NITRITI 22:9 - ALLAH NIHYET MEM TUNGWATU NYA

⁹ Tirigi ikwei krau mbigdip po Allah pai sut pima tu lene Abraham dingug tig nindig bijo-jo yam dip nok nimbar hum dok leu api kon biei binyohou prion eisi. Lene noni ngot nipmot Ishak nimig ninda kin yam leu api kon ba, kes ei biei mui dip.

NITRITI 22:9 ပူးပေါင်းရင်းမြစ်များ

NITRITI 12:7

Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.

NITRITI 12:8

Lene noni jo leu sirima buug ndam mpia nibiho ei cet him ei minu ndig Betel kin Ai ikieti ba, hok nide prak meng ei sirima. Betel jo ei nite bei mpia nicutti lo, Ai jo ei nite bei mpia nipriti. Noni dingug tig nindig bijo-jo yam dip bu ei sirima bingon nimbar hum dok leu api bikuk no bak tuhan.

NITRITI 13:18

Gima rino Abram llet nide prak meng yati bimbut tut bohok hanyen ei biei pigig nghousi di ninyeng Mamre di tungwatu nya ipigig ser mem ide kwar di ikuk yok bak nya dideu Hebron. Lene noni dingug tig nindig bijo-jo yam dip nok nimbar hum dok mem binggei sut tuhan.

NITRITI 22:10

Leu lene noni su ninda bikus nide singau bipi bidat nipmot.

NITRITI 22:8

Lene Abraham buhup “Dwai. Allah Nonti mitin ei domba nimien hi mem sa yo.” Lene yahacem imbut kikau.

NITRITI 8:20

Lene Nuh dingug tig nindig bijo-jo yam dip bibingon nok nimbar hum dok leu api bui mindhe-ndhe kin ha di map kui bi nya hi gom hi gom bidigo leu api ndig hagom bak tuhan eisi.

NIBOU NDIG NYA GI NIGOM 18:33

Noni kon biei hum ei nimbar dima dip bibui sapi nikre ningut gom pima bidigo kukiau lene kon ninghui ei biei hum dip. Lene noni cuk tungwatu nya leu binhyepo itau minyei ei dibijig ningat bitaisi kwei ba, ibiprok sapi ninghui kin biei hum. Yo dima igyai hagom bit leu nok nicuk yoti.

MAZMUR 118:27

tuhan ne Allah rin ba, Noni singat tut nye nindig bibor. Ma jiba dui meng di jitot kwei su bikinyon ei njap nindigti ba, jibimbut tut bijibikrop ttai nimbar hum dok.

MATIUS 27:2

Iba lante biteu nimig ninda leu api ibuwak biyuug sut bikes ei Pilatus di Kaisar ta nok nibou mem minu dima nindati.

MARKUS 15:1

Njap bigyoti lene imam nindig nya kin nibou mben Yahudi nya kin guru Puig Yahudi nicukti nya ibisau ba, induk yam bit Nikei Puig Yahudi nindigsi nya leu binhyepo isimbot kep Yesus ninghapti biyam. Iba lante biteu Yesus leu api ibuwak bikes ei Pilatus nindati.

KISAH 8:32

Srat bokti di noni kwop dima pai “Ibuwak Noni nok ijem domba mem ibui bidigo. Nok domba pmot di ikos ninta leu lo, hara bahap niji cem bi.

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

IBRANI 9:28

Gima rino Kristus kes Nonti ei mbigom ngat he bijo ninno bijo kikau nok mindhe di ibui sut ninggrom leu binhyepo bidip tut tungwatu nya imang bibor ide sisar. Noni mikwei hanyen nimbican mem gima kos ser sisar bi noro mem gima teu yo di igyok ingon mem nikwei hanyenti.

YAKOBUS 2:21

Ide pung di intun him di Abraham yai ningon di kwes kin Allah tug hon mindei i? Tug hon niyai munti lewo noni ba nipmot Ishak bibon midut nibikos ser sisarti bak Allah ei nimbar hum dokti.

PETRUS GI NIGOM 2:24

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.