NITRITI 31:37 - ALLAH NIHYET MEM TUNGWATU NYA

³⁷ Anggek ditde ndigban hagom ariwace tu lo, angat ade ndigban di srigsi nok mindei ngan i? Akon kwei ba, akes ei nibreisi leu binhyepo side limwa nya mingat bou igyai him bibou indo igbit no di yai mun tunggwei sut ug e.

NITRITI 31:37 ပူးပေါင်းရင်းမြစ်များ

NITRITI 31:32

Noro tut ade kwar nya ne gino angat hi di nggimang mun dima leu na lene no dima mitug ndei nimai hak ug. Nna ba anggek ditde ndigban nya ser ade kwar nya. Side limwa nya migyok igyai kep sa leu api ditug ade mun nyeng hagom di anyeng tut nya hanyen bina.” Yakub buhup nok noro kan tut Rahel po nggimang Laban de kwar nya pima bi.

NITRITI 31:36

Jei bi lene Yakub ningon sibui sut Laban nindig bibor lene ba nihyet nindig bihig ser noni “Diyai mun di mbuk tunggwei sut na di Andigpoi nok mindei ngan i? Dipigau hanjop notou apino bitig dino ahuk bram da i?

NITRITI 31:38

Diyai midyai mem na di Andigpoi kikau mem ari bingwam nitindur ningot can gi pini jug su. Ade domba nya kin kambir nya idigek bibor tu noro dibui kambir nikre hi bidibam bidiyem bigyo.

MATIUS 18:16

Gino ningon tunggwei ade nipingok noti lene ma abuwak tungwagom-tungwacan ba, ibikum na. Lewo Allah Nihyet pai binye ‘Isuar ibou can ibou ningai di ingat no dima nitunggweisi bou igyai him nipou tirigi abakilak noni bigyo.’

TESALONIKA GI NIGOM 2:10

Jingat bou jiyai him bipia tirigi ningat rin ei je di jingon jo kep nya jikieti lene nyende niyaijoti kwes-kwau cem ningon sren cem niyai mun tunggwei hi bi cem ba, Allah cem ngat gima bou niyai him.

IBRANI 13:18

Ma jingat nadi tindei nye kikau. Nikan mungkun bipia ningon mien kwes lewo nita nibou ei niyai mun di igbitti bikwop njap ngwa hagom.

YOSUA 7:23

Lene ikon ndigban dima yok bittei kwei bak Yosua kin mben Israel yahagom leu api ikes hagom ei tuhan Noho bei.

PETRUS GI NIGOM 2:12

Suar jiyai mun di kei bibor ei yo di ingon tindur nya igyai him. Gima mibindei ba, mpe dino ipai kep je bipia jisibut bibor ne ighyet micut hanyen ei ingonti drek dip jiyai munti di kei bibor nya. Leu api yoni minggei sut Allah mem njap di Noni mikwei hanyen.

PETRUS GI NIGOM 3:16

Ma jiba jingon di jo nyahan kin jibou di cut biyok cem bibuhup ighyet. Ma jinyohou jingon mien di kwes leu binhyepo gino hi pai je di jibit Kristus kinei drek dip jiyai munti di kei nya lene ighyet dima mibindei ba, immai sut yonti hak ug.