NITRITI 28:17 - ALLAH NIHYET MEM TUNGWATU NYA

¹⁷ Gima rino noni digit tut ba, simbot dat “Gumihyep dini bindei ba, dinga leu nindig bibor! Gini ne Allah de ig ba, dimbou hui di bie ug ei gwamti ri!”

NITRITI 28:17 ပူးပေါင်းရင်းမြစ်များ

NITRITI 28:18

Njapti kui bu lene noni kiju mem ha yausi bitas tig di bitau pima pijum nok tig nibiyok ngon kep leu api ampou tut mini zaitun bisiber ei dip bipigig sut ei mem Allah.

NITRITI 28:22

Lene midikwas gom leu ningot gom lene gom leu ningot gom bikwop mun nyeng hagom di dinyeng tut nya leu Na di tuhan hanyen biNa. Tig nibiyok ngon kep dini minok gumihyep mem tungwatu nya ibikuk yok bak tuhan eisi.”

MAZMUR 68:35

Ma jitri tut Allah de nisindemti di nindig bibor di bitak kep Israel. Nide nisindemti kui sur mpia-bbed him.

NEHEI LEUSI 3:5

Lene Allah pai “Aya ayati hak. Akwei dideu Da au. Akwek ade srop leu amig jou lewo mpia di ayati dima kwes-kwau.

NEHEI LEUSI 3:6

Dani ne adigup bat-adigai bat di Abraham kin Ishak kin Yakub ide Allah ri.” Gima rino Musa nggai kep ser niimaisi lewo ningwes mien tut gima ngat Allah ningat bou niyai him a.

NIBA NINGON SRIP HUKTI 5:1

Ma akan-kan nyen tut ambrapti nipou ug e leu api ambrap. Ma aba angon priti bipreu ei mem Allah au. Allah Ningat rima ei gwamti lo, nani angat rin ei dihyeisi dini. Gima rino ma akan-kan nyen tut ade nipreu ei mem Noti nipou ug e.

MATIUS 17:6

Tirigi yo di igya kui Yesus imiap nihyet dima lene ittin tut nindig bibor bitti ba, iba ingwak bikik dihyei.

LUKAS 2:9

Nok rino idrui sut lo, malaikati Allah de gom tau kros biya hak ei ikieti lene Allah nikei-kausi cem piga mpia kei bibindei ba, ingwes mba.

LUKAS 8:35

Lene timiei minu dima yok induk yam kwei bingig igyai kep mun di pek kep mem no dima. Ikwei ttau kep Yesus bingat no di ninnei rom nya igya ningonti pima lo, gwam ei Yesus Noho bei. Noni juk sinsun ba, ningon tungwatu hanyen tu. Apino yoni inghuisi mpig sut nindig bibor.

TIMOTIUS GI NIGOM 3:15

leu binhyepo gino dibinyen lene srat bokti dini mipingok angonti tut notou nye di mbusyamei igyai kep ide midyai nya. Nyeni ne Allah Di Niyaijo Nide bat nya ri. Allah de mbusyamei rinok cou di sindem tut nihyet di nijit ba, nyohou nihyet dima cem.

IBRANI 10:21

No di ya hacan mem nye ne Imam Di Ninyeng Jei rin ba, ninyeng tak kep Tuhan De Igya.

PETRUS GI NIGOM 4:17

Nijam mem Allah mbus tungwatu nya ingonti dideu su. Noni mimbus Nide limwa nya ingonti bibie. Gino Noni kinyon ei nimbus ingonti bibie ne notou mem yo di ingon jo kep Allah Nihyet Di Kei bi nya i?

NINGAT-HI-NGAT NYA 1:17

Tirigi dingat Noni lene diba dingwak bikik mpia ei nimig him dem kep no di mai su. Noro Noni ba ninda com bitak da bipai bida “Attin tut au! Dani ne nimbie him kin nohon keti,

NIJAM NIKEI NYA 13:22

Gima rino Manoah pai bak nitnem “Ayo! Misitug ndei nimai lewo singat Allah bou siyai him tu!”