NITRITI 3:17 - ALLAH NIHYET MEM TUNGWATU NYA

¹⁷ Lene Noni pai bak no di pinai “Amiap kep atnem nihyet pima ba, ayem biei ngat di dicuon ser na tut tu. Gima rino midimbriom dihyei apino suar nani ayai midyai sindem kikau ba, ug bipek ayaijo ningwig honti leu binhyepo dihyei yai ningat di dem mem nani.

NITRITI 3:17 ပူးပေါင်းရင်းမြစ်များ

NITRITI 3:11

Lene Allah hig ser noni “Tou ripai bina bipia angat ngu i? Ayem biei ngat po dicuon ser na leu pima tu e?”

NITRITI 3:18

Bohou kin ndia nggwen di tigot-tigau mehei bidem dihyei ninjek dip lene ndiyok kioi sisron di hei-hei wai minok jide njita.

NITRITI 3:6

Lene no di sop dima ngat lo, biei dima kei lene ningat kei mem gima yem lewo kan bipia gi kei bibor mem noni yai ningon di ki. Gima rino noni puk ningat hi biyem leu api kwas hi tut nijjep cem biyem.

NITRITI 5:29

Lene noni tri tut “Dihyei dini di tuhan mbriom tu bindei ba, nye di tungwatu igyai midyai di buhun tak nye ninno tu. Noro munggwom dini mibindei ba, nyeni igyai ingon di nggan-triot bu.” Gima rino noni jem nipmot ninyeng Nuh.

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

AYUB 14:1

Nyeni inghuisi mbriong ba, isindem bi mpe di po isrek kikau kwei bipek ammani kep. Mun di buhun bibor tak kep nye mem nijam di igyaijo cun bibor.

AYUB 21:17

Apo yo di isibut nya imai urung ba, mun di buhun bibor hi cut igkep yok tu e? Apo Allah ba niggati bikes hukum ei yok dip cem tu e?

MAZMUR 127:2

Yo di ikiju mem ha yausi bigyai kep ide midyai nya nok ayoi hum ngum kikau ug bipek mmun mau yahagom igyai gima mikui-kausi. Lewo tuhan tin ei mun di Nide limwa di ningon ngakei yok isuar nya mem yok tirigi yoni ibong mai yo.

NIBA NINGON SRIP HUKTI 2:11

Noro niabiati bu ne dingkwei bidiyok diyai kep midyai di diyai nya kin dahanggwap di dicom ei midyai dima yokti di put hagom. Leu api dingon huk niti bipia gima ne mun di bit bon dingon dorti tut kan bi. Dem kep nok niyon igkep hou nimig.

NIBA NINGON SRIP HUKTI 2:17

Gima rino diyaijoti bon nisinati bi. Diba nitok bak niyaijoti lewo bit bon dingon dorti tut kan bi. Gima dem kep nok niyon igkep hou nimig.

NIBA NINGON SRIP HUKTI 5:17

Leu api dingon huk niti bipia gihi di kei mem tungwatu nya dor njiriek mun nindigsi nya rino njita di igyem kin ndia ngei di idut kin gi ingat ingwes ei ningat di itug ndei tug hon ide midyai di igyai nya mem nijam di igyaijoti di jei bi di Allah yai binye dini. Gima ne mun di Allah bindei ba, pek kep mem nye ri.

MATIUS 22:12

Leu api hig ser noni ‘Disut na, notou acoi ninsi dini noro ajuk sinsun di igbit mem abiyem njita di ingei kep pesta niwak yamti bi i?’ Noro bit bon noni pai mun hi mem bisu tindei bi.

MATIUS 25:45

Nibou Ndig buhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok bi lene gima dem kep nok jingondut Da cem bi.’

LUKAS 19:22

Niceu pai binoni ‘Nani ne awak di sibut bibor ri! Midikes hukum ei na dip drek dip ahyet di tibim ei ahui him. Akan tut bipia disibut bibor drek dip gi dipos mun di dinyeng tut bi bidiket gandum di dahap bi cem e?

YOHANES 16:33

Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

ROMA 3:19

Nyeni ikan tut bipia Puig Yahudi nicukti titut yam tak kep yo di icoi bit Nihyet dima ninyeng di tak kep yokti leu binhyepo bit bon hi pai mun bisu tindei kan bi ba, ndo brei bipia Allah gwam nok nikei di mbus tungwatu dihyeisi hagom ingonti.

IBRANI 6:8

Noro gino mun mup kin minta di tigot bibor hei eisi ne dihyei dima kinei drek dip ba, Allah misigion leu api hum miyem hagom bingwig.