NITRITI 3:15 - ALLAH NIHYET MEM TUNGWATU NYA

¹⁵ Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

NITRITI 3:15 ပူးပေါင်းရင်းမြစ်များ

NITRITI 49:17

Nani ne wou di tindei ser simpak ninghas him cem wou piet di tindei kep puig nitta rin ba, ham kuda nikien bibindei ba, no di gwam dip hampiet leu kuda ninghim.

MAZMUR 132:11

Apreu ei mem noni tug hon neheng tu. Ba, angkwei leu nipreu eisi dima bu au. Nipreu eisi dima pai “Midikon apmot gom nok nibou ndig ba, noni miya luei ahoti ba, ninyeng mitak kep mben Israel.

YESAYA 53:12

Noni kes niyaisi bihigom ei bitug ndei hukum ba, ninyeng tibim kin yo di imbuk bibor nya inyeng. Noni biang yo di imang bibor ide sisar bingat nadi leu binhyepo igyai nikos ser sisarti. Gima rino midinjei nide limwa nya imang bibor mikuisi bak noni ba, noni miyai hanjop nsi bit yo di inyeng jei nya.”

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YEREMIA 31:22

Je di jingon gom tut Da bi e, jihig jingon eisi kikau buug ei apig bu i? Dipai tes mun di nijep-jau bu ei dihyeisi dini tu. Mun dima rino no di pinai gwam coi no di sop.”

DANIEL 9:26

Tirigi nijam dima ug hon nohonti ne no di Allah ta mem gima bie tut yok bon mun tunggwei hi bi lo, noni tug ndei nimai. Nibou ndig di sindem bibor gom de tentara ikon pran bit mben Yerusalem bibindei timek yok bitut itimiesi kin tuhan De Ig hagom bitimek bingwig. Nijam dima nohonti cut igkep yok dem kep nok minyei di su di biam tut pran kin mun di binggek yok bingwig di Allah tin ei mem yok.

AMOS 9:3

Mbro nok gino iku yo nyahan ei Nungug Karmel nimbigdip anai bibor lo, midinggok ser yok bidikat yok. Mbro nok gino iku yo nyahan ei muk jou lo, midicuk naga di bong muk ngeisi ba, ham yok.

MIKHA 5:3

Mpe dino no di ninyeng jei dima kwei krau ne ninyeng mitak kep nide limwa nya tug hon nisindemti kin mimbri di kui ningkek di kwei leu tuhan di nide Allah Nongkom. Nide limwa nya ingon mijo nyahan lewo tungwatu dihyeisi dini hagom mikuk yok bak Nide ninyeng jeisi.

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

MATIUS 1:25

Noro igyem njita tut yam bi kikau bibou Maria srek tut nipmot ug e. Tirigi noni srek tut nipmot lene Yusuf jem ninyeng Yesus.

MATIUS 12:34

Je di jintun wou piet him e, bit bon jihyet di kei tibim kwei leu jingon di rom him kan bi. Lewo nihyet di tibim ei tungwatu nya yuhui him hagom kwei leu mun di ingon mpung tut.

MATIUS 13:38

Miai ngoi ne dihyeisi dini ri. Gandum nitu ne yo di icoi bit Allah Ninyeng Tak Kepti ri. Gandum sisron ne Bilis de limwa nya ri.

MATIUS 23:33

Jinok wou nya bijintun wou piet nya him! Notou jingwes ngun leu hukum di micut igkep je ei hum njengti i?

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

MARKUS 16:18

Gino ikrau wou piet ba, ipinde mun di pijuk di bindei di imai cem lene yoni mitug midut bi. Gino ikes inda ei yo di inggwen nya dip lene yo dima mikei hanyen.”

LUKAS 1:76

He mot de ndia ug o! Mijem anyeng Allah Di Ninyeng Jei de nabi. Noni pinak nani bibie kwei mem Tuhan leu binhyepo atin puig mem Noni ba,

LUKAS 10:19

Jimiap e, diyai nisindemti bije leu binhyepo jico kep wou kin amai nggre nya ba, jibindei timek jide Siceu nide nisindemti hagom ba, bit bon mun nyeng hi yai nibok bije kan bi.

LUKAS 22:53

Dingat rin bit je ei Tuhan De Ig bikwop njap-njap lo, jikat Da bi. Noro jam dini bon nituti mem jikinei sut Da lene jam dino no di ninyeng tak kep nidinditi krau kep nisindemti cem.”

LUKAS 24:27

Lene Noni pai mingat tut Allah Nihyet di pai sut Nonti hagom brei biyok bikinyon ei Musa de srat nya kin nabi nya ide srat nyati.

YOHANES 8:44

Bilis ne jicig rin ba, jiyai midyai bit leu jicig ningon kanti. Noni ne nihwen mun cig rin habiei leu nimbie him. Noni tti kin Allah nihyet di nijit-jau bi sren lewo nijit-jausi ninyeng gom jo ei ningonti bi. Tirigi noni ris kep tungwatu nya lene gima yai bram nonti niyai kepti lewo noni ne niris kep mun cig kin nibousi mem niris yamti hagom ri.

KISAH 13:10

bipai binoni “He na di antun Bilis him e, atte tut mun di kei nya hagom ba, nani ne nicom biei mpup ris tungwatu nya cig ri. Nggon rino anggek tut Allah nikos tutti mem gima teu tungwatu leu sisar biyai niyaijo nijep biyok kikau ba, akes hon kan bi i?

ROMA 16:20

Jei bi lene Allah di bindei ba, jibong kei jigwam kei mico kep Bilis binem-nnai ei bijehei jimig jou tug hon nisindemti di Noni yai bije. Handei kon ba, ide Tuhan Yesus Kristus mikum ei nisingat tut jeti!

ROMA 3:13

Ikibou bei mbrai noyam kin jui dip di mpiei bibindei nimai. Iris igkeisi noyam kin irai di silipti yuhui ngkek ba, ighyet di bindei nimai tibim leu yuhui him noyam kin wou piet naham tungwatu nyati ba,

GALATIA 4:4

Lene nok gima kikau bibou tto bou dem mem Allah cuk Nipmot kwei ei dihyeisi dini tug hon no di sop ug e. Ba, Puig Yahudi niggai serti ttei nibou nok nibou di kos tut Noni.

EFESUS 4:8

Allah nihyet pai a, Tirigi Noni kui ug ei ginyo kug ne Noni buwak yo di isima nya imang bibor bibit Noni leu api njei nisindemti nya bak tungwatu nya.

KOLOSE 2:15

Kristus ba Nide biei salip bibindei ba, ninnei nya di inyeng tak kep mpia-bbed him kin dihyeisi dini isindem bu bi. Noni bimangkrei yok bindo yok brei ba, ittei yam kui-juk nyen nok nimpung di isima drek dip Kristus nibindei cut yokti.

IBRANI 2:18

Noni yai ninghuisi di wei tug hon mun di bingon Noni. Gima rino Noni sindem mem gima hati tut yo di icut ei mun di bingon yokti kin ninghuisi weiti.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

YOHANES GI NIGOM 3:10

Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.

YOHANES GI NIGOM 3:8

No di bon sisar ninyen jem niceu bit Bilis lewo Bilis bon sisar ninyen habiei leu nimbie him kikau kwei bipek ammani kep. Gima rino Allah Nipmot kwei ei dihyeisi dini leu binhyepo nggek tut Bilis de midyai nya.

YOHANES GI NIGOM 5:5

Tou ribindei cut mun di ntun dihyeisi dini him i? No di ningon jo kep bipia Yesus ne Allah Nipmot rin a.

NINGAT-HI-NGAT NYA 12:17

Naga gga no di sop nindig bibor leu api ug kon pran bit yo di nindigsi di intun sop him. Yo dini ne yo di ibit Allah niggai serti nya cem ingon gom tut Yesus niyai munti kin ningginausi nya ri.

NINGAT-HI-NGAT NYA 13:7

Leu api hi sindui sut ba, mindhe njei bikon pran bit Allah de limwa nya bibindei cut yok biyai ninyeng di tak kep keret nya kin mben nya kin nihyet nya kin minu nya hagom.

NINGAT-HI-NGAT NYA 2:10

Ma jittin tut ninghuisi wei di jei bi mijiyai au. Jimiap e, Bilis bingon je bibindei ba, tungwatu nya mikat je bijisima ei ig bui nsi leu api jiyai ninghuisi wei kikau ug ei njap simnai. Mbro nok gino ibindei bijimai lo, suar jingon gom tut Da leu api midiyai niyaijo nijep di jo kikau nok munkwas bije drek dip jide nibindei cut yokti.

NINGAT-HI-NGAT NYA 20:10

No dima com Bilis di ris bak tungwatu nya yahagom ei muk hum belerang di cig-caiti. Mindhe di niten-pos kin nabi nitrowai itug ndei hukum ei muk hum nipou su. Yo dini mitug ndei inghuisi wei nindig bibor bikwop mmun-njap kikau buug hon nohonti bi.