NITRITI 28:3 - ALLAH NIHYET MEM TUNGWATU NYA

³ Nna ba Allah Di Sindem Bibor njei mun di kei bak nani tirigi awak atnem leu api bindei ba, amunggwom bat nya imang bibor intun nani him leu binhyepo anok pung di mben mang bibor intun him!

NITRITI 28:3 ပူးပေါင်းရင်းမြစ်များ

NITRITI 1:28

Lene Noni njei mun di kei bak yoni bipai “Ma jiyai jimunggwom bat nya imang bibor leu binhyepo jide nintun him yamti di bram yam nya midigek kep mpia bikieng kep dihyei nisurti-nipekti binyohou hagom. Dita jeni bijinyeng tak kep wau nya kin ha nya kin mindhe-ndhe di ibong bigbehei nya hagom.

NITRITI 13:16

Midibindei ba, ade nintun him yamti di bram yam nya mporo midigek kep mpia. Ningat ne bit bon tungwatu nya ikwop dihyei ndung nimangti kan bi. Bit bon ikwop yo di intun nani him imangti kan bi.

NITRITI 17:20

Dimiap ahyet tirigi ahara Da tut Ismael tu. Mporo midinjei mun di kei bak noni leu api noni bon nimunggwom bat nya ba, nide nintun him yamti di bram yam nya idigek kep mpia. Noni minok pung di minir nya ibou simnaibrimigcan intun him. Midibindei ba, nide mben idigek kep mpia.

NITRITI 24:60

Lene nikijam kin nipmem ipigo noni bipai binoni “Nnaba ade nintun him yamti di bram yam nya imangti ibou juta mang bibor o! Nnaba igya kep bihwen ide siceu nya ba, itimek leu itimieisi o!”

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 26:4

Midibindei ba, ade nintun him yamti di bram yam nya imangti dem ham mpia-bbed him. Lene midikes minu dini titut yam biyok ba, hagom minok ide minu ninda rom. Mben dihyeisi dini hagom mporo mijoi sut mem gima dinjei mun di kei bak yoni bit leu nok dinjei mun di kei bak yo di intun nani him.

NITRITI 27:33

Lene Ishak ninghuisi mpig sut nindig bibor bihig ser noni “Tou ribui mikwau bibam kwei bida aponi pini i? Diyem nide mikwau hammi tirigi atausi dini bidinjei mun di kei nya hagom bak noni bihigom tu lene bit bon ditug gima hanyen kwei leu noni kan bi.”

NITRITI 35:11

Lene Allah pai binoni “Dani ne Allah Di Sindem Bibor ri. Suar abon yo di intun nani him imang bibor! Ei nidipti bu lene keret nya mintun nani him ba, anok pung di nibou ndig nya cem intun him.

NITRITI 41:52

Lene noni pai bu “Allah yai simunggwom bat nya bisa ei minu di sisima hukum mikuisi eisi dini tu.” Gima rino jem nipmot ndrim ninyeng Efraim.

NITRITI 43:14

Nna ba Allah Di Sindem Bibor mipingok nibou mben Mesir dima ningonti leu binhyepo ngondut je bikes Simeon kin Benyamin hanyen bije. Noro tut danti ne gino suar dimunggwom bat nya ipror leu da lene minggon ndei?”

NITRITI 48:3

Lene pai bak Yusuf “Allah Di Sindem Bibor tau kep da ei Lus ei minu Kanaan binjei mun di kei bak dani.

NITRITI 48:4

Lene Noni preu ei mem da bipia Noni mibindei ba, ditde nintun him yamti di bram yam nya idigek kep mpia apino inok pung di keret nya imang bibor intun him. Lene Noni mipek minu dima hagom bida kin ditde nintun him yamti di bram yam nya bijo ninno.

NITRITI 49:25

Acig de Allah hati tut nani ba, Allah Di Sindem Bibor njei mun di kei bak nani. Mun di kei dima rinok biget di but kwei leu mpia-bbed him kin minyei di biam kwei leu dihyei jou kin munggwom imang bibor di intun nani him kin sapi nya,

NITRITI 9:1

Lene Allah njei mun di kei bak Nuh kin nipmot bat nya bipai biyok “Ma jibon jimunggwom bat nya imang bibor leu binhyepo jide ni ntun him yamti di bram yam nya midigek kep dihyei nisurti-nipekti hagom.

MAZMUR 127:1

Salomo de doia nikui ug ei Mbigdip Sion Gino tuhan win ig bi ne tukan di ingot nya iwin ig mikui-kausi. Gino tuhan ya srak ko hagau minu ndig bi ne tentara di igya ser minu ndig nya igya ser mikui-kausi.

MAZMUR 127:3

Munggwom nya di Allah yai binye ne munkwas di kwei leu Noni ri. Ibindei ba, nyeni ingon nggei-hi-nggei.

NEHEI LEUSI 1:7

Noro yo di intun yoni him inyeng rino mben Israel ba, idigek kep mpia bibon imunggwom bat nya imang ndig ba, ide nintun him yamti di bram yam nya ikieng kep minu Mesir nisurti-nipekti hagom.

NEHEI LEUSI 6:3

Mpe dima lene dipreu ei mem yok bipia ei nidipti bu lene mporo midiyai minu Kanaan po nipou yo igyaijo eisi nok ingkiaisi pima biyok nok ide minu ninda rom.

KORINTUS GI NICAN 6:18

Dibibon Danti bidinok Jicigya lene jibibon jenti bijinok dipmot bat kin dipmisop bat nya. Gini ne Allah di Sindem Bibor nipreu kep nyeti ri.”

NINGAT-HI-NGAT NYA 21:22

Leu api dingat lo, Allah De Ig hi jo ei minu ndig dima bi. Lewo Allah Di Sindem Bibor kin Domba Pmot yonti ne Allah De Ig ri.

SRAT RUT 2:4

Jei bi lene Boas nonti kwei leu Betlehem ba, ngig niyai kep nide awak nya bipigo yok bipai “Handei kon ba, tuhan sindem tut je.” Lene yo dima ipigo noni bipai “Handei kon ba, tuhan njei mun di kei bak na di Andigpoi.”