NITRITI 3:5 - ALLAH NIHYET MEM TUNGWATU NYA

⁵ Allah pai gima bije nok lewo Noni kan tut bipia tirigi jiyem biei ngat dima lene mijingon dor niti tut gi kei nya kin gi kinei nya dem kep nok Nonti ningon dor nititi.”

NITRITI 3:5 ပူးပေါင်းရင်းမြစ်များ

NITRITI 2:17

Noro harin dima apuk biei ngat di bindei tungwatu nya ingon dor niti tut gi kei nya kin gi kinei nya ba, ayem a. Leu gino ayem biei ngat dima lene amai hak mem njap dima.”

NITRITI 2:9

Noni bindei ba, biei di kei-kau di ngat ningat di kei bibor bikwop ninyeng hagom hei ei miaisi. Lene Noni ta biei di bindei dino tungwatu nya igyaijo kikau kin biei di bindei dino tungwatu nya ingon dor niti tut gi kei nya kin gi kinei nya. Noni ta biei dini hacem ei miai ninggimau.

NITRITI 3:10

Leu api no di pinai buhup “Dimiap gi angat rin ei miaisi apino didigit tut bidiku da nyahan lewo dingat ngu.”

NITRITI 3:22

Lene tuhan Allah pai “Nogindini tungwatu dem kep nok nyeni lewo ningon dor niti tut gi kei nya kin gi kinei nya tu. Gima rino suar nicuon ser noni leu binhyepo noni kwei puk biei ngat di bindei niyaijo kikau biyem au. Leu gi mporo yem ningat lene niyaijo ninno.”

NITRITI 3:7

Hammi tirigi igyem biei ngat dima rino ingon dor niti tut gi kei nya kin gi kinei nya bikan tut lo, ingat ngu. Apino indung biei ara nimeng binap kin yam nok sinsun bibinggai kep ide ningat nguti.

NIBOU NDIG NYA GI NIGOM 22:6

Gima rino Ahab hig nabi nya ibou sratus bitai kwei bihig ser yok “Duug ya kep bidihwen minu ndig Ramot e, he bi e?” Lene yahagom ibuhup “Aug hak ug lewo Allah mihwen minu ndig dima mem na di Andigpoi.”

NIBOHON MBEN ISRAEL GI NICAN 32:15

Ma jisindui sut jide nibou ndig dima biris je ba, ris mun bije au! Ma jiba jingon com noni au. Lewo bit bon kwar hi sindem mem gima teu nide limwa di ingat rin ei dihyeisi dini ba, ingwes ngun leu nibou ndig mben Asyur ninda nsi di sindem bibor kan bigyo sren. Jo nibreisi bipia jide kwar dima cem miteu je bijingwes ngun kan bi sren!”

MAZMUR 12:4

tuhan e, akimut anda kep yo di iba ighyet di mmau biti mun. Idem kep yo di insi bbed-bau di ipai,

NEHEI LEUSI 20:7

Harin dima jindat kep dinyeng ugwai-gwai a. Lewo Dani ne jide tuhan Allah rin ba, midikes hukum ei no di ba dinyeng bikek dip.

NEHEI LEUSI 5:2

Lene Firaun buhup “tuhan dima tou i? Nggon rino dibit nihyet dima bidisindui sut mben Israel bimbut i? Dikan tut tuhan dima bi. Gima rino midisindui sut mben Israel bimbut bi.”

YESAYA 14:14

Apai bipia akui nig-nai ug ei bumbuhui nya dip dem kep nok No Di Ninyeng Jei Bibor.

YEHEZKIEL 13:22

Jiba jide niris munti dima biyai yo di isingat di ijoi sut gima itug ndei mun di buhun leu Da bi nya ingon cun hak. Jibindei ba, yo di isibut nya ingon jei apino ibon sisar bijo kikau leu ba, ingwes ngun bi.

YEHEZKIEL 28:12

“Na di tungwatu di ayaijo kikau bi e, ma apim nggruet tut nibou ndig Tirus. Ma apai sut mun di Da di tuhan Di Dinyeng Jei Bibor dipai sut noni bipia nipou pini jug ne abon nanti nok bindo tug hon ade nikei-kau-keisi. Nipou yo ne angon ki bibor ba, awer ubbu ngat cem!

YEHEZKIEL 28:2

“Na di tungwatu di ayaijo kikau bi e, ma atri tut mun di Da di tuhan Di Dinyeng Jei Bibor dipai bak nibou ndig Tirus bipia aba angon di jei bikon nanti ba, agwam ei banggo mbrei dip ei muk ningwa dip leu api ade limwa nya ikuk yok bina. Abon nanti nok no di ikuk yok bak ug lo, ma ayok ngon kep bipia nani ne tungwatu nitu he ri.

YEHEZKIEL 28:9

Tto bou dima dem ne mpaba apai sut nanti bipia nani ne Allah rin e? Noro yo di ikwei yai nimai bina mingat bou igyai him bipia nani lene tungwatu nitu he ri.

YEHEZKIEL 29:3

tuhan Di Ninyeng Jei Bibor cuk da biditri tut nisokti dini bak nibou ndig minu Mesir. “Na di unggor ndig bibor di abong ei minyei nggimau yon e, Dani ne ade nitok ri. Asuglai mun bipia ajem Minyei Pmem Nil bou na nok ade lewo nani rino apai tes a.

DANIEL 4:30

bidikan “Mbenjen! Siyai bong kep minu Babel di kei bibor kei dini! Siwin side minu dini nok nibousi mem sinyeng tak kepti nok mun di bindo tut side nisindemti kin sinyeng jeisi kin side nikei-kau keisi.”

DANIEL 6:7

Gima rino yahagom yuug ngat nibou ndig bipai binoni “Nnaba na di Nibou Ndig Darius ayaijo ninno!

MATIUS 6:23

Noro gino jiyai dindi lene jingut titut yam mpung tut nidinditi. Gino mini njeng di jo ei jeti dima dem kep nok nidinditi ne nidinditi dima dindi-kai!”

KISAH 26:18

leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”

KORINTUS GI NICAN 11:3

Noro dikrau dingon tut je leu ma hi muhum jinsi leu ba, jingon gom tut Kristus bu bi. Gima noyam kin mun di cut igkep Hawa mpe di wou di ningon mang hum ninsi ba, ris noni.

KORINTUS GI NICAN 4:4

Ingon jo kep bi lewo Bilis sibut bibor ba, ninyeng tak kep tungwatu dihyeisi dini. Noni rino biyai ingon di dor mun di bitut ninneiti bi. Apino bit bon ingat igbit nikei-kau-keisi di piga kwei leu Nihyet Di Kei dima kan bi. Ba, Kristus dima ningat ndo Allah ningwes brei binye.

TESALONIKA GI NICAN 2:4

No dima mitte tut mun di tungwatu nya ibikuk yok bak kin nung nya di ikuk yok bak hagom leu api mikon ninyeng jei dor njiriek ninyeng hagom bigwam jug ei Tuhan De Ig bitri tut bipia noni ne Allah ri.

NINGAT-HI-NGAT NYA 13:14

Ba, hi sindui sut noni biba mindur di bibon ei mindhe gi nigom noho bei biris tungwatu dihyeisi hagom. Mindhe dini cuk yok leu binhyepo ibon kwar di dat mindhe gi nigom di yai nibok leu singau simeda di hi bitot noni noro kiju hanyen leu nimai eisi tu pima.

NINGAT-HI-NGAT NYA 13:4

Ikuk yok bak naga binggei sut noni drek dip gi noni kwas nisindemti ndrim hi tut mindhe. Ba, yahagom ikuk yok bak mindhe binggei sut cem. Iba nimbos-hi-mbos bipai “Tou rino ninyeng jei nok mindhe dima i? Tou rino sindem mem gima kon pran bit noni i?”

NIJAM NIKEI NYA 3:2

tuhan ba nisinati dima bingginau mben Israel ide nintun him yamti di bram yam nya tut nikon pranti lewo igikon pran bit ide siceu di nipou nya bi sren.