NITRITI 31:24 - ALLAH NIHYET MEM TUNGWATU NYA

²⁴ Mmun mau rino Allah tau kep Laban tirigi noni bong bimumpriem lene sok kep noni ngkiem ser bipai “Anyohou yai! Ma aba ahyet biyai Yakub au.”

NITRITI 31:24 ပူးပေါင်းရင်းမြစ်များ

NITRITI 20:3

Njap poi ser lene Allah ndo Nonti bak Abimelekh. Tirigi Abimelekh bong bimumpriem mem mmun lene Allah sok kep noni ngkiem ser “Mbigom amai drek dip gi abuwak sop dima lewo noni bon nijjep tu.”

NITRITI 20:6

Lene Allah buhup tug hon Abimelekh de mumpriem dima bipai “Igbit ri. Dikan tut tu. Aba angon di kwes biyai mun dima. Gima rino disrin ser na leu binhyepo abon sisar tut Da bi ba, disindui sut gino angget noni bi.

NITRITI 24:50

Lene Laban kin Betuel ibuhup “tuhan ndo ningon kanti tu lo, dem mem gima nikos tut bak noni bi.

NITRITI 28:5

Lene Ishak kes Yakub leu api Yakub mbut ug ei Mesopotamia leu binhyepo bong bit Laban di nicig Betuel di timiei minu Aram. Laban ne Ribka nikijam rin ba, noni jem Yakub kin Esau nok ninggwo bat nya ri.

NITRITI 31:10

Mpe di gom tirigi nijam dem mem gima mindhe-ndhe nya ipri gau yam lene dibong bidimumpriem lene dingat lo, kambir nikre di ipri gau niwek nya yahagom nok niba nimmun bikos nya kin nillikti nya.

NITRITI 31:11

Lene Allah de malaikati mbrap bit da tug hon mun di dimumpriem dima bihig dinyeng ‘Yakub e?’ Lene dibuhup ‘Dingat rini.’

NITRITI 31:23

Gima rino noni hei sut nide limwa nya ba, yuhuk bram Yakub mem njap muhwindacan leu api yuug hatap yok ei cet him ei hanjop Gilead.

NITRITI 31:25

Mpe dima lene Yakub hok nide prak meng yati ei nungug tou gom lo, Laban kin nide limwa nya yohok ide prak meng yati ei nungug tou hiter di jo dideu.

NITRITI 31:29

Dibon nisindemti mem gima dimbuk tut je noro acig nide Allah tau kep da mem himmun di ammani bisok kep da ngkiem ser bipia ma diba dihyet biyai nani au.

NITRITI 31:42

Gino dignyon Abraham kin dicig Ishak ide Allah nyohou da bi lene dikan bipia ma ajji da bidiba dinda ngwak bingkwei hanyen ug ei ditimieisi. Noro Allah ngat igbit mun di buhun tak da bou niyai him ba, Noni kan tut ditde midyai nya. Apino Noni pai igbit nikos tutti mem himmun di ammani.”

NITRITI 31:7

Mbro nok gima lo, noni ris bida biluei ningonti tut dimuhup nimangti mbisimnai su. Noro Allah sindui sut gima jicig mbuk tut da bi.

NITRITI 40:5

Tirigi isima ninno tu, lene nibou mem ba anggur ngei kin nibou mem roti yahacem ibong bimumpriem ba, ide mun di imumpriem dima bon nimbot kepti di ter leu yam.

NITRITI 41:1

Ari bingwam nitindur can ngwig leu lene Firaun bong bimumpriem nok gini. Mpe di gom lene noni ya niyati simiak Minyei Nil,

SAMUEL GI NICAN 13:22

Absalom ningon kinei sut Amnon nindig bibor ba, kou ser gi mbrap bit noni bu cem drek dip gi kat nikwohop biyem njita tut pima.

NIBOU NDIG NYA GI NIGOM 3:5

Lene tuhan tau kep noni mem mmun tug hon mun di mumpriem lene hig ser noni “Salomo e, disindui sut ba, ahara Da tut mun nyeng gom leu api midiyai gima bina ug ri!”

AYUB 33:25

Ningut miyai nisindemti bu lene mimbri kui ningkek hanyen ba, ningkek sibui nok munggwom pilei ningkek hanyen.

YESAYA 37:29

Dimiap tut ade niggati kin ade nikon nantiti dima. Nogindini diba ngkimom koisi biteu ahwap jou bidiba kuk kin ngkimom nitu buhum ahui leu binhyepo dijem na ba, angkwei kak puig di ambut kak kwei pima hanyen.”

HOSEA 12:12

Mbro nok gima lo, bihi no ikuk yok bak kwar nya ei hanjop Gilead noro yoni mitug ndei nimai. Bihi ibon midut nindig sapi nikre ei nimbar hum dokti ei minu ndig Gilgal cem noro siceu nya minggek nimbar hum dok ngot di jo ei minu dima binok tig di jo-jo yam dip ei ngoi dumti.”

MBEN ISRAEL IMBUT-MBUT NYEN 12:6

Lene tuhan pai biyok “Suar jingig jitingou mem dihyet! Tirigi jide nabi nya ikiju bitri tut dihyet bije lene dindo dingon kanti biyok tug hon ningat-hi-ngat nya ba, dimbrap bit yok tug hon ide mun di imumpriem nya cem.

MBEN ISRAEL IMBUT-MBUT NYEN 22:20

Himmun dima lene Allah kwei pai bak Bileam “Gino yo dini ikwei hig na leu binhyepo abit yok lene ma atin ei ba, abit yok hak ug. Noro ma ayai mun tunggwei dicuk nati au.”

MBEN ISRAEL IMBUT-MBUT NYEN 22:26

Lene malaikati dima son nyahan bu biya ser puig di kom bibor apino bit bon keledai mbut kikau kan bi.

MBEN ISRAEL IMBUT-MBUT NYEN 24:13

Mbro nok gino ayai ade perak kin ade mas di jo ei ade ig nibou ndig hagom bida lo, bit bon disrep tut tuhan nicuk dati bidibit leu danti dingon kanti kan bi. Bit bon dipai mun nyeng hi njiriek tuhan nicuk dati kan bi.”

MATIUS 1:20

Tirigi Yusuf kan-kan nyen tut mun dini yok hagom lene Allah de malaikati gom tau kep noni tirigi bong bimumpriem bipai bak “He na di Yusuf dino ade pung kim Daud e, ma angwes mien tut gima ayai Maria nok atnem au. Lewo noni nghop tug hon Ninnei Gi Kwes.

MATIUS 2:12

Leu api Allah sok kep yok tug hon mumpriem gom ser nhyema ingkwei hanyen bingat Herodes bu au noro ma imbut kak puig hiter di bie ug ei itimieisi hanyen leu.

MATIUS 27:19

Tirigi Pilatus gwam ser nide kintrorti di mbus tungwatu nya ingonti eisi lene nitnem sok nihyet kwei mem noni bipai “Ma apriet no di ningon ngun dima au. Lewo dingon hukti tut mun di dimumpriem tut Noni mem himmun di aponi.”

NINDAT KEP TUHAN NICUKTI NYA 26:5

Lene ma no di ttei bansi dima kwei ndat kep nihyet dini ei tuhan di nok jide Allah Noho bei bipai ‘Arig tuhan e, pung di dintun him ne tungwagom leu Aram po mbut-mbut nyen bibuwak nide ig bei nsi nya yahagom ug ei minu Mesir pima ri. Tirigi yoni yuug krau minu Mesir lene imangti gom-gom he noro idigek kep mpia ei sirima apino imang nding bu ba, isindem bibor cem.