NITRITI 24:30 - ALLAH NIHYET MEM TUNGWATU NYA

³⁰ Lewo noni ngat mimau di iba mas bibon di pindur ei Ribka nuhwap jou kin srak ningat can di kui ei ninda pang bou niyai him bimiap mun di Ribka pui sut andigpoi dima nihyet cem. Gima rino noni ug ngat Abraham de awak di ya tut nide unta nya simiak minyei bousi.

NITRITI 24:30 ပူးပေါင်းရင်းမြစ်များ

NITRITI 24:22

Unta nya idut minyei bindei yok tu lene awak di Abraham de hit mbrawin ningat gom bipindur ei misop nuhwap jou leu api kus srak mas ningat can bikui ei ninda pangti.

NITRITI 24:29

Pui biyok nok rino Laban di Ribka nikijam brim nimig ug ei nisai buug um Abraham de awak di ya tut nide unta nya simiak minyei bousi.

NITRITI 24:31

Lene Laban pigo noni bipai “Ningat ne tuhan njei mun di kei bak na di Arig tu! Aya hak ei nisai dini tut nggon i? Akwei bit da ba, suug ei ig bei nsi. Ditin ei nghim nsi gom mem na biditin ei mpia di dem mem unta nya cem tu.”

YESAYA 3:19

kin srak di ikes ei inda kin minghas di ibinggai ser iimaisi,

YEREMIA 2:32

Bon sop gwam nitta pilei ningon prion ser nide mas di noni bimau nonti e? Bon sop wak cam ningon prion ser sinsun di noni juk mem pesta niwak yamti e? Noro jingon prion ser Da ninno tu. Bit bon dikwop nijam dima nijeisi kan bi.

YEHEZKIEL 23:42

Lene imiap yo di imang bibor di ingon nggei-hi-nggei di ighyet kui yam ingat rin ei nisai ma kwei. Hi nduk yo dima bikwei leu iggum ndigsi. Yo dima ikui srak ei nikindig-nikinjoi cin dima indati ba, iba topi nibou ndig di kei-kau nya bijuk ibou a.

NIJAM NIKEI NYA 17:2

Mpe di gom ne pai bak nipmem “Amei e, tirigi po amei de mitiei perak nitig sribu gom ba, sratus gom pror pima lene dimiap ade nisigion no di nggimang mitiei dimati. Amei e, angat i! Ade mitiei pima rini. Dani rino dinggimang mitiei dima.” Lene nipmem buhup “Dipmot na e, nnaba, tuhan ma njei mun di kei bak nani!”