NITRITI 27:40 - ALLAH NIHYET MEM TUNGWATU NYA

⁴⁰ Mporo ayaijo tug hon ade simeda lene dibindei ba, hon kep ammani kui anok awak mem akinjoi. Noro mpe di gom bu tirigi aham ambuk kep noni lene mporo angwes ngun leu api Yakub ninyeng mitak kep na bu bi.”

NITRITI 27:40 ပူးပေါင်းရင်းမြစ်များ

NITRITI 25:23

Lene tuhan buhup “Atta buhun tut pung di intun him ningat can rin ba, mporo agwam tut munggwom nggre di inok pung di keret can di iba nitok biyam intun him. Keret gom misindem dor njiriek keret gom ba, munggwom mighumbou nok awak mem nikinjoi.”

NITRITI 27:29

Nna ba mben nya hagom ibon yonti nok awak mem na bibit ahyet. Nna ba anyeng tak kep ade bat nya yahagom leu binhyepo yo di intun apmem him yahagom ikuk yok ei amig him. Nna ba yo di isigion na yahagom itug ndei nisigionti hanyen ba, yo di ingon kei sut na lene yoni cem mitug ndei mun di kei bu.”

NITRITI 32:6

Tirigi yuug ngat Esau leu ba, ingkwei hanyen tu lene ipai bak Yakub “Nuug ngat akindig Esau tu ba, noni sindi hei sut nide limwa nya ibou sratus bitai bikwei um na.”

NITRITI 33:9

Noro Esau buhup “Dikinjoi na e, mun di dinyeng tut nya dem mem da tu. Mun di anyeng tut nya jo bina hak ug.”

SAMUEL GI NICAN 8:14

Daud hok prak meng yati di nok tentara nibousi di igya coi nya bidem Edom nisurti-nipekti leu api ninyeng tak kep mben Edom yahagom. tuhan bindei ba, Daud bindei timek nide siceu nya mem nituti di noni ug kon pran bit yok hagom.

NIBOU NDIG NYA GI NICAN 14:10

Na di Amazia e, abindei timek mben Edom tu apino angon jei sut ayaisi dima. Gino abindei timek siceu lene gima dem bi e? Handei kon ba, agwam hak ei ig bei! Apriet kin munhyet di mibindei ba, mun di buhun micut igkep nanti kin ade limwa nya hanyen mem mindei i?”

NIBOU NDIG NYA GI NICAN 14:7

Mpe di gom tirigi Amazia kon pran lene noni yai nimai bak mben Edom ide tentara ngat nya ibou sribu simnai ei Mbang Briep Nsim leu api yai minu ndig Sela biyati. Noni jem minu ndig dima ninyeng Yokteel ba, ninyeng dima jo nok kikau kwei bipek ammani kep.

NIBOHON MBEN ISRAEL GI NICAN 21:10

Hon kep njap dima kwei lene nibou ndig mben Edom nya ibou cut bak nibou ndig timiei Yehuda nya bu bi. Ei nijam dima ne timiei minu ndig Libna cem yaham imbuk kep nibou ndig timiei Yehuda nya. Mun di buhun dini hagom cut igkep Yehoram lewo ba ninghim bak tuhan Allah di nidigup bat-nidigai bat nya ikuk yok bak.

NIBOHON MBEN ISRAEL GI NICAN 21:8

Tirigi nijam di Yehoram ninyeng tak kep dima lene mben Edom yaham imbuk kep minu Yehuda leu api ta nide ninyeng tak kepti ba, ya binonti.

MAZMUR 60:8

Allah nihyet tibim kwei leu nigwamti di kwes bipai “Dimbos-hi-mbos kep minu ndig Sikhem di dikwas kukiau. Midiko bidibinggok tut nikwas Mbang Briep Sukot kukiausi cem.

MATIUS 10:34

“Ma jikan bipia dikweisi bindei ba, tungwatu nya ibong kei igwam kei au. Dibindei nok gima bi noro dibindei ba, iba nitok biyam.