NITRITI 30:27 - ALLAH NIHYET MEM TUNGWATU NYA

²⁷ Lene Laban buhup “Dipai bina bipia diko bidinggok tut ba, tuhan njei mun di kei bak dani tug hon nani.

NITRITI 30:27 ပူးပေါင်းရင်းမြစ်များ

NITRITI 12:3

Midinjei mun di kei bak yo di injei mun di kei bak nani. Noro midisigion yo di isigion nani bu. Midinjei mun di kei bak mben dihyeisi dini hagom tug hon nani.”

NITRITI 18:3

Lene pai biyok “Andigpoi jen, nna ba jikwei cem kep da ei prak meng behei leu api midimpu je.

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 30:30

Nipou tirigi dikwei ngat na bigyo lene na di Andigpoi anyeng tut mun nyeng gom-gom he noro tini bu lene anyeng bibor. tuhan njei mun di kei bak nani tug hon da tu. Gima rino njap dem mem gima diyai kep ditde midyai bidinyohou danti ditde ig bei nsi nya.”

NITRITI 33:15

Lene Esau pai “Api midikuk ditde limwa nya ibou poi mem na leu binhyepo inyohou cen jeni.” Noro Yakub buhup “Nok ug e. Angon mbut-mbut nyen tut da au. Gino dibindei ba, ajoi sut da lene dem.”

NITRITI 34:11

Lene Sikhem nonti brim ningkek kep Dina nicig kin nikijam bat nya bipai “Gino jice tut mun di dibidip huk je tut dini lene midinjei mimbron bije bit leu jingon kanti hak ug.

NITRITI 44:5

Nggon rino inggimang ditde mok perak i? Lewo didut ba anggur ngei eisi he bi noro diko bidibinggok tut ndiyok eisi cem. Ibon mun tunggwei sut da nindig bibor.”

NITRITI 47:25

Lene ibuhup “Andigpoi e, anyohou nye biningwes ngun tu ba, nijem sigyo nindig bibor bina. Ninok awak mem Firaun hak ug.”

SAMUEL GI NICAN 6:11

Leu api Brua Gi Preu dima jo ei Obed-Edom de ig kikau mem bed ningai apino tuhan njei mun di kei bak bitut nide ig bei nsi nya cem.

NIBOU NDIG NYA GI NIGOM 11:19

Lene noni kin Hadad ihig isut bit yam bibor apino nibou ndig ndo nitnem Tahpenes nikinjoi bak Hadad binok nitnem.

NEHEMIA 1:11

Ma angig atingou mem dihyet kin Ade awak nindigsi nya di ikon anyeng yahagom ighyet. Ampu da leu binhyepo dibindei ba, nibou ndig ngondut da tirigi dihug ba anggur ningei ei mokti bak noni mem njap di ammani lewo dani ne Ade awak ri.”

NEHEMIA 2:5

bidibuhup nibou ndig “Gino na di Andigpoi ajoi sut ade awak ba, ace tut dihyet dini lene ma asindui sut ba, dingkwei hanyen ug ei hanjop Yehuda ndam minu ndig gom di itig didigup bat-didigai bat nya eisi leu binhyepo diwin minu ndig dima hanyen.”

MAZMUR 1:3

No dima ne ningat di kei ntun nide midyai nya hagom him noyam kin biei di hei ei minyei ntig dip ba, ngat ningat di kei bidem nijam hagom. Nimeng cem nggrou kei lene ngoi hanyen bi sren.

NEHEI LEUSI 3:21

Midibindei ba, mben Mesir mingondut je leu binhyepo tirigi Ditde limwa nya imbut bingwes ngun lene miyehei he bi.

YESAYA 6:13

Mbro nok gino tungwagom leu ibou simnai bong ser nide ig bimbut bi lo, noni cem mitug midut. Noro noni minok asar ninjem di iwim lo, ningwam jo nijoti. Ningwam dima ndo tut nijam di nidipti bu tirigi Ditde limwa di igyaisi jo nya minok nitriti mem Ditde limwa di ingon kwes hanyen bu.”

YESAYA 61:9

Jide nintun him yamti di bram yam nya inyeng jeisi tibim bidem minu lene ei ngkiai di ikieng kep minu nisurti-nipekti ikieti cem. Dibindei ba, ide ningon nggei-hi-nggeisi mijo nibreisi mem yo di ingat yok bou igyai him yahagom.”

YESAYA 65:8

tuhan pai “Tungwatu nya icom ba anggur ngat di ningei joti nya bi. Noro ipot binok ba anggur ngei bidut. Nok gima cem midibindei sar Ditde limwa nya yahagom hak bi. Lewo bihi leu yoni ikieti no yoom yonti binok awak mem Dani yo.

DANIEL 1:9

Leu api Allah bindei ba, Aspenas ningon nggriu sut Daniel,

MBEN ISRAEL IMBUT-MBUT NYEN 11:11

Gima rino noni pai bak tuhan “Abibon da kinei nok gini tut nggon i? Nggon rino angon kwes kin da bi i? Nggon rino akes yo dini ide mun di srou yok hagom ei dinghat dip i?

MBEN ISRAEL IMBUT-MBUT NYEN 11:15

Gino abibon da nok gini lene ma angon nggriu sut da mbigom tug hon gima akes nimai ei da dip haninyai leu binhyepo mun di buhun bibor dini mibuhun tak da bu bi hak ug.”

KISAH 7:10

biteu noni leu api ningwes ngun leu mun di buhun tak noni hagom. Allah yai ningon di singat kei kin ningon di ki cem bak Yusuf tirigi noni ya ei Firaun di nibou ndig Mesir noho bei. Apino Firaun kon Yusuf ba, yai ninyeng di jei bak binok nibou mem minu Mesir nisurti-nipekti lene ninyeng tak kep Firaun de ig bei nsi nya yahagom cem.

SRAT RUT 2:13

Lene Rut pai binoni “Andigpoi e, mbro nok gino dibon dinyeng nok ade awak hi rin bi lo, asingat tut da nindig bibor ba, ade nisingat tut dati dima biwin kep dingonti tu.”

SAMUEL GI NIGOM 16:22

Jei bi lene Saul sok nihyet bak Isai bipai binoni “Dijoi sut Daud nindig bibor. Ma asindui sut noni biya kui da kikau.”