NITRITI 25:13 - ALLAH NIHYET MEM TUNGWATU NYA

¹³ Lene Ismael yai nipmot bat nya ibou simnaibrimigcan di inyeng rino Nebayot kin Kedar kin Abdeel kin Mibsam,

NITRITI 25:13 ပူးပေါင်းရင်းမြစ်များ

NITRITI 17:20

Dimiap ahyet tirigi ahara Da tut Ismael tu. Mporo midinjei mun di kei bak noni leu api noni bon nimunggwom bat nya ba, nide nintun him yamti di bram yam nya idigek kep mpia. Noni minok pung di minir nya ibou simnaibrimigcan intun him. Midibindei ba, nide mben idigek kep mpia.

NITRITI 25:14

kin Misyma kin Duma kin Masa,

NITRITI 28:9

Gima rino noni ug ngat Ismael di Abraham nipmot bibuwak nipmisop Mahalat di Nebayot nikwohop nok nitnem ndrim.

NITRITI 36:3

Lene hi ninyeng Basmat di nicig ninyeng Ismael ba, Basmat nikijam ninyeng Nebayot.

MAZMUR 120:5

Buhun bibor mem da lewo suar dibong bit je. Gima noyam kin gi dibong ngkiai bong ei minu Mesekh kin gi dibong bit yo di imbuk bibor nya ei minu Kedar.

DIUN MIMUN 1:5

Je di sop minu ndig Yerusalem e, mbro nok gino dingkek rom lo, dani ne sop di ubbu ri. Diromti dem kep prak meng di yohok ei iggum ndigsi Kedar. Noro dingkek dia-diau bidem kep minghas mbrawin ngot di ipindur ei Salomo de ig nibou ndig!

YESAYA 42:11

Ma iggum ndigsi kin minu mien nya di iwin ei sirima inggei sut tuhan! Je di timiei Kedar e, ma jahagom jinggei sut Noni! Ma timiei Sela nya ikui ug ei mbigdip nya leu api iba ighyet ndig bibor bimbos-hi-mbos!

YESAYA 60:7

Mben Kedar kin mben Nebayot mijem ide domba nya kwei mem ade midut nindig domba nikre ei nimbar hum dokti di bindei ba, tuhan joi sut na. Lene Noni miba Nide nikei-kau-keisi bimau Nide Ig bimpung kei.

YEREMIA 2:10

Ma juug ei nite bei mpia nicutti ei mios Siprus nintig dip lene jicuk tungwagom ug ei nite bei mpia nipriti ei minu Kedar. Mijo nibreisi mem je bipia mun di nok gini hi pek kep mem tungwatu nya nipou kwei bipek ammani kep bi sren.

YEREMIA 49:28

tuhan pai sut keret Kedar bitut hanjop di Hazor ninyeng tak kep nya di Nebukadnezar di nibou ndig minu Babel yai di yati tu nya “Nebukadnezar e, ma anjei siceu lene ahwen keret Kedar ba, abindei sar yo di ibong nite mpia nipriti!

YEHEZKIEL 27:21

Mben Arab kin nibou di inyeng tak kep minu Kedar nya iba domba pmot nya kin domba nikre kin kambir bipek ndigban di abon nya.

NIJAM NIKEI NYA 8:24

Lene noni pai ningon kanti gom kin bu “Dahara je tut mun nyeng gom he. Ma jahagom bikwop tungwagom-gom jiyai mitingouhim di jiyai leu nimbiam mben Midian hagom bida.” (Pai nok lewo mben Midian indei mitingouhim mas noyam kin yo di ibong bidem iggum ndigsi nindigsi nya.)