NITRITI 24:7 - ALLAH NIHYET MEM TUNGWATU NYA

⁷ Lewo tuhan di ninyeng tak kep mpia-bbed him jem da kwei leu dicig kin dide bat nya itimieisi ba, preu ei mem da bipia ditde nintun him yamti di bram yam nya mporo miba yokep minu dini hagom. Noni rino micuk Nide malaikati gom di mpu na leu binhyepo abuwak sop gom kwei bak dipmot nok nitnem.

NITRITI 24:7 ပူးပေါင်းရင်းမြစ်များ

NITRITI 13:15

Leu mporo midipek hanjop nsi di acap ser dima yok hagom bina kin ade nintun him yamti di bram yam nya cem bijo ninno bijo kikau.

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

NITRITI 16:7

Lene tuhan de malaikati tau kep noni ei iggum ndigsi tirigi dut minyei leu minyei bousi di jo kak puig di ug ei Syur ba,

NITRITI 17:8

Mbro nok gino abong angkiaisi ei minu Kanaan dini lo, mporo midiyai minu dini leu nisurti-nipekti hagom binani kin ade nintun him yamti di bram yam nya bijo ninno bijo kikau bidinok ide Allah ri.”

NITRITI 21:17

Lene Allah miap Hagar nipmot Ismael di pim leu api malaikati Allah de nihyet tibim kwei leu mpia-bbed him bipai Hagar e, Hagar e, apim tut nggon i? Ma attin bu au lewo Allah miap apmot nihyet tu.

NITRITI 22:11

Noro tuhan de malaikati gom nihyet tibim kwei leu mpia-bbed him bimbrua ser noni bipai “Abraham! Abraham!” Lene Abraham miap bipai “We? Da rini!”

NITRITI 24:3

Lene ma aheng bitug hon tuhan di ninyeng tak kep mpia-bbed him kin dihyeisi dini ninyeng bipia mporo abuwak sop timiei hi leu minu Kanaan dini bak dipmot Ishak bi.

NITRITI 24:40

Lene noni buhup bida bipia tuhan di noni bit nihyet habiei kwei bipek ammani kep micuk Nide malaikati hi kin da leu binhyepo diyai hagom bit leu ningon kanti. Mporo midibuwak sop gom leu nide bat nya ikieti mem nipmot nok nitnem.

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

EZRA 1:2

“Da di Nibou Ndig Kores dinyeng tak kep mben Persia ba, ditri tut dicuk jeti. tuhan di nok Allah di ninyeng tak kep gwamti bindei ba, dinyeng tak kep tungwatu bidem dihyeisi dini hagom. Noni cuk da leu binhyepo diwin Ig nibousi gom mem Noni ei minu ndig Yerusalem ei hanjop Yehuda.

MAZMUR 103:20

Je di malaikati di jisindem di jibit nicukti nya ba, jingig jitingou mem nihyet cem e, ma jinggei sut Noni.

MAZMUR 136:26

Jikwei ba, ipai sigyo bak Allah di ninyeng tak kep mpia-bbed him. Nide ningon ngakeisi jo ninghig-niker.

MAZMUR 32:8

tuhan pai “Midindo puig di suar akak bina bidingginau nani ba, dipingok angonti tut ambutti nya cem.

MAZMUR 34:7

Yo di isindem bi nya ingat nadi bak tuhan leu api Noni buhup ighyet biteu yok leu mun di buhun tak yok hagom.

MAZMUR 73:24

Aba apingok dati nya bibie tut da leu api mporo aba anggei sut dati buum da ei ningwigsi.

NEHEI LEUSI 13:5

tuhan ba neheng bipreu ei mem jidigup bat-jidigai bat nya bipia Noni mindo minu di mben Kanaan kin mben Het kin mben Amori kin mben Hewi kin mben Yebus yoni ibong ser dima bije binok jide hanjop nsi. Tirigi tuhan buwak je ug ei minu dibon ninnumti di kei bibor kei dima lene jiyok ngon kep nibon midut roti di dwoi bi mem bed gi nigom rino bed Abib bikwop ari bingwam hagom.

NEHEI LEUSI 32:13

Ayok ngon kep Ade awak di Abraham kin Ishak kin Yakub nya. Ayok ngon kep bipia apreu ei mem yok tug hon neheng bipia ide nintun him yamti di bram yam nya imangti midem ham mpia-bbed him. Lene apreu ei mem yok tut ide dihyei hanjop nsi bipia apek dihyei dima biyok leu binhyepo inyeng mitak kep hagom bijo ninno bijo kikau.”

NEHEI LEUSI 33:2

Midipinak malaikati gom bibie tut je leu api midijji mben Kanaan kin mben Amori kin mben Het kin mben Feris kin mben Hewi kin mben Yebus yahagom bingwig leu minu dima.

YESAYA 63:9

leu mun di buhun di cut igkep yok hagom. tuhan cuk malaikati hi kin no di ya hacan hi ndam yok bi noro Nonti kwek yok lewo ngondut yok ba, ningon nggriu sut yok. Noni nyohou yok ei nimbie him kikau kwei bipek njap dima kep.

DANIEL 2:44

Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.

YUNUS 1:9

Yunus buhup “Dani ne munggwom Ibrani rin ba, dikuk da bak tuhan di nok Allah ei gwamti di pai tes muk ngei kin mam bei a.”

MBEN ISRAEL IMBUT-MBUT NYEN 11:12

Dipai tes yok ba, disrek tut yok cem bi. Nggon rino ando da mem gima duusap yok dem kep nok no di sop hon ningwoi-ngwoi kikau ug ei minu po apreu sut ei mem idigup bat-idigai bat nya pima i?

MBEN ISRAEL IMBUT-MBUT NYEN 14:16

tuhan hwen Nide limwa nya bingwig ei iggum ndigsi lewo Noni sindem mem gima buwak yok kikau ug ei minu di Noni preu sut ei mem yok habiei pima kan bi.

MBEN ISRAEL IMBUT-MBUT NYEN 14:30

Gi nipou lene dipreu ei mem je tut minu dima tu noro jigom micoi ug ei minu dima bi sren. Ibou can di inyeng Kaleb kin Yosua he micoi ug eisi.

MBEN ISRAEL IMBUT-MBUT NYEN 32:11

‘Yo dini iba ingon di gom bibit Da bi. Gima rino deheng tut bipia bikwop yo di ide njap ug ei ari bingwam nyatungwagom bikui mpe di po yehei leu minu Mesir pima lene hi dima micoi ug ei minu di dipreu ei bak Abraham Ishak Yakub yoni pima bi.’

KISAH 7:5

Mpe dima lene Allah ndo minu ttou nsi gom bak Abraham binok nide dihyei ninda rom bi. Noni pek hanjop nsi mien hi mem miai ngausi cem bi. Noro Allah preu ei mem noni kin yo di intun noni him bipia inyeng mitak kep minu dini hagom ei nidipti bu. Tirigi Allah preu ei mem noni dima lene Abraham yai nimunggwom hi bigyo.

NINDAT KEP TUHAN NICUKTI NYA 1:8

Dani ne tuhan rin ba, dipreu sut minu dima hagom bak jidigup bat-jidigai bat di Abraham kin Ishak kin Yakub kin ide nintun him yokti di bram yam nya. Gima rino ma jicoi ba, jiya bidem minu dima hagom.’ ”

NINDAT KEP TUHAN NICUKTI NYA 34:4

Lene tuhan pai bak Musa “Dihyei hanjop nsi dima hagom dipreu ei mem Abraham kin Ishak kin Yakub leu binhyepo diyai bak ide nintun him yamti di bram yam nya. Disindui sut gima acap hagom noro dipai ser nhyema acoi ug eisi bi.”

IBRANI 1:14

Gi nok lene malaikati nya ingat rin mem mindei i? Yoni ne ninnei di inok awak mem Allah. Noni cuk yok leu binhyepo yahati tut tungwatu nya di igyai niteu leu sisarti kin niyaijo nijep.

IBRANI 11:9

Niba ningon comti bindei ba, noni bong ei ningkiaisi di Allah preu ei mem noni. Noni bong kep prak meng behei leu api Ishak kin Yakub cem ibong kep ide prak meng behei ba, iba yo kep nipreu eisi noyam kin Abraham.

YOSUA 1:6

Ma angon nddong ba, abrim angkek lewo attei nibou tut yo dini tirigi icoi bigyai minu di dipreu ei mem idigup bat-idigai bat nya bigyati.

YOSUA 24:3

Lene dihig jide pung Abraham dima kwei leu nitimieisi ei Minyei Efrat nite dima ug ba, dibuwak noni kwei ei minu Kanaan leu api noni ya bidem nisurti-nipekti hagom. Lene dibindei ba, nide nintun him yamti di bram yam nya imang bibor. Lene dibindei bu ba, noni yai nipmot Ishak.

NINGAT-HI-NGAT NYA 11:13

Mpe dima ne dihyei ugwa-kwei nindig bibor lene minu ndig dima nittou nsi gom sar lo, nittou nsi muhwindatai jo nijoti. Ba, tungwatu nya ibou sribu muhwindacan cem imai bingwig. Leu api nindigsi nya idigit tut nindig bibor binggei sut Allah Di Sindem Bibor ei gwamti.

NIJAM NIKEI NYA 2:1

Lene tuhan de malaikati gom jo leu Gilgal buug kikau ug ei Bokhim leu api pai bak mben Israel “Diteu je bijingwes ngun leu minu Mesir lene dibuwak je kwei ei minu po dipreu ei mem jidigup bat-jidigai bat nya pima tu. Mpe dima lene disimbot dat bipia midiluei dingonti tut mun di dipreu ei mem je bi sren.