NITRITI 25:11 - ALLAH NIHYET MEM TUNGWATU NYA

¹¹ Niabiati Abraham mai leu su lene Allah njei mun di kei bak nipmot Ishak. Noni bong dideu minyei bousi di ninyeng No Di Niyaijo Ngig Niyai Kep Da Nide Minyei Bousi Ri.

NITRITI 25:11 ပူးပေါင်းရင်းမြစ်များ

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NITRITI 12:3

Midinjei mun di kei bak yo di injei mun di kei bak nani. Noro midisigion yo di isigion nani bu. Midinjei mun di kei bak mben dihyeisi dini hagom tug hon nani.”

NITRITI 16:14

Apino tungwatu nya ijem minyei bousi ei Kades kin Bered ikieti dima ninyeng “No Di Niyaijo Di Ngig Niyai Kep Da”.

NITRITI 17:19

Noro Allah srep “Atnem Sara migwam tut apmot bina leu api ma ajem ninyeng Ishak. Midikrau kep Ditde gi preu ei bit na dima tug hon nide nintun him yamti di bram yam nya bijo ninno bijo kikau. Nipreu eisi dima ug hon nohonti bi sren.

NITRITI 22:17

Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

NITRITI 24:35

tuhan njei mun di kei nindig bibor bak andigpoi ba, noni nyeng bibor. tuhan yai mun nyeng hagom binoni nok domba nya kin kambir nya kin sapi nya kin unta nya kin keledai nya kin perak kin mas cem nindig bibor kin awak pinai nya kin sop nya hagom cem.

NITRITI 24:62

Mpe dima lene Ishak kwei leu iggum ndigsi binjiriek minyei bousi di ninyeng No Di Niyaijo Ngig Niyai Kep Da kikau ba, bong ei minu Kanaan nite bei mpia nibiho.

NITRITI 26:12

Gima ngwig lene Ishak yai miai ei minu dima apino nide njita ngan di ndim ngat ningat sratus gom bibikwop nok lewo tuhan joi sut noni.

NITRITI 26:3

Leu mporo midinyohou nani ba, dinjei mun di kei bak nani cem. Mporo midipek minu dini hagom bina kin ade nintun him yamti di bram yam nya. Mun po dipreu ei mem acig Abraham pima mijo ei mem nani cem bu.

NITRITI 50:24

Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”

MAZMUR 112:2

Nimunggwom bat nya inyeng jei ei minu dini. Nide nintun him yamti di bram yam nya cem ingon nggei-hi-nggei