NITRITI 26:18 - ALLAH NIHYET MEM TUNGWATU NYA

¹⁸ Lene noni kinding minyei bousi nya po Abraham tig nipou su lo, timiei minu Filistin nya iji kep hanyen pima niabiati Abraham mai leu su. Lene noni jem minyei bousi dima inyeng hanyen bit leu nok inyeng timiei di nicig jem nipou su.

NITRITI 26:18 ပူးပေါင်းရင်းမြစ်များ

NITRITI 21:25

Lene noni nso Abimelekh tut minyei bousi gom di Abimelekh de awak nya iba imbuk bisrin ser tu.

NITRITI 21:30

Leu api Abraham buhup “Ma ayai domba mien poi dini leu da nok mun di bindo tut bipia dani rino ditig minyei bousi dini ba, dinyeng tak kep tu.”

NITRITI 21:31

Gima rino tungwatu ijem minyei bousi dima ninyeng Bersyeba lewo yo cin pima ipreu mun bit yam ei sirima.

NITRITI 26:17

Gima rino Ishak nya ijo leu sirima biyuug bong ei Gerar nyai mem nijam di jei.

NITRITI 26:19

Lene nide awak nya itig minyei bousi nijep bu ei mbang briep Gerar ba, yuum minyei ningei di nindig bibor.

NIBOHON MBEN ISRAEL GI NICAN 26:10

Bitut ig di bon ninggre di jo-jo yam dip anai mem gima ibiya ser iggum ndigsi cem. Noni bon bak minyei ngot ei iggum ndigsi dima lewo nide mindhe-ndhe nimuhup tu nya mang bibor. Ba, mindhe-ndhe dima yok bihi no ya ke yam ei nungug tou nya lene bihi no ya ke yam ei mbang briep nite bei mpia nicutti. Lene Uzia ba limwa nya imang bibor biyai miai biei anggur nghousi ei nungug tou nya lene ba yok biyai miai nya bidem dihyei nnumti nya hagom lewo noni ngat ningwes ei midyai niyai miaiti.

MAZMUR 16:4

Yo di ikuk yok bak kwar nya mitug ndei mun di buhun tak yok nindig bibor. Midinjei bit yok tirigi ibon midut nindig mindhe-ndhe nya kep hum bak ide kwar nya ba, midindat kep kwar dima yok inyeng ei duhui him bi sren.

HOSEA 2:17

Midipai ser noni leu binhyepo noni ndat kwar Baal ninyeng bu bi sren. Apino tungwatu nya migyok ngon kep kwar Baal ninyeng bu bi.

ZAKHARIA 13:2

Njap dima dem ne mididip tut kwar di ikuk yok bak nya inyeng leu dihyei dini leu binhyepo hi dima miyok ngon kep ninyeng dima bu bi. Midijji yo di ikon yonti inyeng binok nabi nitrowai nya kin yo di ninnei di kinei ya ingonti nya yahagom.

MBEN ISRAEL IMBUT-MBUT NYEN 32:38

kin Nebo kin Baal-Meon kin Sebam hanyen. Noro iluei minu ndig di iwin hanyen dima hagom ninyeng hanyen.