NITRITI 26:24 - ALLAH NIHYET MEM TUNGWATU NYA

²⁴ Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 26:24 ပူးပေါင်းရင်းမြစ်များ

NITRITI 13:16

Midibindei ba, ade nintun him yamti di bram yam nya mporo midigek kep mpia. Ningat ne bit bon tungwatu nya ikwop dihyei ndung nimangti kan bi. Bit bon ikwop yo di intun nani him imangti kan bi.

NITRITI 15:1

Mpe hi bu lene Abram ngat-hi-ngat bimiap tuhan nihyet di pai binoni “Abram e, attin au. Lewo midinyohou nani leu mun di kinei hagom leu api midiyai mun di kei nindig bibor binani yo.”

NITRITI 17:7

Dani midiyai bipek kep gi preu po di dipreu ei bit nani kin ade nintun him yamti di bram yam nya cem ba, gima ne gi preu di ngkiem bibor bijo ninno bijo kikau ri. Midinok ade Allah kin yo di intun nani him cem ide Allah.

NITRITI 17:8

Mbro nok gino abong angkiaisi ei minu Kanaan dini lo, mporo midiyai minu dini leu nisurti-nipekti hagom binani kin ade nintun him yamti di bram yam nya bijo ninno bijo kikau bidinok ide Allah ri.”

NITRITI 21:17

Lene Allah miap Hagar nipmot Ismael di pim leu api malaikati Allah de nihyet tibim kwei leu mpia-bbed him bipai Hagar e, Hagar e, apim tut nggon i? Ma attin bu au lewo Allah miap apmot nihyet tu.

NITRITI 22:17

Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

NITRITI 22:19

Gima ngwig leu api Abraham kin Ishak ingkwei hanyen bisin nide awak nyati leu api yahagom ingkwei hanyen ug ei Bersyeba. Lene Abraham tot mpia ei sirima.

NITRITI 24:12

Lene noni ngat nadi bipai “tuhan e, Na di Allah di andigpoi Abraham kuk no bak e, ma ampu da mem njap di ammani ba, ayai hagom bit leu nok apreu ei mem andigpoi tu.

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NITRITI 28:15

Amiap e, midingat rin bit na kikau bidem ambutti nya hagom ba, dinyohou na. Lene mporo midibuwak na hanyen kwei ei atimieisi dini. Midimbres Da leu na bi sren. Midibindei ba, mun di dipreu kep na tut nya hagom mipek kep mem na.”

NITRITI 28:3

Nna ba Allah Di Sindem Bibor njei mun di kei bak nani tirigi awak atnem leu api bindei ba, amunggwom bat nya imang bibor intun nani him leu binhyepo anok pung di mben mang bibor intun him!

NITRITI 30:27

Lene Laban buhup “Dipai bina bipia diko bidinggok tut ba, tuhan njei mun di kei bak dani tug hon nani.

NITRITI 31:5

Lene noni pai biyok “Dingat bou diyai him bipia jicig ningon kwes kin da nok habiei pima bu bi. Noro dicig nide Allah nyohou da tu.

NITRITI 39:2

tuhan nyohou Yusuf nok gi kei bibindei ba, noni joi bibor biyai midyai nya hagom nok mungkun kei. Noni bong bit niceu timiei minu Mesir pima.

NITRITI 39:3

Ba, niceu ngat bipia tuhan nyohou Yusuf bibindei ba, nide midyai nya hagom ngat ningat di kei bibor.

NITRITI 46:1

Lene Yakub nyohou dimig nide ndigban hagom buug sut ug ei Bersyeba leu api bui mindhe-ndhe nya bindig kep hum ei nimbar hum dokti bak Allah di nicig Ishak kuk no bak.

NIBOU NDIG NYA GI NIGOM 17:13

Lene Elia pai bak “Amei e, ma angon ku na tut au! Aug ba, angei njita mem jenti jiyem hak ug. Noro ma akang roti nindak mien gom ba, attei kwei bidiyem nipou ug e leu api angei niken mem apmot jeni bijiyem kep jingguma.

NEHEI LEUSI 14:13

Lene Musa buhup “Jidigit tut au! Ma jingon nddong hak ug! Mbigom mijingat notou tuhan miteu je bijingwes ngun bou jiyai him ug ri. Nogindini jingat mben Mesir dima noro jei bi ne mijingat yok bu bi sren.

NEHEI LEUSI 3:6

Dani ne adigup bat-adigai bat di Abraham kin Ishak kin Yakub ide Allah ri.” Gima rino Musa nggai kep ser niimaisi lewo ningwes mien tut gima ngat Allah ningat bou niyai him a.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 44:2

Dani ne tuhan ba, dipai tes je habiei ei jipmem ninghopti bidimpu je tu. Ma jittin au lewo jinok Ditde awak di didimig ei su nya ba, dingon ngakei je.

YESAYA 51:12

tuhan pai “Dani rino digwam ser jingona. Nggon rino jittin tungwatu di mipror yon ug rin i? Nggon rino jittin tut tungwatu di inoyam kin minta di ijip bicom ei i?

YESAYA 51:7

Ditde mben jen e, ma jimiap kep dihyet. Jikan tut mun di igbit ba, dingginausi jo nyahan ei jingonti tu. Gino tungwatu iba ighyet bicig je lene ma jittin tut au. Ma jingon bos-bos nyen drek dip gino ighyet wer mpiahi tut je au.

NIBWOS-BWOS NYENTI 3:57

Lene amiap ditde nadi leu api akwei dideu da ba, apai ‘Adigit tut au.’

IMAM NYA IDE MIDYAI 26:42

lene midiyok ngon kep gi preu di dipreu ei mem Yakub Ishak Abraham nya. Midiwin Ditde nipreu ei mem yokti tut minu Kanaan ba, midingkwei minu dima bak Ditde limwa di mben Israel hanyen.

IMAM NYA IDE MIDYAI 26:45

Midiwin Ditde nipreu ei mem yokti di dipreu ei mem idigup bat-idigai bat nya tirigi po dindo tut Ditde nisindemti bak ngkiai nya yahagom tug hon gi diteu Ditde limwa nya bingwes ngun leu minu Mesir pima. Gima hagom nok leu binhyepo Da di tuhan dinok ide Allah.”

MATIUS 22:32

‘Dani ne Abraham kin Ishak kin Yakub ide Allah ri.’ Noni ne Allah mem yo di imai su nya bi noro mem yo di igyaijo nya!”

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

KISAH 7:32

‘Dani ne ade pung di antun him nya kin Abraham kin Ishak kin Yakub ide Allah ri.’ Musa ninghuisi mpig sut nindig bibor bindun bou leu lene bimian huk biei mon dima bu bi.

NINDAT KEP TUHAN NICUKTI NYA 13:17

Ma jiyok ndigban nisigion nya dima mem jenti njem au. Noro suar jibindei sar mun dima yok hagom bingwig hak. Apino tuhan nigga biborti mikes hon leu api Noni mindo nisingat tut jeti hanyen bije. Ningon nggriu sut jeti mibindei ba, jimang ndig bibor bit leu nok gi po Noni preu ei mem jidigup bat-jidigai bat nya pima.

NINDAT KEP TUHAN NICUKTI NYA 31:6

Suar jita jibou eisi bijibrim jingkek ba, jittin tut yok au. Lewo tuhan di nok jide Allah misindem tut je. Noni mikes je ei bibindei ba, jingon pus tut Noni bi sren.”

IBRANI 11:16

Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

IBRANI 13:6

Gima rino ma jikwei bibrim ingkek bipai “Tuhan ne No di mpu sa rin ba, sittin tut mun-mun hi bi. Tungwatu nya mibon ndei sa i?”

NINGAT-HI-NGAT NYA 1:17

Tirigi dingat Noni lene diba dingwak bikik mpia ei nimig him dem kep no di mai su. Noro Noni ba ninda com bitak da bipai bida “Attin tut au! Dani ne nimbie him kin nohon keti,

SRAT RUT 3:11

Rut e, ma akrau angon tut mun nyeng hi bu au. Midiyai hagom bit leu nok ahara da tutti lewo timiei minu dini yahagom ikan tut bipia nani ne sop di singat kei ri.