NITRITI 31:3 - ALLAH NIHYET MEM TUNGWATU NYA

³ Lene tuhan pai binoni “Yakub e, ma angkwei hanyen ug ei atimieisi ba, abong bit ade bat nya hanyen bu leu api midinyohou na.”

NITRITI 31:3 ပူးပေါင်းရင်းမြစ်များ

NITRITI 13:15

Leu mporo midipek hanjop nsi di acap ser dima yok hagom bina kin ade nintun him yamti di bram yam nya cem bijo ninno bijo kikau.

NITRITI 21:22

Mpe dima lene Abimelekh kin Pikhol di nibou tentara ikwei ngat Abraham bipai binoni “Ningat ne Allah nyohou na bisindem tut na mem gima ayai ade midyai nya hagom.

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NITRITI 28:15

Amiap e, midingat rin bit na kikau bidem ambutti nya hagom ba, dinyohou na. Lene mporo midibuwak na hanyen kwei ei atimieisi dini. Midimbres Da leu na bi sren. Midibindei ba, mun di dipreu kep na tut nya hagom mipek kep mem na.”

NITRITI 28:4

Nna ba Allah njei mun di kei bak nani kin ade nintun him yamti di bram yam nya bit leu nok Noni njei mun di kei bak Abraham! Nna ba anyeng tak kep minu di abong ser dini di Allah pek bak Abraham nipou su!”

NITRITI 30:25

Niabiati Rahel gwam tut Yusuf tu lene Yakub pai bak Laban “Ma akes da bidingkwei hanyen ug ei ditimieisi.

NITRITI 31:13

Dani ne Allah po tau kep na ei Betel tirigi po atas tig gom pijum nok tig nibiyok ngon kep leu api attin ampou tut mini zaitun ba, asiber ei dip ba, apreu ei mem Dani ei sirima cem pima ri. Ma atin ei ba, angkwei hanyen ug ei atimieisi.’ ”

NITRITI 31:18

Noni jem nide mindhe-ndhe nya hagom bikes nide ndigban nindig bibor di nyeng tut ei Mesopotamia hagom ei dip bigya bibie leu api yahagom ingkwei hanyen ug ei minu Kanaan leu binhyepo ug ngat nicig Ishak hanyen.

NITRITI 31:2

Gima ne Yakub kan tut bipia Laban kin noni ingon kwes kin yam nok gi nipou pima bu bi.

NITRITI 31:4

Gima rino Yakub sok nihyet bak Rahel kin Lea leu binhyepo ikwei um noni ei susti mem nijam di noni nyohou nide kambir nya kin domba nya.

NITRITI 32:10

Dani ne dem mem gima angondut da ba, angon gom tut da rin bi. Dinok awak mem Nani he. Tirigi po disigon Yordan pima lene dittei ditde tom he. Noro njap di ammani lene dikwei hanyen tut ditde limwa nya nimpung can.

NITRITI 32:5

Ba, da di Yakub dinyeng tut sapi nya kin keledai nya kin kambir nya kin domba nya kin awak nya hagom imang bibor bidisok dihyet nok gima hwou ndam noni di nok ditde andigpoi leu binhyepo noni joi sut da.”

NITRITI 32:9

Lene noni ngat nadi bipai “Dignyon Abraham kin dicig Ishak ide Allah e, amiap dihyet! Na di tuhan acuk da bipia dingkwei hanyen ug ei ditimieisi bidibong bit dide bat nya hanyen bu leu api ma anyohou dimig mun di hagom nok gi kei bibor mem da.

NITRITI 35:1

Mpe di gom bu lene Allah pai bak Yakub “Dani ne Allah ri. Dittau kep na tirigi po anang leu akindig Esau pima. Ma angkwei hanyen ug ei minu ndig Betel ba, abong ei sirima lene ma adingug tig binok nimbar hum dok mem Da.”

NITRITI 35:3

Lewo nyeni imbut rin bingkwei hanyen ug ei minu ndig Betel ba, ei sirima mididingug tig binok nimbar hum dok mem Allah di nyohou da mpe di po mun di buhun cut igkep da pima. Noni ningat rin bit da kikau bidem dimbutti nya hagom.”

NITRITI 50:24

Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”

MAZMUR 46:1

Nimpung Korah ide doia mem no di bie tut doia nimpung. Iba doia Alamot bibrim.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

MAZMUR 90:15

Asindui sut ba, nyeni ningon kinei drek dip mun di buhun di cut igkep nye mem ari bingwam mang tu. Gima rino ma asindui sut ba, niyai ningon nggei-hi-nggeisi sur ari bingwam pima nimangti hanyen.

NEHEI LEUSI 3:12

Lene Allah buhup “Midingat rin bit na leu api tirigi ateu yok bingwes ngun leu minu Mesir lene mijikuk je biDa ei nungug dini. Mun dima rinok mun di bindo tut bipia dipinak na.”

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”