeng tut mun nyeng gom-gom he noro tini bu lene anyeng bibor. tuhan njei mun di kei bak nani tug hon da tu. Gima rino njap dem mem gima diyai kep ditde midyai bidinyohou danti ditde ig bei nsi nya.”

NITRITI 31:10

Mpe di gom tirigi nijam dem mem gima mindhe-ndhe nya ipri gau yam lene dibong bidimumpriem lene dingat lo, kambir nikre di ipri gau niwek nya yahagom nok niba nimmun bikos nya kin nillikti nya.

NITRITI 31:37

Anggek ditde ndigban hagom ariwace tu lo, angat ade ndigban di srigsi nok mindei ngan i? Akon kwei ba, akes ei nibreisi leu binhyepo side limwa nya mingat bou igyai him bibou indo igbit no di yai mun tunggwei sut ug e.

NITRITI 31:39

Tirigi po mindhe-ndhe di niten-pos nya yaham ade domba nya kin kambir nya lene dittei mindhe mai bidindo bina bi. Noro dikes ditde mindhe di niyaijo biya luei nohoti hanyen. Tirigi po hi mbrai mindhe leu na di Andigpoi mem njap kin mmun cem lene akak tut da bidikes ditde mindhe biya luei nohoti hanyen bu.

NEHEI LEUSI 23:26

Bikwop jitnem bat di inghop nya misrek kinei ei jide minu dini bi sren. Jitnem bat nya mipijet bi sren. Midibindei ba, jide njap jei bibor.

NINDAT KEP TUHAN NICUKTI NYA 28:4

tuhan miyai gi kei bije apino mijibon jimunggwom bat nya imang bibor ba, dihyei mingat ningat mpung bipias hagau mem jeni ba, sapi kin kambir kin domba jide nya nimangti mikum eisi bibor cem.