NITRITI 31:1 - ALLAH NIHYET MEM TUNGWATU NYA

¹ Lene Yakub miap bipia Laban nipmot bat nya ikkin kep ninghapti bipai “Yakub ris mun di noni nyeng tut nya hagom leu arig tu. Noni nyeng bibor tug hon mun di arig nyeng tut nya.”

NITRITI 31:1 ပူးပေါင်းရင်းမြစ်များ

NITRITI 30:43

Gima rino Yakub nyeng bibor binyeng tut mindhe-ndhe nya kin unta nya kin keledai nya kin awak nya imang bibor.

NITRITI 31:2

Gima ne Yakub kan tut bipia Laban kin noni ingon kwes kin yam nok gi nipou pima bu bi.

NITRITI 31:43

Lene Laban buhup “Sop dini yok ne dipmisop bat nya rin ba, imunggwom bat nya ne dimunggwom bat nya rin ba, mindhe-ndhe dini yok ditde ri. Jit jit, mun di acap ser dima yok hagom ditde nipou su. Noro gimbun ditak kep dipmisop bat cin kin imunggwom bat nya leu na kan bi.

NITRITI 45:13

Gima rino ma jipui sut ditde nisindemti nya ei minu Mesir dini bitut mun di jingat bou jiyai him hagom bak dicigya. Lene ma jibipbur ba, mijibuwak noni hanyai kwei.”

ESTER 5:11

Leu api Haman nggap leu nonti biyok binggei sut nonti tut gi nyeng tut ndigban nya cem tut gi nipmot bat nya imang cem tut gi yai ninyeng di jei dor njiriek nibou di inyeng jei nindigsi nya cem.

AYUB 31:31

Ditde awak nya di igyai midyai mem da yahagom ikan tut bipia dicigit ngkiai nya kui ig bit leu nok diyai kepti.

MAZMUR 17:14

Akwek da leu yo di inyeng tut ndigban nyeng hagom bit leu ijoi sutti ei dihyeisi dini inda nsi. Akes hukum ei yok dip tug hon mun di buhun bibor di atin ei mem yok ba, akes hukum dima ei yo di intun him yok nya dip cem.

MAZMUR 57:4

Noni mibuhup dihyet leu gwamti biteu da ba, dingwes ngun. Noni mibindei timek yo di ico kep da nya cem. Allah mindo bipia ningon gom tut da ba, ningon ngakei da bikwop ug.

NIPINGOK NINGONTI 14:30

Ningon di jo nyahan bindei ninghuisi kwes noro ningon kinei sut hiterti noyam kin ninggwen di bindei nimai.

NIPINGOK NINGONTI 27:4

Ningon di nggrom kep hiter ne sisar rin binggek tut noro tou rahau mem hiter di ningon kinei sut noni i?

NIBA NINGON SRIP HUKTI 4:4

Lene dikan tut bipia tungwatu nya igyai midyai sindem drek dip gi ingat yo di inttig-tta nya ide ndigban di itug ndei leu midyai di ibrim ingkek tut nya. Gima yok hagom ne mun di bit bon dingon dorti tut kan bi rin ba, dem kep nok niyon igkep hou nimig.

YESAYA 5:14

Minu nimai nya ide hap niji bininsi bet mem gima pinde pinjoi ndig di inyeng jei ei minu ndig Yerusalem nya bitut limwa di igyai nillei ei pestati dima yahagom.

YEREMIA 9:23

Lene tuhan pai “Ma yo di ingon ki nya illei sut ide ningon kiti au. Ma yo di isindem nya illei sut ide nisindemti au. Ma yo di inyeng nya illei sut mun di inyeng tut nya au.

YEHEZKIEL 16:44

tuhan pai “Minu ndig Yerusalem e, tungwatu nya miba nihyet nibiti nindati dini bipai nani ‘Nipmisop dat nipmemti.’

MATIUS 4:8

Lene Bilis buwak Yesus ug ei mbigdip anai bibor leu api ndo minu ninyeng tak kepti di jodihyei nisurti-nipekti tut nikei-kausi nya hagom bak.

TIMOTIUS GI NIGOM 6:4

no dima ningon jei ba, ningon mbum cem! Noni mibimbeu sut gima liriem tungwatu nya tut mun di bon ninyeng bi. Ba, gini bindei ba, tungwatu nya ingon kinei sut yam cem ibroi leu yam cem irom ighyet kui yam cem iba ingon kan yam cem,

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

PETRUS GI NIGOM 1:24

Bit leu nok gi ipas ei Allah nihyetti “Tungwatu dihyeisi dini hagom inok mintu-minta ba, inyeng di jei nya noyam kin mitou. Mintu-minta mui hak ba, mitou cem millet.