NITRITI 3:1 - ALLAH NIHYET MEM TUNGWATU NYA

¹ Wou ne mindhe di ningon ki tut gi ris mun dor njiriek leu mindhe-ndhe nindigsi di tuhan Allah pai tes nya hagom. Leu api wou hig singgre ser no di sop bipai “Mpaba Allah cuon ser je bipia harin dima jipuk biei ngat hagom ei miaisi dini ba, jiyem a. Noni pai nok e?”

NITRITI 3:1 ပူးပေါင်းရင်းမြစ်များ

NIBA NINGON SRIP HUKTI 4:10

Gino hi cut lene nisut mpu no. Noro gino tungwagom ngat leu api cut ne gima buhun mem noni. Lewo hi dima mpu noni bi.

YESAYA 27:1

Mpe dima lene tuhan miba nide singau simeda di sindem di ninggwenti nggres kei bikes hukum ei mindhe Lewiatan di srei di nghau-nghau nyen dima dip ba, yai nimai bak mindhe naga di bong muk ngeisi cem.

MATIUS 10:16

“Jimiap e, dicuk je nok domba nya ug ei nsien di niten-pos nya ikieti. Suar jingon sok kep jenti noyam kin wou nya noro ma jingon jo nyahan noyam kin hakimoi nya.

MATIUS 4:3

Lene Bilis kwei pai biNoni “Gino Nani ne Allah Nipmot rin lene ma abindei tig dini yok nok roti.”

MATIUS 4:6

Bilis cuk Noni “Gino Nani ne Allah Nipmot rin lene ma anjei Nanti leu nanaisi dini ug ei dihyeisi mu. Lewo Allah Nihyet pai, ‘Allah micuk Nide malaikati nya leu binhyepo inyohou Na bisu inda biteu Na ba, angwes ngun leu gima amig ndei tigya.’ ”

MATIUS 4:9

Lene pai bak “Gino akuk Na ei dimig him ba, anggei sut da lene midinjei mun dima yok hagom bak Nani.”

KORINTUS GI NICAN 11:14

Ma jinga leu tut yok au! Lewo Bilis cem sindem mem gima luei nitta bindo nonti nok malaikat nipigati.

KORINTUS GI NICAN 11:3

Noro dikrau dingon tut je leu ma hi muhum jinsi leu ba, jingon gom tut Kristus bu bi. Gima noyam kin mun di cut igkep Hawa mpe di wou di ningon mang hum ninsi ba, ris noni.

PETRUS GI NIGOM 3:7

Nok gima cem je di pinai nya e, ma jiba jingon bisrip huk bipia jitnem bat nya ne pung di isindem bi nya ri. Ma jibibon yok nok gi igbit lewo jeni kin yoni mijiyai niyaijo nijep di jo kikau tug hon Allah nisingat tut jeti. Ma jibit dicukti dini leu binhyepo tirigi jingat nadi lene mun nyeng hi sigi ser jingonti bi.

NINGAT-HI-NGAT NYA 12:15

Leu api naga hap niji leu minyei nindig bibor di biam leu nuhui bram no di sop leu binhyepo hwen noni.

NINGAT-HI-NGAT NYA 12:9

Yoni injei naga di nindig bibor tut nide malaikati nya ug ei dihyeisi mu. Naga ne wou di ningat rin ei nimbie him di ninyeng Bilis kin Ninnei Di Sibut ri. Noni rino ris bak tungwatu dihyeisi dini yahagom.

NINGAT-HI-NGAT NYA 20:2

Lene Noni kat naga dino wou di ningat rin ei nimbie him di ninyeng Bilis kin Ninnei Di Sibut cem lene ba lante biteu noni mem ari bingwam sribu gom.