NITRITI 28:10 - ALLAH NIHYET MEM TUNGWATU NYA

¹⁰ Lene Yakub jo leu Bersyeba buug ei minu Haran.

NITRITI 28:10 ပူးပေါင်းရင်းမြစ်များ

NITRITI 11:31

Mpe dima lene Terah hei sut nipmot Abram kin nignyon Lot di Haran nipmot kin Abram nitnem di Sarai leu api ijo leu minu ndig Ur ei minu Babilonia bihigom ba, yuug ei minu Kanaan. Tirigi ikwei krau puig sinon ei minu Haran lene ibong hak ei sirima.

NITRITI 12:4

Tirigi Abram de njap ug ei ari bingwam ningot muhwindacan ba, muhwi lene noni jo leu minu Haran bit leu nok tuhan nicuk noti lene Lot cem bit.

NITRITI 12:5

Noni buwak nitnem Sarai kin nikinjoi nipmot Lot bitut nide ndigban kin awak nya di noni nyeng tut ei minu Haran ba, hei sut yok biyuug ei minu Kanaan. Niabiati yahagom yuug krau minu Kanaan tu lene,

NITRITI 26:23

Mpe hi bu lene noni mbut buug ei Bersyeba.

NITRITI 27:43

Gima rino ma ace tut ba, abit dingon kanti gom dini. Akiju ba, anang ndam dikijam Laban ei minu Haran ug.

NITRITI 29:4

Lene Yakub hig ser gembala nya di ikwei ya-ya nyen nya “Disut bat jen, jibong ei hantou i?” Lene ibuhup “Nibong ei minu Haran.”

NITRITI 32:10

Dani ne dem mem gima angondut da ba, angon gom tut da rin bi. Dinok awak mem Nani he. Tirigi po disigon Yordan pima lene dittei ditde tom he. Noro njap di ammani lene dikwei hanyen tut ditde limwa nya nimpung can.

NITRITI 35:1

Mpe di gom bu lene Allah pai bak Yakub “Dani ne Allah ri. Dittau kep na tirigi po anang leu akindig Esau pima. Ma angkwei hanyen ug ei minu ndig Betel ba, abong ei sirima lene ma adingug tig binok nimbar hum dok mem Da.”

NITRITI 35:7

Lene Yakub dingug tig binok nimbar hum dok ei sirima bijem ninyeng “El-Betel” lewo Allah ndo Nonti brei binoni ei sirima tirigi po noni nang leu nikindig pima.

NITRITI 46:1

Lene Yakub nyohou dimig nide ndigban hagom buug sut ug ei Bersyeba leu api bui mindhe-ndhe nya bindig kep hum ei nimbar hum dokti bak Allah di nicig Ishak kuk no bak.

NEHEI LEUSI 33:1

Lene tuhan pai bak Musa “Suar nani kin yo di abuwak yok kwei leu minu Mesir pima jahagom jimbut leu mpia dini bijimbut kikau ug ei minu di dipreu ei mem Abraham kin Ishak kin Yakub kin ide nintun him yamti di bram yam nya tu.

HOSEA 12:12

Mbro nok gima lo, bihi no ikuk yok bak kwar nya ei hanjop Gilead noro yoni mitug ndei nimai. Bihi ibon midut nindig sapi nikre ei nimbar hum dokti ei minu ndig Gilgal cem noro siceu nya minggek nimbar hum dok ngot di jo ei minu dima binok tig di jo-jo yam dip ei ngoi dumti.”

KISAH 25:13

Bed poi ser lene Nibou Ndig Agripa kin Bernike ikwei ei minu ndig Kaisaria leu binhyepo igya um Festus.

KISAH 7:2

Stefanus buhup “Disut bat kin dicig bat jen, ma jingig jitingou mem dihyet! Nipou tirigi ide pung di intun him di Abraham bong ei nitimieisi ei minu Mesopotamia bikwei bong ei minu ndig Haran bigyo lene Allah di kei-kau-kei ndo Nonti brei binoni,