NITRITI 28:20 - ALLAH NIHYET MEM TUNGWATU NYA

²⁰ Lene noni heng bipai “Gino na di tuhan anyohou da ba, aya ser da kak dimbutti dini ba, ayai njita kin sinsun hi bida,

NITRITI 28:20 ပူးပေါင်းရင်းမြစ်များ

NITRITI 28:15

Amiap e, midingat rin bit na kikau bidem ambutti nya hagom ba, dinyohou na. Lene mporo midibuwak na hanyen kwei ei atimieisi dini. Midimbres Da leu na bi sren. Midibindei ba, mun di dipreu kep na tut nya hagom mipek kep mem na.”

NITRITI 31:13

Dani ne Allah po tau kep na ei Betel tirigi po atas tig gom pijum nok tig nibiyok ngon kep leu api attin ampou tut mini zaitun ba, asiber ei dip ba, apreu ei mem Dani ei sirima cem pima ri. Ma atin ei ba, angkwei hanyen ug ei atimieisi.’ ”

NITRITI 35:3

Lewo nyeni imbut rin bingkwei hanyen ug ei minu ndig Betel ba, ei sirima mididingug tig binok nimbar hum dok mem Allah di nyohou da mpe di po mun di buhun cut igkep da pima. Noni ningat rin bit da kikau bidem dimbutti nya hagom.”

SAMUEL GI NICAN 15:8

Tirigi dibong ei Gesur ei hanjop Siria pima lene dipreu ei mem tuhan bipia gino Noni sindui sut ba, dingkwei hanyen ei minu ndig Yerusalem lene midikuk da bak bidinggei sut Noni ei Hebron.”

NIBOHON MBEN ISRAEL GI NIGOM 4:10

Mpe di gom ne Yabes ngat nadi bak mben Israel ide Allah bipai “Allah e, handei kon ba, anjei mun di kei bak dani lene abindei ba, ditde dihyei hanjop nsi bres binindig bibor bu cem. Anyohou da ba, mun di buhun jo minu ting leu da leu binhyepo diyai dinghuisi wei drek dip bi.” Leu api Allah buhup bak bit leu naharati dima.

MAZMUR 116:14

Midiyai mun di dipreu ei mem Noni ei Nide limwa nya yahagom yoho bei.

MAZMUR 116:18

Midiyai mun di dipreu sut ei bak tuhan ei nide limwa nya yahagom yoho bei,

MAZMUR 119:106

Midiyai igbit Ade nipingok dati di sren kei nya bit leu nok dipreu ei mem Na tug hon neheng.

MAZMUR 132:2

tuhan e, ma ayok ngon kep mun di noni preu ei mem Na di Yakub de Allah Di Sindem Bibor tug hon neheng.

MAZMUR 22:25

Allah ningwes pri gau yo di yuhui mbum nya biningkek ndok tut mun di buhun tak yok lene ba ningha bak yoni cem bi. Noro tirigi yahara Noni lene Noni buhup ighyet.

MAZMUR 56:12

Diba dingon com Noni apino digittin tut tungwatu nya bi. Lewo isindem mem ibibon da kinei kan bi.

MAZMUR 61:5

Asindui sut ba, digwam bit Na ei Ade prak meng bijo kikau mem nijam di diyaijo ei dihyeisi dini bidigwam coi anyehei behei.

MAZMUR 61:8

Dijoi sut gima ninyeng tak kep limwa nya bijo ninno-bijo kikau ba, noni nok Ade nibou ndig di adimig ei su. Aba angon ngakeisi kin angon gomti binyohou noni.

MAZMUR 66:13

Midijem mindhe mem midut nindig mindhe titut ei humti kwei ei Ade Ig ba, dibiyai mun bipek kep mun di dipreu ei mem Na nipou su.

MAZMUR 76:11

Ade siceu nya di imbuk bibor di ingwes ngun leu agga biborti nya minggei sut Nani lo, nigga kep mun cig nya iba sinsun kron bijuk yok drek dip ingon nggukti.

YESAYA 19:21

tuhan mindo Nonti bak mben Mesir leu api yoni miba ingon com Noni bikuk yok bak. Ba, ibijem mindhe-ndhe mem midut di ibon ei nimbar hum dokti kwei ba, ibittei munkwas cem binjei bak. Yoni miba neheng bipreu ei mem Noni ba, igyai bipek kep mun di ipreu ei mem Noni dima.

YOHANES 1:16

Nihyet dima nisingat tut nyeti bindei ba, Noni njei mun di kei binye sindam buug hon nohonti bi.

KISAH 18:18

Gima ngwig lene Paulus bong ei minu ndig Korintus mem bed poi. Leu api noni kes yo di ingon jo kep nya leu lene bri kibar minyei bit Priskila kin Akwila nya biba kibar bitot minyei ngwa dip bingkwei hanyen ug ei hanjop Siria. Noro nipou tirigi noni bri kibar minyei ei minu mien Kengkrea bigyo lene noni kak nibou nta di bet bijei drek dip nipreu mun ei mem Allahti.

TIMOTIUS GI NIGOM 6:8

Gima rino mun di jo mem nye nok njita di igyem kin sinsun di ijuk lene gima dem.

SAMUEL GI NIGOM 1:11

Lene noni preu ei bipai “tuhan Di Sindem Bibor e, ma ayok ngon kep da lewo dinok Ade awak ri! Ma angig ayai kep dingon di buhun biborti. Ma angon prion ser da ba, akes da ei au. Gino ayai dipmot gom bida lene mididimig noni ei mem Na kikau ug bipek niyaijo ningwig honti. Lene dipreu ei mem Na bipia midikos nibou nta bi sren.”

SAMUEL GI NIGOM 1:28

Gima rino dikwei ba, didimig dipmot ei mem gima yai kep Tuhan de midyai nya bijem niceu bit tuhan kikau ug bipek niyaijo ningwig honti.” Hana pai nok rino yahagom ikuk yok bak tuhan ei mpia dima.

SAMUEL GI NIGOM 14:24

Njap dima ne tentara Israel yahagom inggum bibor lewo Saul cuk yok tug hon neheng bipai “No di yem njita nipou tirigi dihwen ditde siceu nya bingwig bigyo mitug ndei nisigion noti.” Gima rino nide tentara nya igyem njita hi ei njap jei dima bi.