NITRITI 22:14 - ALLAH NIHYET MEM TUNGWATU NYA

¹⁴ Lene noni jem gumihyep dima ninyeng “tuhan Tin Ei Mun Di Isuar”. Gima rino tungwatu nya ijem kep ninyeng “tuhan tin ei mun di isuar nya ei Nide mbigdip tu”.

NITRITI 22:14 ပူးပေါင်းရင်းမြစ်များ

NITRITI 22:13

Lene Abraham kon nibou bingat lo, domba nikre hi riwar pai nibou nggaiti ei a. Lene ug kat leu api bui bidigo lene ndig kep hum ei nimbar hum dokti biluei nipmot Ishak.

NITRITI 22:15

Lene tuhan de malaikati dima nihyet tibim kwei leu mpia-bbed him bipai bak Abraham nimbican bu,

NITRITI 22:8

Lene Abraham buhup “Dwai. Allah Nonti mitin ei domba nimien hi mem sa yo.” Lene yahacem imbut kikau.

NITRITI 28:19

Lene noni jem gumihyep dima ninyeng Betel. (Ninyeng timiei rino Lus.)

NITRITI 32:30

Lene Yakub simbot dat “Mei! Dingat Allah niimaisi bou diyai him tu lo, diyaisi jo yo!” Gima rino noni jem gumihyep dima ninyeng “Pniel”.

NIBOU NDIG NYA GI NIGOM 17:8

Lene tuhan pai bak Elia,

NEHEI LEUSI 17:15

Lene Musa dingug tig binok nimbar hum dok bijem ninyeng “tuhan Rinok Ditde Kendera.”

YEHEZKIEL 48:35

Ngug tig dima titut yam nijeisi dem kilometer muhwindatai. Hon ammani bikui ne tungwatu nya mijem minu ndig dima ninyeng “TUHAN NINGAT RIN EI SIRIMA!”

MIKHA 4:10

Je di timiei minu ndig Yerusalem e, ma jipu jinghim ba, juun noyam kin sop di ninghim dut tut munggwom lewo jei bi lene suar jikes jitimieisi ei bijibong bas hek mpia leu api jide siceu nya mikri je ug ei minu ndig Babel. Noro tirigi jibong ei minu dima ne tuhan miteu je bijingwes ngun leu jide siceu nya inda nsi.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

NINDAT KEP TUHAN NICUKTI NYA 32:36

tuhan teu Nide limwa nya tirigi Noni ngat bipia isindem bi. Noni ngondut Nide awak nya tirigi Noni ngat bipia inghuisi jet.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

NIJAM NIKEI NYA 6:24

Lene Gideon ba tig bidingug nimbar hum dok gom mem tuhan ei sirima lene jem ninyeng “tuhan Nok Nibousi Mem Nibong Kei Nigwam Keisi.” (Nimbar hum dok dima no jo ei Abiezer nide bat nya ide minu Ofra kikau kwei bipek ammani kep.)

SAMUEL GI NIGOM 29:10

Gima rino Daud e, ma je di jinang leu Saul ba, jikwei tti kin da pima jahagom jikiju mem njap tekti di hyep bijingkwei hanyen haninyai nipou tirigi mpia yaisi pri bicom digai jimbutti bigyo.”

SAMUEL GI NIGOM 7:12

Lene Samuel ug yai tig gom bitas ei Mizpa kin Sen ikieti lene bipai “Allah mpu nye kikau kwei bipek ammani kep tu.” Leu api noni jem tig dima ninyeng bipia “Tig Nibiyok Ngon Kep Allah Di Mpu Nye.”