NITRITI 25:21 - ALLAH NIHYET MEM TUNGWATU NYA

²¹ Mpe dima lene Ishak ngat nadi tindei nitnem lewo Ribka pijet leu api tuhan buhup nide nadi bibindei ba, Ribka nghop.

NITRITI 25:21 ပူးပေါင်းရင်းမြစ်များ

NITRITI 11:30

Lene Sarai pijet ba, bit bon yai munggwom kan bi.

NITRITI 16:2

Lene Sarai pai bak Abram “tuhan tak kep da bidiyai dimunggwom hi bigyo. Gima rino ma ayem njita tut awak de dima. Mpaba noni miyai nimunggwom hi bida e?” Lene Abram ce tut nitnem nihyet nghwak him.

NITRITI 30:22

Lene Allah ningon prion ser Rahel bi. Gima rino Noni buhup nide nadi bibindei ba, noni nghop.

NIBOHON MBEN ISRAEL GI NIGOM 5:20

Tentara dima yok iba ingon com Allah ba, yahara bak leu binhyepo mpu yoni. Leu api Noni buhup ighyet bisindem tut yok leu binhyepo ibindei timek mben Hagri nya bitut tentara ngkiai di itti kin yok nya yahagom.

NIBOHON MBEN ISRAEL GI NICAN 33:13

Lene Allah buhup nadi di Manasye ngat dima leu api bindei ngkwei noni hanyen kwei ei minu ndig Yerusalem leu binhyepo ninyeng tak kep timiei Yehuda nya hanyen bu. Tug hon mun di cut igkep noni dima lene ba ningon com bipia tuhan ne Allah ri.

EZRA 8:23

Gima rino niyem njita bi mem nituti poi ba, nibingat nadi bak Allah ba, nahara leu binhyepo Noni minyohou nyeni apino Noni buhup nadi di ningat dima.

MAZMUR 127:3

Munggwom nya di Allah yai binye ne munkwas di kwei leu Noni ri. Ibindei ba, nyeni ingon nggei-hi-nggei.

MAZMUR 145:19

Noni miyai mun di indwau sut nya bak yo di inggei sut Noni. Noni ngig nitingou mem ighyet tirigi yahara Noni apino Noni teu yok bingwes ngun.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

MAZMUR 65:2

Allah e, dem mem nyeni ninggei sut Nani ei Sion ba, niyai hagom bit leu nok nipreu ei mem Nati cem,

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

NIPINGOK NINGONTI 10:24

Yo di ingon sren itug ndei mun di ingat ingwes eisi lene yo di isibut itug ndei mun di ittin tut bibor.

YESAYA 45:11

tuhan di nok mben Israel ide Allah di kwes-kwau pai “Ma jihig ser Da tut nijam di nidipti bu. Noro dem mem gima jihig ser Da tut dimunggwom bat nya ba, jicuk Da tut mun di suar ma diyai nya bi.

YESAYA 58:9

Mpe dino jingat nadi ne midibirop hanyen bije. Mpe dino jahara Da ne midibuhup jihyet hanyen. Gino jimbuk tut yam bijiba nitok biyam ba, jipai yam nghapti cem bu bi ba,

YESAYA 65:24

Nipou tirigi ingat nadi bingwig bigyo lene midibuhup ighyet. Nipou tirigi ikes ighyet hon ba, ingat nadi bingwig bigyo lene midibirop hanyen biyok.

LUKAS 1:13

Noro malaikati dima pai bak “Zakharia e, ma angon digit tut au! Allah miap ade nadi tu. Gima rino atnem Elisabet misrek tut munggwom pinai. Suar ajem ninyeng Yohanes.

LUKAS 1:7

Noro igyai munggwom hi bi lewo Elisabet pijet ba, yahacem inghim koi su.

SAMUEL GI NIGOM 1:11

Lene noni preu ei bipai “tuhan Di Sindem Bibor e, ma ayok ngon kep da lewo dinok Ade awak ri! Ma angig ayai kep dingon di buhun biborti. Ma angon prion ser da ba, akes da ei au. Gino ayai dipmot gom bida lene mididimig noni ei mem Na kikau ug bipek niyaijo ningwig honti. Lene dipreu ei mem Na bipia midikos nibou nta bi sren.”

SAMUEL GI NIGOM 1:17

Lene Eli buhup “Gi nok lene ma aba angon di kwes bingkwei hanyen ug ei atimieisi. Handei kon ba, mben Israel ide Allah mibuhup ahyet bit leu angon kanti.”

SAMUEL GI NIGOM 1:2

Mpe dima lene Elkana bon nitnem bat nya ibou can. Inyeng rino Hana kin Penina. Penina yai nimunggwom bat nya bak Elkana tu noro Hana pijet yo.

SAMUEL GI NIGOM 1:27

Dahara Tuhan leu binhyepo Noni bindei ba, disrek tut dipmot dini lene Noni buhup dihyet bit leu nok dahara Noni tu.