NITRITI 23:2 - ALLAH NIHYET MEM TUNGWATU NYA

² Leu api nide njap ngwig hon ei Hebron ei minu Kanaan apino Abraham ningon ngguk tut bipim kep.

NITRITI 23:2 ပူးပေါင်းရင်းမြစ်များ

NITRITI 13:18

Gima rino Abram llet nide prak meng yati bimbut tut bohok hanyen ei biei pigig nghousi di ninyeng Mamre di tungwatu nya ipigig ser mem ide kwar di ikuk yok bak nya dideu Hebron. Lene noni dingug tig nindig bijo-jo yam dip nok nimbar hum dok mem binggei sut tuhan.

NITRITI 23:1

Sara de njap ug ei ari bingwam sratus gom ba, ningot can muhwindacan tu.

NITRITI 23:19

Gima ngwig lene Abraham tig nitnem Sara ningut ei hak mihyeti Makhpela ei minu Kanaan.

NITRITI 24:67

Gima ngwig lene Ishak buwak Ribka kwei ei prak meng nsi di nipmem Sara de leu api wak nok nitnem. Ningon ngakei Ribka nindig bibor ba, ningon nggan-triot hanyen lewo nipou ne ningon ngguk tut nipmem di mai leu noni.

NITRITI 27:41

Gima rino Esau ningon dindi bibor tut Yakub drek dip gi nicig njei mun di kei nya hagom bak noni leu su. Apino noni kan-kan nyen “Son dideu sicig niyaijo ningwig honti tu ba, mpe dino nijam mem singon ngguk bram noni ngwig leu su lene misiyai nimai bak Yakub.”

NITRITI 35:27

Lene Yakub ug ngat nicig Ishak ei nibongti ei Mamre gi dideu Hebron. (Yakub nignyon Abraham cem bong ei sirima nipou su.)

NITRITI 37:14

Lene nicig pai bu “Ma aug bisis ser yok gino ingat rin kin gi kei ba, domba nya kin kambir nya cem hagom nok gi kei e? Leu api akwei hanyen ba, apai igbit bida.” Lene nicig cuk noni buug leu api noni jo leu mbang briep Hebron dima. Jei bi lene noni kwei krau Sikhem,

NITRITI 50:1

Lene Yusuf nggriou nicig ningut bimei ningyoi leu api pim biniyai nggwei kibor.

NITRITI 50:10

Tirigi ikwei krau gumihyep di tungwatu nya ibui gandum ngan eisi ei Goren-Haatad ei Yordan nyai nite dima ug lene ipim kui jei sut nimai. Lene Yusuf bon midut ningon ngguk ei mpia dima kikau mem mmun-njap muhwindacan.

SAMUEL GI NICAN 1:12

Yahagom ipim ba, igyai nggwei kibor ba, ingon ngguk bibor cem bigyem njita bi mem nituti poi drek dip Saul kin Yonatan kin tuhan de limwa di tentara Israel po ikon pran lo, imai bingwig pima kikau bimmun kep.

SAMUEL GI NICAN 1:17

Gima ngwig lene Daud ba doia biwim Saul kin Yonatan imaisi,

SAMUEL GI NICAN 2:11

Noni bong ei Hebron lene ninyeng tak kep keret Yehuda mem nijam ari bingwam muhwindacan.

SAMUEL GI NICAN 5:3

Lene Daud kin nibou mben Israel yahagom ipreu ei biyam ei tuhan niyai him leu api nibou nya ita Daud nok nibou ndig mem mben Israel cem yahagom.

SAMUEL GI NICAN 5:5

Ninyeng tak kep keret Yehuda ei Hebron mem ari bingwam muhwindacan biniken lene ninyeng tak kep mben Israel kin Yehuda yahagom ei minu ndig Yerusalem mem ari bingwam ningot ningai ba, ningai biniken bu.

NIBOHON MBEN ISRAEL GI NIGOM 6:57

Harun de nintun him yamti di bram yam nya itug ndei minu ndig Hebron di nok minu ndig ninang coi kin minu ndig Yatir kin minu mien bitut ngoi dum kin mintu-minta di jo ttai nya cem. Minu mien dima yok rino Libna kin Estemoa kin Hilen kin Debir kin Asan kin Bet-Semes.

NIBOHON MBEN ISRAEL GI NICAN 35:25

Mpe dima lene Nabi Yeremia ba doia ningon ngguk tut gom bikiek Nibou Ndig Yosia ei nimaisi dima. Ba, pinai nya kin sop di ipai doia igkei nya ikrau kep doia dima mpe di ibon midut nibiyok ngon kep ningon di ngguk tut Nibou Ndig Yosia kikau kwei bipek ammani kep ba, ibindei coi doia dima ei nimpung srat doia nibwos-bwos nyenti.

NEHEMIA 11:25

Limwa nya imang bibor intek ba, ibong bidem minu ndig kin minu mien ngot di jo dideu ide dihyei di igyai miai eisi nya. Limwa Yehuda nya bihi ibong ei Bersyeba nite bei mpia nibiho kin Mbang Briep Hinom nite bei mpia nijjai ikieti. Yo dini ibong bidem minu ndig kin minu mien Kiryat-Arba kin Dibon kin Yekabzeel kin Yesua kin Molada kin Bet-Pelet kin Hazar-Sual kin Bersyeba kin Ziklag kin Mekhona kin En-Rimon kin Zora kin Yarmut kin Zanoah kin Adulam kin Azeka kin Lakhis.

YEREMIA 22:10

Je di timiei Yehuda nya e, ma jingon ngguk tut Nibou Ndig Yosia nimaisi au. Noro ma jipim tut nipmot Yoahas he. Lewo siceu nya ikat Yoahas biyuug sut ug ei ningkiaisi tu. Noni mingkwei hanyen kwei bingat nitimieisi bou niyai him bu bi sren.

YEREMIA 22:18

Gima rino tuhan pai sut Yoyakim di Yosia nipmot di nok nibou ndig mem minu Yehuda “Nimaisi mibindei ba, ipim tut biyahara ‘Ayo, disut ug o! Ayo!’ Miyahara nok gima bi. Hi dima ba ningon ngguk bahara ‘Ndina, nibou ndig ndia ug o!’ Nok gima cem bi.

MBEN ISRAEL IMBUT-MBUT NYEN 13:22

Nimbie him lene yuug ei minu dima nibiho ba, yuug krau minu ndig Hebron. Hebron ne keret Ahiman Sesai Talmai di intun Enak him itimieisi ri. Yo dima iwin Hebron ei ari bingwam muhwindacan nipou tirigi mben Mesir iwin minu ndig Zoan bigyo.

MBEN ISRAEL IMBUT-MBUT NYEN 20:29

Tirigi mben Israel ikan tut bipia Harun mai su lene yahagom ingon ngguk bram noni kikau ei mmun-njap ningot ningai.

YOHANES 11:31

Yo di ikwei gwam ser Maria ningon ingat lo, noni bipbur bikiju ba, hei ug ei nisai lene ibit lewo ikan bigya noni ug pim kep nimai ngut ei hak mihyeti.

YOHANES 11:35

Lene Yesus cem pim kep Lazarus.

KISAH 8:2

Lene yo di ikuk yok bak Allah ibou poi itig Stefanus ningut lo, ingon ngguk bibor bipim kui jei sut.

NINDAT KEP TUHAN NICUKTI NYA 34:8

Lene mben Israel ingon ngguk bibor tut Musa nimaisi kikau mem njap ningot ningai ei briep ndig Moab.

YOSUA 10:39

Yosua nya igyai nimai bak nibou ndig Debir lene ibindei timek minu ndig dima kin minu ndig hiter di jo ttai nya cem leu api igyai bigyati. Lene igyai nimai bak yo di ingat rin ei minu ndig dima yahagom. Yosua bibon Debir bitut nibou ndig Debir noyam kin gi po bibon Hebron kin Libna kin nibou ndig nya ei minu ndig dima.

YOSUA 15:13

Lene Yosua kwas keret Yehuda ide dihyei hanjop nsi nite ndia hi tut Kaleb di Yefune nipmot di nimbier kim keret Yehuda dem igbit tuhan nicuk Yosuati. Kaleb tug ndei minu ndig Hebron ba, minu ndig dima ne Arba di Enak nicig de ri.

YOSUA 20:7

Lene nibou mben Israel indo minu ndig poi ei Minyei Yordan nite bei mpia nicutti dini jug nok minu ndig ninang coi nya. Minu ndig Kedes ei nungug him keret Naftali ide ei Galilea kin Sikhem ei nungug him keret Efraim ide kin Hebron ei nungug him keret Yehuda ide.

NIJAM NIKEI NYA 1:10

Lene ihwen timiei minu Kanaan di ibong ser minu ndig Hebron cem. Minu ndig Hebron di nipou yo lene ijem ninyeng Kiryat-Arba. Tentara keret Yehuda injei siceu bihwen Sesai kin Ahiman kin Talmai yahagom ide bat nya cem ba, ibindei timek yok ei mpia dima.

SAMUEL GI NIGOM 20:31

Gino disindui sut ba, Daud niyaijo lene mporo aya luei dohoti nok nibou ndig di ninyeng tak kep minu dini bi sren. Gini jo nibreisi mem na bi e? Gima rino ma acuk tungwatu nya ba, yuug nggok Daud bikat kwei lewo suar ma noni tug ndei nimai!”

SAMUEL GI NIGOM 25:1

Mpe di gom bu lene Samuel niyaijo ngwig hon leu api mben Israel yahagom induk yam bipim kep ba, ingon ngguk tut noni nindig bibor. Lene itig ei nide biyati ei minu ndig Rama. Gima leu lene Daud ug ei iggum ndigsi Paran.

SAMUEL GI NIGOM 28:3

Samuel mai su ba, mben Israel yahagom ingon ngguk tut noni nindig bibor lene ibitig ningut cem ei nitimieisi di minu ndig Rama tu. Ei nijam dima cem Saul jji yo di iko bibinggok nya kin nung nya yahagom bingwig leu mben Israel ide minu tu.