NITRITI 21:8 - ALLAH NIHYET MEM TUNGWATU NYA

⁸ Tirigi Abraham nipmot wer ndig nut bidut do bu bi lene nicig bon pesta nindig bibor kep noni.

NITRITI 21:8 ပူးပေါင်းရင်းမြစ်များ

NITRITI 19:3

Noro Lot bidip huk yok kikau bicigit yok kui nide ig leu api ice. Lene Lot tin ei njita di mmau bikang roti nindak poi cem mem yok bigyem.

NITRITI 21:7

Lene noni binut bu bipai “Nipou pini jug tou ripai bak Abraham bipia Sara miyai do bak nimunggwom i? Noro diyai munggwom pinai binoni tirigi noni wer andig-ndau su.”

NITRITI 21:9

Mpe di gom lene Ismael di Abraham kin Hagar po mben Mesir pima ipmot kek bit Ishak di Sara nipmot.

NITRITI 26:30

Lene Ishak bon pesta mem yok. Lene igyem njita ba, idut ba anggur ngei bit yam.

NITRITI 29:22

Gima rino Laban bon pesta nindig bibor kep gi iwak yamti binduk timiei minu ndig dima yahagom kwei.

NITRITI 40:20

Njap ningai bu lene Firaun bon pesta nindig bibor kep nide njap di srek binduk nide nibou di igya kui noni yahagom kwei. Leu api sok nihyet mem nibou ig bui bikes nibou mem ba anggur ngei kin nibou mem roti leu ig bui nsi kwei ei yahagom yoho bei.

SAMUEL GI NICAN 3:20

Tirigi Abner ya tut nide tentara nya ibou nyatungwagom biyuug ngat Daud ei Hebron lene Daud bon pesta mem yok.

NIBOU NDIG NYA GI NIGOM 3:15

Lene Salomo da niyai bikiju leu api jo nibreisi mem noni bipia Allah mbrap bit noni tug hon mumpriem dima tu. Lene noni ngkwei hanyen ug ei minu ndig Yerusalem biya Brua Gi Preu noho leu api bon midut nindig mindhe titut kep humti kin nibon midut nibiyai ningon kwes kin tuhanti hagom ei nimbar hum dokti. Gima ngwig lene noni bon pesta mem nide nibou nya di igya kui noni yahagom.

ESTER 1:3

Nibou Ndig Ahasyweros ninyeng tak kep limwa nya ug cut ari bingwam gi niningai lene noni bon pesta di nindig bibor mem yo di inyeng jei kin yo di igya kui noni yahagom. Nibou pran minu Persia kin Media kin nibou hanjop nya cem bitut yo di inyeng jei ei hanjop nsi nya yahagom ibit pesta dima.

MAZMUR 131:2

Noro dingon jo nyahan ba, dingon gwam dem kep munggwom ngwoi di kes nuhui leu do ngei ba, bong nyahan hak ei nipmem nimigsi cem ba, noyam kin ningwoi-ngwoi di nipmem pai-hi-paisi. Dingon jo nyahan nok gima.

HOSEA 1:8

Tirigi nipmisop kes do bidut bu bi lene ditnem nghop hanyen bisrek tut nipmot gom kin bu.

NIJAM NIKEI NYA 14:10

Tirigi Simson nicig ug cem kep sop dima ei nide ig bei leu su lene Simson bon pesta mem yok ei sirima bit leu nok pinai pilei di mben Filistin igyai kepti.

NIJAM NIKEI NYA 14:12

Lene Simson pai biyok “Gino jibuhup nihyet nibiti ninda dini igbit mem njap muhwindacan nipou tirigi igyem pesta bingwig bigyo lene midiyai minyahas linen di dia-diau kei gom kin sinsun nimig-ninda gom ba, dibikwop jahagom.

SAMUEL GI NIGOM 1:22

Noro Hana gi bit yok bi lewo pai bak nijjep “Niabiati tirigi dipmot kes do bidut bu bi lene midibuwak noni ug ei tuhan De Prak Meng nsi. Noni mibong ei sirima kikau bipek niyaijo ningwig honti.”

SAMUEL GI NIGOM 1:24

Niabiati tirigi Samuel kes do leu ba, dut bu bi lene nipmem usap noni ug ei tuhan De Prak Meng nsi ei Silo. Yoni ijem sapi di nide njap ug ei ari bingwam ningai ningut gom ba, ipwoi tepun kron gom kin ba anggur ningei naham nindig gom cem bimbut tut.

SAMUEL GI NIGOM 25:36

Tirigi Abigail ngkwei hanyen lene ngat lo, Nabal bon pesta nindig bibor ei nide ig ba, pesta dima noyam kin nibou ndig de pesta. Pes pu noni ba, nibou ngwakti sibui lene yai nillei cem. Gima rino nitnem pui mun bak bi kikau bipek njap di hyep bu.