NITRITI 31:12 - ALLAH NIHYET MEM TUNGWATU NYA

¹² Lene noni binut bu ‘Dani ridibindei dino kambir nikre di niba nimmun bikos nya kin gi nillikti nya ipri gau niwek nya. Dipai bina nok lewo dingat mun di Laban bon tunggwei sut na bou diyai him tu.

NITRITI 31:12 ပူးပေါင်းရင်းမြစ်များ

NITRITI 31:10

Mpe di gom tirigi nijam dem mem gima mindhe-ndhe nya ipri gau yam lene dibong bidimumpriem lene dingat lo, kambir nikre di ipri gau niwek nya yahagom nok niba nimmun bikos nya kin nillikti nya.

NITRITI 31:42

Gino dignyon Abraham kin dicig Ishak ide Allah nyohou da bi lene dikan bipia ma ajji da bidiba dinda ngwak bingkwei hanyen ug ei ditimieisi. Noro Allah ngat igbit mun di buhun tak da bou niyai him ba, Noni kan tut ditde midyai nya. Apino Noni pai igbit nikos tutti mem himmun di ammani.”

MAZMUR 10:14

Noro ningat ne Nani angat gima tu ba, angig ayai kep niduhug-duhug nyenti kin niweisi. Ba, atin ei kikau mem gima ampu yok. Yo di isindem bi nya ikes yonti ei anda nsi. Ampu kep yo di yuhui mbum nya kikau kwei bipek ammani kep tu.

MAZMUR 12:5

“Niba nidweb di sindem bitug ndei ndiyok bit leu nyeni ningon kanti. Nisimbot dat mun bit leu nyeni nijoi sutti lene hi di bigen ser cem bi!”

MAZMUR 139:3

Akan bidem tut dimbutti nya kin nijam di dibong dibongti cem. Akan bidem tut diyai munti nya hagom.

NEHEI LEUSI 3:7

Lene tuhan pai binoni “Dingat bou diyai him bipia mben Mesir iba isibut co kep Ditde limwa nya. Lene dimiap Ditde limwa nya ighyet tirigi yahara Da leu binhyepo diteu yok bingwes ngun leu yo di ico kep yok dima. Dikan mungkun tut mun di buhun tak yok nya.

NEHEI LEUSI 3:9

Dimiap Ditde limwa nya ighyet tirigi yahara Da tu ba, dingat bou diyai him bipia mben Mesir iba isibut bico kep yok.

NIBA NINGON SRIP HUKTI 5:8

Limwa nya ikwas ningat di ikos kui ig gudan tut yam bibon nibou ndig di ya srak ko hagau ide miai nya.

IMAM NYA IDE MIDYAI 19:13

Ma jiba ningon di kwes bibon nindigsi nya lene ma jipos ndiyok leu yok au. Nok gima cem ma jingon tak kep no di yai midyai mem je nimuhup mem mmun-njap gom cem au.

KISAH 7:34

Dingat Ditde limwa nya di igyai ninghuisi wei nindig bibor ei minu Mesir bidiyok ngon kep yok. Dimiap ighyet tut gi yuun-icot nindig bibor tu. Gima rino dijuk kwei mem diteu yok bingwes ngun. Nogindini akwei! Dipinak nani hanyen ug ei minu Mesir.’

EFESUS 6:9

Je di jinok andigpoi nya e, ma jibibon jide awak nya noyam kin nicukti dima. Ma jicuug yok au. Noro ma jiyok ngon kep bipia jeni kin jide awak nya jijem jiceu bit Tuhan ei gwamti ba, Noni mig mbus tungwatu bibit leu itta di jo brei bou niyai him bi.

NINDAT KEP TUHAN NICUKTI NYA 24:15

Ma jiyai nimuhup binoni nipou tirigi mpia kimbas bigyo bikwop njap ngwa hagom. Lewo noni suar nimuhup dima biningon ya mem. Gino jiyai nimuhup binoni bi lene noni mahara tuhan tindei je apino sisar dima mibindei ba, jingon mui.