NITRITI 22:17 - ALLAH NIHYET MEM TUNGWATU NYA

¹⁷ Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

NITRITI 22:17 ပူးပေါင်းရင်းမြစ်များ

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NITRITI 13:16

Midibindei ba, ade nintun him yamti di bram yam nya mporo midigek kep mpia. Ningat ne bit bon tungwatu nya ikwop dihyei ndung nimangti kan bi. Bit bon ikwop yo di intun nani him imangti kan bi.

NITRITI 15:5

Lene tuhan buwak Abram ug ei nisai leu api pai binoni “Ma acap ser mpia-bbed him bibou akwop bidem ham mpia-bbed him nya nimangti hagom ug e. Lewo ade nintun him yamti di bram yam nya imangti midem kep ham dima yok hagom nimangti.”

NITRITI 17:6

Midibindei ba, ade nintun him yamti di bram yam nya imangti ningot ndig apino ibihi igyai inyeng nibou ndig. Midibindei ba, anok pung di mben imang bibor intun him.

NITRITI 24:60

Lene nikijam kin nipmem ipigo noni bipai binoni “Nnaba ade nintun him yamti di bram yam nya imangti ibou juta mang bibor o! Nnaba igya kep bihwen ide siceu nya ba, itimek leu itimieisi o!”

NITRITI 25:11

Niabiati Abraham mai leu su lene Allah njei mun di kei bak nipmot Ishak. Noni bong dideu minyei bousi di ninyeng No Di Niyaijo Ngig Niyai Kep Da Nide Minyei Bousi Ri.

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 26:4

Midibindei ba, ade nintun him yamti di bram yam nya imangti dem ham mpia-bbed him. Lene midikes minu dini titut yam biyok ba, hagom minok ide minu ninda rom. Mben dihyeisi dini hagom mporo mijoi sut mem gima dinjei mun di kei bak yoni bit leu nok dinjei mun di kei bak yo di intun nani him.

NITRITI 28:3

Nna ba Allah Di Sindem Bibor njei mun di kei bak nani tirigi awak atnem leu api bindei ba, amunggwom bat nya imang bibor intun nani him leu binhyepo anok pung di mben mang bibor intun him!

NITRITI 28:4

Nna ba Allah njei mun di kei bak nani kin ade nintun him yamti di bram yam nya bit leu nok Noni njei mun di kei bak Abraham! Nna ba anyeng tak kep minu di abong ser dini di Allah pek bak Abraham nipou su!”

NITRITI 32:12

Ma ayok ngon kep gi po apreu ei mem da pima bipia mporo ma anyohou dimig hagom nok gi kei mem dani lene ditde nintun him yamti di bram yam nya midigek kep mpia ba, imangti dem iggum di jo muk nipimat di bit bon tungwatu nya ikwop nimangti kan bi.”

NITRITI 32:13

Lene noni bong ei mpia dima mem mmun gom leu api njap dihyep bu rino tin ei kwas ndigban nide tut nikindig Esau.

SAMUEL GI NICAN 17:11

Andigpoi e, ditde nipingok angonti rinok gini. Anduk ade limwa di mben Israel yahagom kwei leu dihyei nisurti-nipekti. Imangti midem kep iggum di jo muk nipimat nimangti. Lene ma na di Andigpoi abie tut yo di ikon pran.

NIBOU NDIG NYA GI NIGOM 4:20

Mben Israel kin Yehuda nya imangti dem kep iggum ei muk nipimat nimangti. Ide njita di igyem kin mun ningei di idut dem mem yok ba, yahagom ibong kei igwam kei.

NIBOU NDIG NYA GI NIGOM 9:26

Ei nijam dima ne Nibou Ndig Salomo bibon kibar minyei ei Ezion-Geber dideu Elot ei Muk Nuhuisi Akaba nipimat ei hanjop minu Edom.

NIBOHON MBEN ISRAEL GI NIGOM 27:23

Nibou Ndig Daud kwop yo di ide njap ug ei ari bingwam nyatungwagom nibehei inyeng bi. Lewo tuhan preu ei mem noni bipia mibindei mben Israel ba, imangti dem ham mpia-bbed him.

NIBOHON MBEN ISRAEL GI NICAN 1:9

tuhan Allah e, nogindini ma ayai mun bipek kep mun di apreu sut bak dicig pima. Akon da bidikui bidigwam nok nibou ndig mem mben di nindig bibor di bit bon tungwatu nya ikwop imangti kan bi dini tu.

NEHEMIA 9:23

Abindei bidigek kep mpia ba, igyai imunggwom bat nya imangti noyam kin ham mpia-bbed him nimangti. Apek dihyei hanjop nsi nok gi dem mem idis yam eisi bibong kei igwam kei eisi bit leu nok apreu ei mem idigup bat-idigai bat nyati nipou su.

NEHEI LEUSI 32:13

Ayok ngon kep Ade awak di Abraham kin Ishak kin Yakub nya. Ayok ngon kep bipia apreu ei mem yok tug hon neheng bipia ide nintun him yamti di bram yam nya imangti midem ham mpia-bbed him. Lene apreu ei mem yok tut ide dihyei hanjop nsi bipia apek dihyei dima biyok leu binhyepo inyeng mitak kep hagom bijo ninno bijo kikau.”

YESAYA 48:19

Ba, jide nintun him yamti di bram yam nya midem kep iggum ndung nimangti ba, dicuon ser igyaisi leu binhyepo hi bindei sar yok bi sren.”

YEREMIA 32:22

Ayai minu di nnum kei dini cem biyok bit leu nok Ade nipreu bak idigup bat-idigai bat nyati.

YEREMIA 33:22

Midibikum ei yo di intun Ditde awak di Daud him kin imam di intun Lewi him nya imangti apino imangti midem kep iggum ndung di jo muk nintig dip kin ham mpia-bbed him di bit bon hi kwop nimangti kan bi.”

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

HOSEA 2:1

Gima rino ma ajem ade bat mben Israel inyeng “Allah De Limwa nya di tuhan Ngondut Yok.”

MIKHA 1:9

Lewo bit bon mben Samaria nya ibokti jut hanyen kan bi. Ba, mun di buhun bibor dima micut igkep mben Yehuda cem lewo gima ug krau dimbou pmem ei minu ndig Yerusalem di nok dide bat nya itimieisi.

ROMA 4:13

Allah preu ei mem Abraham kin yo di intun noni him bipia imbun dihyeisi dini. Noni preu ei nok gima lewo Abraham bit Puig Yahudi nicuk noti nya bi noro lewo noni ba ningon com Allah apino Allah joi sut noni nok no di pwoi ningona.

ROMA 9:27

Lene Nabi Yesaya simbot dat tut mben Israel bipai “Mbro nok gino mben Israel imangti dem kep iggum ei muk nipimat lo, ibou poi he migyai niteu leu sisarti kin niyaijo nijep.

KORINTUS GI NIGOM 15:57

Noro jikwei ba, ipai sigyo bak Allah lewo Noni yai nisindemti binye leu binhyepo ibindei timek siceu nya yahagom tug hon ide Tuhan Yesus Kristus!

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

NINDAT KEP TUHAN NICUKTI NYA 1:10

jide tuhan Allah bindei ba, jimangti kum eisi bidem kep ham mpia-bbed him nimangti.

NINDAT KEP TUHAN NICUKTI NYA 1:11

Handei kon ba, jidigup bat-jidigai bat nya ide tuhan Allah mikum ei jimangti bu kikau ug bipek mbisribu gom bram yam bibindei ba, jibong kei jigwam kei bit leu nok Noni preu ei mem yok nipou su!

NINDAT KEP TUHAN NICUKTI NYA 10:22

Tirigi po jidigup bat-jidigai bat nya yuug ei minu Mesir nipou pima lene imangti ibou ningot muhwindacan he. Noro nogindini tuhan di nok jide Allah bindei ba, jimangti dem kep nok ham mpia-bbed him nimangti tu.”

NINDAT KEP TUHAN NICUKTI NYA 13:17

Ma jiyok ndigban nisigion nya dima mem jenti njem au. Noro suar jibindei sar mun dima yok hagom bingwig hak. Apino tuhan nigga biborti mikes hon leu api Noni mindo nisingat tut jeti hanyen bije. Ningon nggriu sut jeti mibindei ba, jimang ndig bibor bit leu nok gi po Noni preu ei mem jidigup bat-jidigai bat nya pima.

NINDAT KEP TUHAN NICUKTI NYA 13:18

Gima hagom nok gino jibit tuhan nicuk jeti nya di ditri tut bije njap di ammani hagom ba, jipwoi ningona.”

NINDAT KEP TUHAN NICUKTI NYA 21:19

lene suar nide ndigpoi ikat noni bikes bak nibou nya ei minu ndig di yoni ibong niti dima leu binhyepo imbus ningonti.

IBRANI 11:12

Mbro nok gino Abraham dideu niyaijo ningwig honti lo, tungwatu nya imang bibor intun noni him ba, idem kep ham di jo ei mpia-bbed him kin iggum di jo ei muk nipimat di bit bon tungwatu nya ikwop nimangti kan bi.

IBRANI 6:14

Noni pai “Midinjei mun di kei bak nani lene dibindei yo di intun nani him bidigek kep mpia.”

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”