NITRITI 24:10 - ALLAH NIHYET MEM TUNGWATU NYA

¹⁰ Awak dima jem Abraham de unta nya ningut simnai bikon mimbron nindig bibor bikes ei unta nya dip buug sut ug ei Nahor de minu ndig ei Mesopotamia ei nite bei mpia nijjai.

NITRITI 24:10 ပူးပေါင်းရင်းမြစ်များ

NINDAT KEP TUHAN NICUKTI NYA 23:4

Lewo tirigi po jehei leu minu Mesir ba, jingat rin ei puig sinon pima yo dima ingondut je ba, ikwas njita kin minyei tut je bi. Nok gima cem ingot kep Bileam di Beor nipmot leu minu ndig Petor ei Mesopotamia leu binhyepo sigion jeni.

NITRITI 11:31

Mpe dima lene Terah hei sut nipmot Abram kin nignyon Lot di Haran nipmot kin Abram nitnem di Sarai leu api ijo leu minu ndig Ur ei minu Babilonia bihigom ba, yuug ei minu Kanaan. Tirigi ikwei krau puig sinon ei minu Haran lene ibong hak ei sirima.

KISAH 2:9

Lewo nyeni itimieisi leu hanjop Partia kin Media kin Elam kin Mesopotamia kin Yudea kin Kapadokia kin Pontus kin Asia kin,

NIBOHON MBEN ISRAEL GI NIGOM 19:6

Lene Nibou Ndig Hanun kin mben Amon ingon huk niti bipia ibon munti dima bindei ba, Daud ningon sibui sut yok. Gima rino ipinak perak kilo sribu ningot ningai bitai ug ei minu ndig Mesopotamia Bei Nai cem ug ei minu ndig can di Maakha kin Zoba ei minu Siria cem. Iba perak dima bingot kep nibou nya leu kroba pran ningat sribu ningot ningai can kin tentara di iba kuda bikon pran kan nya cem. Leu api nibou ndig Maakha de tentara ikwei sut kroba pran di mben Amon iba perak bingot kep nibou leu pima hagom ba, yohok ide prak meng yati dideu ig kumti Medeba. Mben Amon cem yahagom injei kwei leu ide minu ndig nya hagom binjei siceu mem gima ikon pran bit Daud.

NITRITI 29:1

Lene Yakub mbut kikau ei minu Kanaan ug ei nite bei mpia nipriti.

NITRITI 27:43

Gima rino ma ace tut ba, abit dingon kanti gom dini. Akiju ba, anang ndam dikijam Laban ei minu Haran ug.

NITRITI 24:2

Lene Abraham pai bak nide awak di wer andigpoi leu nindigsi nya di nyohou mun nyeng hagom di Abraham nyeng tut “Ma asu anda ei diko kieti.

NITRITI 11:29

Lene Abram wak nitnem Sarai ba, Nahor wak nitnem Milka di Haran nipmisop lene Haran yai nipmot gom bu di ninyeng Yiska.

NITRITI 11:32

Terah de njap ug ei ari bingwam sratus can ba, muhwi leu api noni mai ei minu Haran.

NITRITI 24:22

Unta nya idut minyei bindei yok tu lene awak di Abraham de hit mbrawin ningat gom bipindur ei misop nuhwap jou leu api kus srak mas ningat can bikui ei ninda pangti.

NITRITI 24:53

Lene noni hit sinsun kin mimau perak kin mas bak Ribka lene njei mimbron di nibok kak bibor bak Ribka nikijam kin nipmem.

NITRITI 29:2

Leu api noni tau kep minyei bousi gom ei ngoi dumti bingat domba nya nimpung ningai di idis yam simiak minyei bousi bimem kep ser tto bou mem yo di ighyen kep yok ibei nibeng leu nuhui bitau minyei mem yok. Nibeng dima ne tig mma nindig bibor ri.

NITRITI 11:26

Tirigi Terah de njap ug ei ari bingwam ningot muhwindacan leu api noni yai nipmot bat nya di inyeng rino Abram kin Nahor kin Haran.

NITRITI 22:20

Niabiati Abraham ngkwei hanyen leu Nungug Moria tu lene noni miap nikinjoi Nahor ninghapti bipia nitnem Milka gwam tut nipmot bat nya ibou muhwindaningai binoni.