NITRITI 28:14 - ALLAH NIHYET MEM TUNGWATU NYA

¹⁴ Yo di intun nani him midigek kep mpia ba, imangti ningot ndig noyam kin dihyei ndung nimangti. Lene mporo yoni mikieng kep mpia ug ei nite bei mpia nicutti kin nite bei mpia nipriti kin nite bei mpia nijjai kin nite bei mpia nibiho. Ba, mben dihyeisi dini hagom mporo mitug ndei mun di kei tug hon nani kin ade nintun him yamti di bram yam nya cem.

NITRITI 28:14 ပူးပေါင်းရင်းမြစ်များ

NITRITI 12:3

Midinjei mun di kei bak yo di injei mun di kei bak nani. Noro midisigion yo di isigion nani bu. Midinjei mun di kei bak mben dihyeisi dini hagom tug hon nani.”

NITRITI 13:14

Niabiati Lot mbut tu lene tuhan pai bak Abram “Ma aya ayati leu api acap ser minu dini hagom ei nite bei mpia nipriti kikau ug ei nite bei mpia nicutti ei nite bei mpia nijjai kikau ug ei nite bei mpia nibiho.

NITRITI 13:15

Leu mporo midipek hanjop nsi di acap ser dima yok hagom bina kin ade nintun him yamti di bram yam nya cem bijo ninno bijo kikau.

NITRITI 13:16

Midibindei ba, ade nintun him yamti di bram yam nya mporo midigek kep mpia. Ningat ne bit bon tungwatu nya ikwop dihyei ndung nimangti kan bi. Bit bon ikwop yo di intun nani him imangti kan bi.

NITRITI 18:18

Nide nintun him yamti di bram yam nya mporo midigek kep mpia apino inok mben di sindem bibor bi e? Mben dihyeisi dini hagom mitug ndei mun di kei leu Dani tug hon noni bi e?

NITRITI 22:17

Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

NITRITI 22:18

Mben dihyeisi dini hagom mporo mijoi sut gima dinjei mun di kei bak yoni bit leu nok dinjei mun di kei bak ade nintun him yamti di bram yam nya drek dip gi abit Ditde nicuk nati tu pima.”

NITRITI 26:4

Midibindei ba, ade nintun him yamti di bram yam nya imangti dem ham mpia-bbed him. Lene midikes minu dini titut yam biyok ba, hagom minok ide minu ninda rom. Mben dihyeisi dini hagom mporo mijoi sut mem gima dinjei mun di kei bak yoni bit leu nok dinjei mun di kei bak yo di intun nani him.

NITRITI 32:12

Ma ayok ngon kep gi po apreu ei mem da pima bipia mporo ma anyohou dimig hagom nok gi kei mem dani lene ditde nintun him yamti di bram yam nya midigek kep mpia ba, imangti dem iggum di jo muk nipimat di bit bon tungwatu nya ikwop nimangti kan bi.”

NITRITI 48:16

Nani ne malaikati di teu da bidingwes ngun leu mun di cut igkep da hagom e, ma anyohou munggwom cin dini yok bu! Nna ba ingon prion ser dinyeng kin Abraham Ishak nya cem inyeng bi sren. Nna ba igyai imunggwom bat nya imang bibor ba, ide nintun him yamti di bram yam nya idigek kep mpia.”

NITRITI 48:19

Noro nicig kou sut bipai “Dipmot na, dikan tu dikan tu. Dwai. Manasye miyai ninyeng di jei leu api nide nintun him yamti di bram yam nya midigek kep mpia. Noro nikinjoi miyai ninyeng di jei bibor bu leu api nide nintun him yamti di bram yam nya inok pung di keret nya imang bibor intun him.”

NIBOHON MBEN ISRAEL GI NICAN 1:9

tuhan Allah e, nogindini ma ayai mun bipek kep mun di apreu sut bak dicig pima. Akon da bidikui bidigwam nok nibou ndig mem mben di nindig bibor di bit bon tungwatu nya ikwop imangti kan bi dini tu.

MAZMUR 72:17

Abindei ba, tungwatu nya ingon prion ser nibou ndig ninyeng bi sren. Lene nikei-kau-keisi kum eisi kikau mem nijam di mpia njap com nimig. Ma abindei ba, ngkiai nya yahara Allah leu binhyepo Noni minjei mun di kei bak yoni bit leu nok Noni njei mun di kei bak nibou ndig ba, yo dima yahagom ingat nadi tindei ningon llei biborti mem noni.

NEHEI LEUSI 32:13

Ayok ngon kep Ade awak di Abraham kin Ishak kin Yakub nya. Ayok ngon kep bipia apreu ei mem yok tug hon neheng bipia ide nintun him yamti di bram yam nya imangti midem ham mpia-bbed him. Lene apreu ei mem yok tut ide dihyei hanjop nsi bipia apek dihyei dima biyok leu binhyepo inyeng mitak kep hagom bijo ninno bijo kikau.”

YESAYA 54:3

Lewo ade minu mikum ei nibresti ei nite bei anda com kin anda prak. Ade limwa nya inyeng mitak kep ide dihyei ninda rom di mben hiter nya ipos leu na tu. Ba, yoni mibong kei migwam kei ei ide minu ndig nya di nogindini nok ha ngunti he pima.

MBEN ISRAEL IMBUT-MBUT NYEN 23:10

Yakub de nintun him yamti di bram yam nya idigek bibor bidem kep nok dihyei ndung di bit bon tungwatu nya ikwop nimangti kan bi. Handei kon ba, dingon sren nok yoni ingon di sren tirigi diyaijo ngwig hon. Handei kon ba, diyaijo ningwig honti noyam kin yo dima igyaijo ningwig honti.”

MATIUS 8:11

Ma jiyok ngon kep gini! Tungwatu nya imang bibor mikwei leu mpia nipriti kin mpia nicutti leu api migyem njita bit Abraham Ishak Yakub nya ei Allah Ninyeng tak Kepti.

KISAH 3:25

Disut bat jen, jipek hanjop kin jide pung di jintun him nya tut mun di Allah preu ei mem yok tug hon nabi nya. Lewo Allah pai bak Abraham ‘Midinjei mun di kei bak tungwatu dihyeisi dini yahagom tug hon yo di intun nani him.’ Nipreu eisi dima mem jeni cem.

GALATIA 3:16

Allah preu ei mem Abraham kin no di ntun noni him cem. Bit leu nok gi ipas ei Allah nihyetti “Mem yo di intun Abraham him” bi. Gi nok lene gima bitut imang bibor. Noro bit leu nok gi ipas ei Allah nihyetti “Mem No di ntun noni him.” Nipasti dima ndo tut tungwagom he ba, No dima ne Kristus ri.

GALATIA 3:8

Allah nihyet tri tut mun di mipek kep ei niabiati bu bipia Allah miyai ngkiai nya ingon kwes kin Noni tug hon ide niba ningon com Noti. Gima rino Allah nihyet mbot kep tut Nihyet Di Kei bak Abraham “Tungwatu dihyeisi dini hagom migyai gi kei tug hon nani.”

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

NINDAT KEP TUHAN NICUKTI NYA 12:20

Tirigi tuhan di nok jide Allah binut jide hanjop ba, nindig bibor bu ei minu di Noni preu ei mem je lene Noni sindui sut gima jiyem mikwau bit leu jingon kanti.

NINDAT KEP TUHAN NICUKTI NYA 13:17

Ma jiyok ndigban nisigion nya dima mem jenti njem au. Noro suar jibindei sar mun dima yok hagom bingwig hak. Apino tuhan nigga biborti mikes hon leu api Noni mindo nisingat tut jeti hanyen bije. Ningon nggriu sut jeti mibindei ba, jimang ndig bibor bit leu nok gi po Noni preu ei mem jidigup bat-jidigai bat nya pima.

NINGAT-HI-NGAT NYA 7:4

Leu api dimiap tut bipia yo di igyai Allah de nitak buk ei ingwakti nya imangti ibou sribu sratus gom ningot bitai ba, bitai yahagom intun mben Israel ide keret simnaibrimigcan him.

NINGAT-HI-NGAT NYA 7:9

Gima ngwig leu lene dingat tungwatu ningot ndig krop di idem yam ei ba, bit bon hi kwop imangti kan bi. Yo dini ikwei leu keret nya kin minu nya kin nihyet nya kin mben nya hagom. Ijuk sinsun ndok di jei di tiei kei bikrau dui meng ei indati ba, yahagom igya keyam ei banggo mbrei nuhui bitou kep Domba Pmot Noho bei nggilun.