NITRITI 26:31 - ALLAH NIHYET MEM TUNGWATU NYA

³¹ Njap bigyoti lene ipreu mun ei bit yam bikwam minggwen ser leu api Ishak pigo yok. Lene iba ingon di kwes kin yam bikwas yam.

NITRITI 26:31 ပူးပေါင်းရင်းမြစ်များ

IBRANI 6:16

Gino tungwagom heng bak yo di hiter lene noni heng bitug hon no di ninyeng jei njiriek noni ninyeng. Mun di noni ba neheng bipreu ei dima ngkiem-kiau ba, bit bon hi nggek tut kan bi.

SAMUEL GI NIGOM 30:15

Daud hig ser noni “Ace tut gima abuwak da ug ei mpia di yo di isibut dima ibongti e?” Lene munggwom dima buhup “Gino na di Andigpoi apreu ei mem da tug hon tuhan ninyeng bipia akes hukum nimai ei da dip ba, akes da bak diceu hanyen bi lene midiyai igbit angon kanti.”

NITRITI 31:44

Gima rino nna ba sipreu mun ei bit yam leu api sidingug tig bijo-jo yam dip nok tig nibiyok ngon kep side nipreu mun ei biyamti dini.”

NITRITI 25:33

Noro Yakub pai binoni “Suar aheng bida tut gima nipou ug e.” Apino Esau heng bak Yakub bibitri mun di ninyeng tut tug hon gi nok munggwom mighumbou bak.

SAMUEL GI NIGOM 20:3

Noro Daud buhup “Acig kan bipia singon ce yam bi. Gima rino noni kos tut bipia ndo ningon kanti tut da bina bi leu gima mibindei ba, angon buhun bibor. Deheng bitug hon tuhan di niyaijo ninyeng bipia dikan tut bipia diyaijo ningwig honti dideu kwei su!”

SAMUEL GI NIGOM 14:24

Njap dima ne tentara Israel yahagom inggum bibor lewo Saul cuk yok tug hon neheng bipai “No di yem njita nipou tirigi dihwen ditde siceu nya bingwig bigyo mitug ndei nisigion noti.” Gima rino nide tentara nya igyem njita hi ei njap jei dima bi.

NITRITI 31:55

Njap di hyep bu lene Laban ngat nadi mem nignyon bat nya kin nipmisop bat cin lene nggriou yok bimei ingyoi mem ha yausi leu lene ngkwei hanyen ug ei nitimieisi.

NITRITI 22:3

Njap bigyoti bu lene Abraham kiju birop biei mem gima ndig ei nimbar hum dokti bikes ei keledai gom dip leu api buwak Ishak kin nide awak nya ibou can ba, yuug ei mpia di Allah mbot kep binoni tu.

NITRITI 21:23

Gima rino ma aheng bidani ei hanni ei Allah Noho bei bipia mporo aris bidani kin ditde nintun him yamti di bram yam nya bi sren. Lewo dipwoi angon ninno tu. Gima rino ma apwoi dingon ba, anyohou ditde minu di dinyeng tak kep dini cem lewo apek hanjop nsi ei angkiaisi dini ninno tu.”

NITRITI 21:14

Njapti kui lene Abraham yai njita kin aigmui mindhe ngkek tut minyei di joti cem mem igyem kak puig sinon bak Hagar leu api kon Ismael ei Hagar ninghim lene cuk sop dima buug hak. Lene Hagar mbut-mbut wai ei iggum ndigsi gom ei Bersyeba.

NITRITI 19:2

bipai biyok “Andigpoi jen, ma jikwei ba, yuug ei ditde ig bei nsi. Ba, jipiap jimig leu api jibong bit da. Njap di hyep bu gino jingon kanti jimbut nut bu leu api jikiju bijimbut ug.” Noro ibuhup “Nok ug e. Asindui sut nye binibong hak ei mpia di jo bas hak ei minu ndig dini.”

NITRITI 14:22

Lene Abram buhup “Deheng bitug hon tuhan di nok Allah Di Ninyeng Jei Bibor di pai tes mpia-bbed him kin dihyeisi dini ninyeng bipia,

NITRITI 21:27

Lene Abraham kwas domba nya kin sapi nya nimangti poi sut Abimelekh leu api yahacem ikwam minggwen.

NITRITI 26:32

Njap gom ndia lene Ishak de awak nya ikwei pui sut minyei bousi di nijep bu di yoni itig ei su. Ipai binoni “Ningat minyei di biam kwei leu dihyei jou tu.”