NITRITI 3:8 - ALLAH NIHYET MEM TUNGWATU NYA

⁸ Mmunti lene imiap tuhan Allah di ya-ya nyen ei miaisi dima apino yahacem iku yok nyahan nding biei bou leu binhyepo Noni ngat yok bi.

NITRITI 3:8 ပူးပေါင်းရင်းမြစ်များ

NITRITI 18:33

Tirigi tuhan kes nihyet hon bimbrap bit Abraham bu bi lene Noni ug leu lene Abraham ngkwei hanyen ug ei nide prak meng nsi.

NITRITI 3:10

Leu api no di pinai buhup “Dimiap gi angat rin ei miaisi apino didigit tut bidiku da nyahan lewo dingat ngu.”

AYUB 22:14

Akan bipia Allah mian kwei lo, bumbuhui nggai ser niyai bingat mpia bi ba, mpe dino Noni ya nyen ei niban di bikwas gwamti kin dihyeisi dini leu yam dip he e.

AYUB 31:33

Hiter iku ide sisar bijo nding leu tungwatu nya igyai him noro diyai igbit igyai kepti dima bi sren.

AYUB 38:1

Lene tuhan ba nibuhupti di noyam kin sigau nibimbiti buhup bak Ayub bipai,

NIPINGOK NINGONTI 15:3

Mun di pek kep bidem mpia ttou nsi hagom jo nibreisi bou tuhan niyai him. Noni yok ngon kep niyai munti di kei kin gi kinei nya hagom.

YEREMIA 23:24

Bit bon hi ku no nyahan nding leu diyai him kan bi. Lewo dingat rin ei gwamti kin dihyeisi dini cem nisurti-nipekti.

HOSEA 10:8

Siceu nya migya kep ig ngot di ingot ei mbigdip Betel di nok mpia di mem ide kwar di mben Israel ikuk yok bak eisi bingwig. Ndia nggwen kin mintu-minta mehei ei nimbar hum dok di ideti. Leu api limwa nya yahara bak nungug nya “Ma jiprioi kep nye o!” Lene yahara bak mbigdip nya “Ma jitti hwen nye o!”

IMAM NYA IDE MIDYAI 26:12

Midingat rin bit je. Midinok jide Allah lene mijinok Ditde limwa nya.

YUNUS 1:3

Noro Yunus kiju binang leu tuhan nicuk noti buug ei minu ndig Yopa. Noni ug krau hammi tirigi kibar minyei gom tin ei mem gima mbut bitot minyei ug ei minu Spanyol. Gima rino noni bipbur ba, go gau nonti bak kiten kibar leu api bri bit timiei kibar nsi nya dima biyuug ei minu Spanyol leu binhyepo bong ting bibor leu tuhan niyai him.

ROMA 2:15

Igyai kepti nya ndo brei bipia Allah nicuk yokti nya dima jo ei ingon mienti tu. Ingon mien ndo bindo tut mun dima yok lewo mpe hi ingon mien pai kep yonti lo, mpe hi bu ingon mien mbrap gau yonti.

NINDAT KEP TUHAN NICUKTI NYA 23:14

Jide tuhan Allah ningat rima bit jeni ei jide prak meng yati. Noni nyohou jeni bibindei ba, joom kep jide siceu nya cem. Gima rino ma jinyohou jide prak meng yati bipwoi. Ma jiyai mun di bindei ba, tuhan niyai kou ningat au. Leu binhyepo Noni kes jeni ei bi.”

NINDAT KEP TUHAN NICUKTI NYA 4:33

Dihig ser je bipia mben hi ingwes ngun bigyaijo niabiati imiap kwar di ikuk yok bak nihyet tibim kwei leu hum njengti dem kep nok mun di pek kep mem je tu e?

NINDAT KEP TUHAN NICUKTI NYA 5:25

Noro nggon rino ninggok nimai eisi hanyen bu i? Hum di cig-cai nindig bibor dima mibindei sar nyeni! Nikan tut bipia gino nimiap tuhan Allah nihyet tibim kwei hanyen bu lene minimai hak ri.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

NINGAT-HI-NGAT NYA 6:15

Mpe dima ne nibou ndig dihyeisi dini kin yo di inyeng jei nya kin nibou pran nya kin yo di inyeng kin yo di inyeng tak kep ndigban nindig bibor kin awak nya kin yo di igyati kwes nya yahagom iku yok nyahan ei hak mihyeti kin tring behei bidem nungug him nya ba,