NITRITI 28:4 - ALLAH NIHYET MEM TUNGWATU NYA

⁴ Nna ba Allah njei mun di kei bak nani kin ade nintun him yamti di bram yam nya bit leu nok Noni njei mun di kei bak Abraham! Nna ba anyeng tak kep minu di abong ser dini di Allah pek bak Abraham nipou su!”

NITRITI 28:4 ပူးပေါင်းရင်းမြစ်များ

NITRITI 12:7

Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.

NITRITI 15:8

Lene Abram buhup “tuhan Di Ninyeng Jei Bibor e, notou midikan tut bipia diba dakep minu dini hagom i?”

NITRITI 27:33

Lene Ishak ninghuisi mpig sut nindig bibor bihig ser noni “Tou ribui mikwau bibam kwei bida aponi pini i? Diyem nide mikwau hammi tirigi atausi dini bidinjei mun di kei nya hagom bak noni bihigom tu lene bit bon ditug gima hanyen kwei leu noni kan bi.”

NITRITI 37:1

Mpe dima lene Yakub tot mpia hak ei nicig nitimieisi ei minu Kanaan.

NIBOHON MBEN ISRAEL GI NIGOM 29:15

tuhan e, akan tut bipia nidat nidigup bat-nidigai bat nyati lene nimbut kak puig dihyeisi dini noyam kin yo di sindi ikwei ei minu dini ba, ninok ngkiai nya cem. Nyeni niyaijo ei dihyeisi dini noyam kin mun ningwes hi di pren hanyen hak. Bit bon ningwes ngun leu nimai kan bi.

MAZMUR 39:12

Akes hukum ei tungwatu nya dip drek dip itunggweisi nya ba, ambas yok drek dip. Ba, abindei sar mun di bon ninyeng mem yok noyam kin cipo nibindei sarti. Ningat ne tungwatu nya idem kep ninnei di tau nuhwap nsi he.

MAZMUR 72:17

Abindei ba, tungwatu nya ingon prion ser nibou ndig ninyeng bi sren. Lene nikei-kau-keisi kum eisi kikau mem nijam di mpia njap com nimig. Ma abindei ba, ngkiai nya yahara Allah leu binhyepo Noni minjei mun di kei bak yoni bit leu nok Noni njei mun di kei bak nibou ndig ba, yo dima yahagom ingat nadi tindei ningon llei biborti mem noni.

NEHEI LEUSI 6:4

Dimiap kep mben Israel ighyet tirigi ilua biDa drek dip mben Mesir di iba isibut bico kep yok leu api diyok ngon kep mun di dipreu ei mem yok tu.

GALATIA 3:14

Kristus niyai munti dima bindei ba, mun di kei di Allah preu ei mem Abraham kwei pek kep mem ngkiai nya cem. Tug hon nisinati dima lene nye di iba ingon com Allah igyai Ninnei di Noni preu ei mem nye.

GALATIA 3:8

Allah nihyet tri tut mun di mipek kep ei niabiati bu bipia Allah miyai ngkiai nya ingon kwes kin Noni tug hon ide niba ningon com Noti. Gima rino Allah nihyet mbot kep tut Nihyet Di Kei bak Abraham “Tungwatu dihyeisi dini hagom migyai gi kei tug hon nani.”

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.