NITRITI 30:2 - ALLAH NIHYET MEM TUNGWATU NYA

² Lene Yakub ningon sibui sut noni bibuhup “Bit bon diya luei Allah nohoti kan bi. Noni rino bindei dino apijet a.”

NITRITI 30:2 ပူးပေါင်းရင်းမြစ်များ

NITRITI 16:2

Lene Sarai pai bak Abram “tuhan tak kep da bidiyai dimunggwom hi bigyo. Gima rino ma ayem njita tut awak de dima. Mpaba noni miyai nimunggwom hi bida e?” Lene Abram ce tut nitnem nihyet nghwak him.

NITRITI 20:18

Lewo tuhan bindei ba, bit bon sop nya yahagom di ibong ei Abimelekh de ig bei inghop kan bi drek dip Sara di Abraham nitnem.

NITRITI 25:21

Mpe dima lene Ishak ngat nadi tindei nitnem lewo Ribka pijet leu api tuhan buhup nide nadi bibindei ba, Ribka nghop.

NITRITI 29:31

Tirigi tuhan ngat lo, Yakub ningon ngakei Lea noyam kin Rahel bi lene Noni bindei ba, Lea yai nimunggwom noro Rahel pijet.

NITRITI 31:36

Jei bi lene Yakub ningon sibui sut Laban nindig bibor lene ba nihyet nindig bihig ser noni “Diyai mun di mbuk tunggwei sut na di Andigpoi nok mindei ngan i? Dipigau hanjop notou apino bitig dino ahuk bram da i?

NITRITI 50:19

Noro Yusuf buhup “Dwai! Jingon digit tut da au. Bit bon diya luei Allah nohoti kan bi.

NIBOU NDIG NYA GI NICAN 5:7

Lo bi lene tirigi nibou ndig mben Israel kwop srat bokti dima lene ningon buhun bibor birik nide sinsun nibou ndig leu api simbot dat “Ayo! Nggon rino nibou ndig mben Siria kan bipia disindem mem gima dibindei ba, no dini miyai ningkek ngun eisi hanyen i? Noni kan bipia dani ne Allah rin ba, dibindei ba, tungwatu nya igyai niyaijo kin nimai e? Jo nibreisi bipia noni ba srat dini biwaisi da!”

MAZMUR 113:9

Noni bindei ba, sop wak cam di pijet yai nimunggwom bat nya apino ningon nggei-hi-nggei bininyeng jei ei nide ig. Ma jinggei sut tuhan!

MAZMUR 127:3

Munggwom nya di Allah yai binye ne munkwas di kwei leu Noni ri. Ibindei ba, nyeni ingon nggei-hi-nggei.

NEHEI LEUSI 32:19

Tirigi Musa juk kwei biya puig sinon bidideu ide prak meng yati dima lene ngat sapi di iba mas bibon kin nide limwa nya di ibihim kep cem lene ningon sibui sut yok nindig bibor leu api com tig mma can po ttei kwei su pima ug ei dihyeisi mu ei nungug dima nikiou apino tig mma dima hacem ki kukiau.

MATIUS 5:22

Noro tini bu ne Da dipai bije bipia no di ningon sibui sut hiter miya ei nikei noho bei. No di pai hiter kinei miya ei Nikei Puig Yahudi nya yoho bei. No di pai bak hiter ‘Arom ndok!’ dima ningwes ngun leu hum njengti bi.

MARKUS 3:5

Lene Noni ngig niyai kep yok biningon sibui sut yok nindig bibor apino ningon buhun drek dip ingkek di ndok bibor dima. Noni pai bak no dima “Atit anda.” Hammi tirigi noni tit ninda di mai rino noni kei hanyen hak.

LUKAS 1:42

lene ba nihyet nindig bahara “Allah singat tut na dor njiriek sop nindigsi nya yahagom ba, Noni singat tut amunggwom di jo anghopti cem!

EFESUS 4:26

Gino jingon sibui sut tungwagom lene ma jisindui sut jide ningon sibuisi dima bindei bijicut ug ei sisarti au. Ma jikes hon ba, jingon sibui kikau ug bipek mmun kep au.

SAMUEL GI NIGOM 1:5

Mbro nok gino Elkana ningon ngakei Hana nindig bibor lo, noni digo mikwau ninghui ninggriet gom ngat he bak noni leu gi po tuhan bindei ba, noni pijet pima.