NITRITI 28:19 - ALLAH NIHYET MEM TUNGWATU NYA

¹⁹ Lene noni jem gumihyep dima ninyeng Betel. (Ninyeng timiei rino Lus.)

NITRITI 28:19 ပူးပေါင်းရင်းမြစ်များ

NITRITI 12:8

Lene noni jo leu sirima buug ndam mpia nibiho ei cet him ei minu ndig Betel kin Ai ikieti ba, hok nide prak meng ei sirima. Betel jo ei nite bei mpia nicutti lo, Ai jo ei nite bei mpia nipriti. Noni dingug tig nindig bijo-jo yam dip bu ei sirima bingon nimbar hum dok leu api bikuk no bak tuhan.

NITRITI 28:11

Mpia jinjui su lene noni kwei krau gumihyep gom di kwes-kwau. Lene noni ug yai tig gom mem bitau bibong bas.

NITRITI 31:13

Dani ne Allah po tau kep na ei Betel tirigi po atas tig gom pijum nok tig nibiyok ngon kep leu api attin ampou tut mini zaitun ba, asiber ei dip ba, apreu ei mem Dani ei sirima cem pima ri. Ma atin ei ba, angkwei hanyen ug ei atimieisi.’ ”

NITRITI 35:1

Mpe di gom bu lene Allah pai bak Yakub “Dani ne Allah ri. Dittau kep na tirigi po anang leu akindig Esau pima. Ma angkwei hanyen ug ei minu ndig Betel ba, abong ei sirima lene ma adingug tig binok nimbar hum dok mem Da.”

NITRITI 35:14

Lene Yakub tas tig gom pijum nok tig nibiyok ngon kep ei mpia di Allah mbrap bit noni pima. Leu api noni huug ba anggur ngei kin mini zaitun ei tig dima dip bipiga ei mem Allah.

NITRITI 35:15

Leu api jem mpia dima ninyeng minu ndig Betel.

NITRITI 35:6

Lene Yakub nya yahagom ikwei krau minu ndig Lus di ninyeng hi bu minu ndig Betel ei minu Kanaan.

NITRITI 35:7

Lene Yakub dingug tig binok nimbar hum dok ei sirima bijem ninyeng “El-Betel” lewo Allah ndo Nonti brei binoni ei sirima tirigi po noni nang leu nikindig pima.

NITRITI 48:3

Lene pai bak Yusuf “Allah Di Sindem Bibor tau kep da ei Lus ei minu Kanaan binjei mun di kei bak dani.

NIBOU NDIG NYA GI NIGOM 12:29

Lene noni ta sapi nikre di ba mas bibon ningut gom ei minu ndig Betel lene ningut gom bu ei Dan.

NIBOU NDIG NYA GI NICAN 2:2

Yoni yuug ei puig sinon lene Elia kuk Elisa bipai binoni “Ma agwam nyahan ei mpia dini mem nituti poi lewo tuhan cuk da ba, duug ei minu ndig Betel ug ri.” Noro Elisa buhup “E bi! Deheng bitug hon dingon di gom tut tuhan di niyaijo cem bitug hon dingon di gom tut nani cem bidipai bipia midikes nani bihigom ei bi sren.” Gima rino yahacem ikak puig kikau ug ei minu ndig Betel.

NIBOHON MBEN ISRAEL GI NICAN 13:19

Nibou Ndig Abia nya igyon igkep Yerobeam de tentara nya ba, ihwen yok leu lene yai minu ndig gom-gom bitut minu mien di jo ttai nya cem biyati. Minu ndig dima rino Betel kin Yesana kin Efron.

HOSEA 4:15

Mbro nok gino je di mben Israel jingon gom tut Da bi lo, diyok dingon mem gima mben Yehuda ibon sisar di noyam ba, ingon mui bi. Ma jikuk je biDa ei minu ndig Gilgal kin Betel au. Ma jeheng bitug hon Da di tuhan di niyaijo dinyeng ei minu ndig dima yok au.

YOSUA 16:2

Lene jo leu minu ndig Betel ndam Lus ba, njiriek mben Arki ide minu ndig Atarot.

YOSUA 18:13

Hanjop dima nide minu niya kwas yamti mbut kikau bipek kin mboi gom ei minu ndig Lus nibiho (Lus ninyeng hi Betel) leu api juk kikau bipek kin Atarot-Adar ei nungug dip ndam Bet-Horon-Hilir.

YOSUA 8:12

Yosua cuk tentara nya ibou sribu muhwi nipou su ba, iku yonti nyahan ei minu ndig dima nite bei mpia nicutti ei minu ndig Ai kin minu ndig Betel ikieti.

NIJAM NIKEI NYA 20:26

Apino mben Israel ingkwei hanyen ug ei minu ndig Betel ba, ipim ei tuhan Noho bei. Yoni igyem njita bi kikau bimmun kep. Lene ibon midut nibiyai ningon kwes kin Allahti cem midut nindig mindhe titut kep humti cem bak tuhan ei mpia dima.

SAMUEL GI NIGOM 10:3

Samuel pai “Tirigi ambut kikau ug bipek biei nindig gom di ipigig sut ei Tabor leu api aum ibou ningai di itin ei mem ibon midut nindig mindhe bak tuhan ei minu ndig Betel. Igom mijem nide kambir nimien nya ningut ningai lene igom mittei roti nindak ningai lene igom mibiang minai tut aigmui mindhe ngkek di ba anggur ningei joti.

SAMUEL GI NIGOM 7:16

Noni mbut-mbut nyen ug ei minu ndig Betel kin Gilgal kin Mizpa bikwop ari bingwam hagom sindam bigwam nok nikei leu binhyepo mbus tungwatu nya di iba ighyet dahat yam ingonti.